பெட்ரோல் விலை லிட்டருக்கு 6 காசுகள் குறைப்பு - டீசல் 5 காசுகள் குறைப்பு

புதுடெல்லி:

சர்வதேச சந்தையில் கச்சா எண்ணெயின் விலை மாற்றத்தை பொறுத்து, இந்தியாவில் பெட்ரோல், டீசல் விலை தினந்தோறும் மாற்றியமைக்கப்படுகிறது. கர்நாடக சட்டசபை தேர்தலுக்கு பிறகு கடந்த மாதம் 14-ந் தேதி முதல் பெட்ரோல், டீசல் விலை தொடர்ந்து ஏறுமுகத்தில் இருந்தது.

இந்த நிலையில் கடந்த சில தினங்களாக பெட்ரோல், டீசல் விலை தொடர்ந்து, குறைந்து வருகிறது. கடந்த புதன்கிழமை பெட்ரோல், டீசல் விலையில் லிட்டருக்கு தலா 1 காசு குறைக்கப்பட்ட நிலையில், நேற்று முன்தினம் பெட்ரோலுக்கு 7 காசுகளும், டீசலுக்கு 5 காசுகளும் குறைந்தது.

இதன் தொடர்ச்சியாக நேற்று மீண்டும் பெட்ரோல், டீசல் விலை குறைக்கப்பட்டது. அதன்படி பெட்ரோல் லிட்டருக்கு 6 காசுகளும், டீசல் லிட்டருக்கு 5 காசுகளும் குறைந்தது.  #Petrol #Diesel