புதியம்புத்தூர்:
ஒட்டப்பிடாரம் அருகே உள்ள அக்காநாயக்கன்பட்டியில் பஞ்சாயத்து தலைவராக இருப்பவர் அய்யாதுரை. (வயது60).
இவருக்கும் அதே ஊரை சேர்ந்த ரஞ்சித் என்பவருக்கும் நடந்து முடிந்த பஞ்சாயத்து தேர்தல் தொடர்பாக முன் விரோதம் இருந்து வந்துள்ளது.
தற்போது ரஞ்சித் சென்னையில் ஒப்பந்த வேலைகள் செய்து வந்தார். அக்காநாயக்கன்பட்டிக்கு வேறு வழக்கு விசாரணைக்காக நேற்று மாலை வந்துள்ளார்.
அப்போது அந்தப் பகுதியில் அய்யாதுரை அவரது மகன் கலாநிதி (40) ஆகியோர் நின்று கொண்டிருந்தனர். அப்போது அங்கு சென்ற ரஞ்சித் அவர்களிடம் வாக்குவாதத்தில் ஈடுபட்டார்.
இதில் ஆத்திரமடைந்த ரஞ்சித் அரிவாளால் சரமாரியாக அவர்களை வெட்டிவிட்டு தப்பி ஓடி விட்டார். இதில் அய்யாதுரை, கலாநிதி ஆகியோர் படுகாயமடைந்தனர்.
உடனடியாக அவர்களை மீட்டு அரசு மருத்துவமனையில் அனுமதித்தனர். அங்கு அவர்களுக்கு தீவிர சிகிச்சை அளிக்கப்பட்டு வருகிறது.
இது தொடர்பாக புகாரின் பேரில் புளியம்பட்டி போலீசார் ரஞ்சித்தை கைது செய்து விசாரணை நடத்தி வருகின்றனர்.
