மகாராஷ்டிராவில் பஸ்-வேன் மோதலில் 8 பேர் உயிரிழந்தனர்

மும்பை:

மகாராஷ்டிரா மாநிலம், துலே பகுதியை சேர்ந்த சிலர் நாசிக் நகரில் நடைபெறும் திருமணத்தில் பங்கேற்பதற்காக இன்று ஒரு வேனில் சென்று கொண்டிருந்தனர். மும்பை - ஆக்ரா நெடுஞ்சாலை வழியாக சென்றபோது இன்று காலை 11 மணியளவில் அந்த வேனின் ஒரு டயர் திடீரென்று வெடித்தது.

இதனால், நிலைதடுமாறி ஓடிய வேன், ஷிர்வாடா பாதா அருகே எதிர்திசையில் வேகமாக வந்த அரசு பஸ் மீது பயங்கரமாக மோதியது. இந்த கோர விபத்தில் வேனில் சென்ற 5 பெண்கள் உள்பட 8 பேர் பரிதாபமாக உயிரிழந்தனர். காயமடைந்த 7 பேர் அருகாமையில் உள்ள மருத்துவமனைகளில் அனுமதிக்கப்பட்டுள்ளனர். #MUVramsintobus #Nashikaccident