சீர்காழி:
சீர்காழி அடுத்த திருவெண்காடு சுவேதாரண்யேஸ்வரர் சுவாமி கோவிலில் இன்று காலை சசிகலா சாமி தரிசனம் செய்த பின்னர் நிருபர்களிடம் கூறியதாவது:-
சட்டசபையில் ஓ.பி.எஸ்., இ.பி.எஸ். வாக்குவாதத்தில் ஈடுபட்டது குறித்து கேட்ட கேள்விக்கு ஒரு தீர்மானம் கொண்டு வரும்போது ஒவ்வொருவரும் பேசுவதற்கு உரிமை உள்ளது. மக்கள் சார்ந்த பிரச்சனை என்பதால் ஓ.பி.எஸ் பேசியது எந்த தவறும் இல்லை.
அ.தி.மு.க. இரண்டு அணிகளையும் ஒருங்கிணைத்து நிச்சயமாக தலைமை ஏற்பேன். எதிர்கட்சிகள் எப்படி நினைத்தாலும் அ.தி.மு.க., எம். ஜி.ஆர். போட்ட விதை. அதனை வளர்த்து வந்தவர் ஜெயலலிதா. அவர்கள் வழி வந்த நாங்கள் கட்சியை சிதறவிடாமல் ஒன்றிணைந்து பாராளுமன்றத் தேர்தலில் பெருவாரியான வாக்குகளில் வெற்றியை பெறுவோம்.
இவ்வாறு அவர் கூறினார்.
