என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள் (Tamil News)
X
வாக்கு வங்கிக்காக தலித் வேட்பாளர்: பா.ஜ.க. மீது சிவசேனா குற்றச்சாட்டு
Byமாலை மலர்20 Jun 2017 9:00 AM IST (Updated: 20 Jun 2017 9:00 AM IST)
ஜனாதிபதி தேர்தலில் வாக்கு வங்கிக்காக பா.ஜ.க. தலித் வேட்பாளரை நிறுத்தி உள்ளதாக சிவசேனா கட்சி தலைவர் உத்தவ் தாக்கரே தெரிவித்துள்ளார்.
மும்பை:
பிரணாப் முகர்ஜியின் பதவிக் காலம் முடிவடைவதையொட்டி வருகின்ற ஜூலை 17-ம் தேதி ஜனாதிபதி தேர்தல் நடைபெறவுள்ளது. இந்த நிலையில் வேட்பாளர்களை தேர்வு செய்யும் முனைப்பில் பா.ஜ.க. ஒருபுறமும், காங்கிரஸ் கட்சி ஒருபுறமும் தீவிரமாக ஈடுபட்டு வந்தனர். அதேபோல் கூட்டணி மற்றும் எதிர்க்கட்சிகளின் ஆதரவை பெறுவதற்கும் பா.ஜ.க. முயற்சி செய்து வந்தது. சோனியா காந்தியும் எதிர்க்கட்சி தலைவர்களை ஒருங்கிணைத்து பா.ஜ.க.வுக்கு எதிராக பொது வேட்பாளரை நிறுத்த முயன்று வருகிறார்.
இந்நிலையில், பீகார் ஆளுநரும் தலித் சமுதாயத்தை சேர்ந்தவருமான ராம்நாத் கோவிந்தை ஜனாதிபதி வேட்பாளராக நேற்று பா.ஜ.க திடீரென அறிவித்தது. ராம்நாத் கோவிந்த் அறிவிப்புக்கு சில எதிர்க்கட்சிகள் ஆதரவும், சில கட்சிகள் எதிர்ப்பும் தெரிவித்து வருகின்றனர்.
இதனிடையே, பா.ஜ.க. வேட்பாளர் அறித்த உடனேயே மகாராஷ்டிராவில் அதன் கூட்டணி கட்சியான சிவசேனா அவசர கூட்டம் நடத்தியது. பா.ஜ.க அறிவித்த வேட்பாளர் குறித்து ஆலோசனை நடத்தப்பட்டது.
இந்நிலையில், ஜனாதிபதி தேர்தலில் வாக்கு வங்கிக்காக பா.ஜ.க. தலித் வேட்பாளரை நிறுத்தி உள்ளதாக சிவசேனா கட்சி தலைவர் உத்தவ் தாக்கரே தெரிவித்துள்ளார்.
இது தொடர்பாக பேசிய அவர், “தலித் சமுதாயத்தை சேர்ந்தவர் என்பதற்காக மட்டுமே ஒருவரை நீங்கள் நிறுத்தினால் அதில் எங்களுக்கு உடன்பாடு இல்லை. அதாவது நீங்கள் வாக்கு வங்கி மீது உங்கள் கவனம் உள்ளது. ஜனாதிபதி வேட்பாளர் ஒட்டுமொத்த நாட்டு மக்களின் நலன்கள் சார்ந்தவராக இருக்க வேண்டும். நாங்கள் ஏற்கனவே ஆர்.எஸ்.எஸ். தலைவர் மோகன் பகவத் மற்றும் பசுமை புரட்சிக்கு வித்திட்ட எம்.எஸ்.சுவாமிநாதன் ஆகிய இரண்டு பெயர்களை பரிந்துரை செய்து இருந்தோம்” என்றார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X