உடுமலை :
உடுமலை அருகே லிங்கம்மாவூர் அரசு பழங்குடியினர் உண்டு உறைவிட பள்ளி உள்ளது .இங்கு பயிலும் மாணவர்களுக்கு சமூக ஆர்வலர்கள் பல்வேறு வகையில் உதவி வருகின்றனர்.
இந்தநிலையில் மாணவர்களுக்கு கோவை இருகூர் அரசு மேல்நிலைப் பள்ளியின் ஓய்வு பெற்ற ஆசிரியர் முருகேசன் ஏழை மாணவர்கள் பயன்பெறும் வகையில் குளிர்காலத்தில் பயன்படுத்திக் கொள்ள ஸ்வெட்டர் வழங்கினார். இருகூர் அரசு மேல்நிலைப்பள்ளி முன்னாள் மாணவர் ஹரிஸ் இனிப்புகள் வழங்கினார். கோவை தனியார் டெக்ஸ்டைல் உரிமையாளர் சிவா ,மாணவர்களுக்கு உடைமைகளை வைத்துக் கொள்வதற்காக லக்கேஜ் பேக்குகள் வழங்கினார். நிகழ்ச்சிக்கு பள்ளி தலைமையாசிரியர் ( பொறுப்பு) ஐயப்பன் தலைமை வகித்தார்.
