என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள் (Tamil News)
X
ஐ.பி.எல். சூதாட்டத்தில் ஈடுபட்டதாக மூன்று பேர் கைது
Byமாலை மலர்12 May 2017 3:58 AM IST (Updated: 12 May 2017 3:58 AM IST)
இந்தியாவில் ஐ.பி.எல். கிரிக்கெட் போட்டிகள் நடைபெற்று வரும் நிலையில் சூதாட்டத்தில் ஈடுபட்டதாக மூன்று பேர் கைது செய்யப்பட்டுள்ளதாக பி.சி.சி.ஐ தெரிவித்துள்ளது.
கான்பூர்:
கிரிக்கெட் போட்டிகளின் போது சூதாட்டத்தில் ஈடுபட்டதாக மூன்று பேர் கைது செய்யப்பட்டுள்ளனர் என பி.சி.சி.ஐ. தெரிவித்துள்ளது. இந்த ஆண்டிற்கான இந்தியன் பிரீமியர் லீக் கிரிக்கெட் போட்டிகள் நடைபெற்று வரும் நிலையில் சூதாட்டம் தொடர்பாக பலர் கைது செய்யப்பட்டுள்ளனர்.
பி.சி.சி.ஐ.-இன் ஊழல் தடுப்பு பிரிவினர் சந்தேகத்தின் அடிப்படையில் சிலரது நடவடிக்கையை கவனித்து வந்துள்ளனர். இதன் அடிப்படையிலேயே மூன்று பேர் கைது செய்யப்பட்டுள்ளனர் என பி.சி.சி.ஐ. வெளியிட்டுள்ள அறிக்கையில் குறிப்பிடப்பட்டுள்ளது.
இதைத் தொடர்ந்து உத்திர பிரதேச குற்றப் பிரிவு போலீசார் சூதாட்டத்தில் ஈடுபட்டவர்களை கைது செய்துள்ளனர். கான்பூரின் கிரீன் பார்க் மைதானத்தில் கடந்த புதன் கிழமை ஐ.பி.எல். கிரிக்கெட் போட்டி நடைபெற்ற நிலையில் மே 13-ந்தேதியும் போட்டி நடைபெற இருக்கிறது.
முன்னதாக உத்திர பிரதேச மாநிலத்தில் சிறப்பு அதிரடி படையினர் நடத்திய சோதனையில் கிரிக்கெட் சூதாட்டத்தில் ஈடுபட்டதாக நான்கு பேர் கைது செய்யப்பட்டனர். மேலும் இவர்களிடம் இருந்து 20 லட்சம் ரூபாய் ரொக்கம் பறிமுதல் செய்யப்பட்டது.
கிரிக்கெட் சூதாட்டம் குறித்து துப்பு கிடைத்ததை தொடர்ந்து சிறப்பு அதிரடி படையினர் மற்றும் உள்ளூர் போலீசார் இணைந்து தீவிர சோதனையில் ஈடுபட்டனர். கான்பூர் பகுதியின் மூன்று இடங்களில் நடைபெற்ற சோதனையில் மொத்தம் நான்கு பேர் கைது செய்யப்பட்டதாக தெரிவிக்கப்பட்டது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X