நாமக்கல்:
நாமக்கல் மண்டலத்தில் நாமக்கல், சேலம் ஈரோடு, திருப்பூர், பல்லடம் ஆகிய பகுதிகளில் 1000-த்திற்கும் மேற்பட்ட கறிக்கோழி பண்ணைகள் உள்ளன. இந்த பண்ணைகளில் 25 லட்சத்திற்கும் அதிகமாக கறிக்கோழிகள் வளர்க்கப்பட்டு நாடு முழுவதும் ஏற்றுமதி செய்யப்பட்டு வருகிறது. இதற்கான விலை பல்லடத்தில் நிர்ணயம் செய்யப்படுகிறது.
இந்த நிலையில் நேற்று பல்லடத்தில் கறிக்கோழி உற்பத்தியாளர்கள், வியாபாரிகள் ஆலோசனை கூட்டம் நடந்தது. இதில் கறிக்கோழி உற்பத்தி மற்றும் தேவை குறித்து விரிவாக ஆலோசிக்கப்பட்டது. பின்னர் கறிக்கோழி விலையில் எந்த மாற்றமும் செய்யாமல் 92 ரூபாயாக நீடிக்கும் என்று அறிவிக்கப்பட்டது.
இதே போல நாமக்கல்லில் நடந்த முட்டை கோழி உற்பத்தியாளர்கள் ஆலோசனை கூட்டத்தில் முட்டை கோழி விலையிலும் எந்த மாற்றமும் செய்யாமல் 62 ரூபாயாக நீடிக்கும் என்று அறிவிக்கப்பட்டது. முட்டை விலை கடந்த 10 நாட்களாக 450 காசுகளாக நீடிக்கிறது. இதனால் முட்டை விலை 40 காசுக்கு மேல் குறைத்து விற்க கூடாது என்று தேசிய முட்டை ஒருங்கிணைப்பு குழு அறிவித்துள்ளது.
