கொல்கத்தா:
மேற்கு வங்காள மாநிலத்தில் துர்கா பூஜை விழா மிகவும் விமர்சையாக கொண்டாடப்படும்.
இந்த ஆண்டு வருகிற 15-ந்தேதி முதல் 19-ந்தேதி வரை இது நடைபெறும்.
காங்கிரஸ் தலைவர் ராகுல் காந்தி கொல்கத்தாவில் நடைபெறும் துர்கா பூஜையில் கலந்து கொள்கிறார். வருகிற 17-ந்தேதி அவர் கொல்கத்தா செல்கிறார். இதை மேற்கு வங்காள காங்கிரஸ் தலைவர் சேர்மன் மித்ரா உறுதிப்படுத்தினார்.
அவர் கூறும் போது "துர்கா பூஜை எங்களுக்கு மிகப்பெரிய பண்டிகையாகும். இந்த துர்கா பூஜையின் முக்கிய தினத்தில் எங்கள் கட்சி தலைவர் கொல்கத்தா வருகிறார். அவரது வருகையை நாங்கள் அனைவரும் ஆவலுடன் எதிர் நோக்குகிறோம்" என்றார்.
துர்கா பூஜையில் கலந்து கொள்ளும் ராகுல் காந்தி காங்கிரஸ் கட்சி நிர்வாகிகளுடனும், ஆலோசனை நடத்துகிறார்.
ராகுலின் வருகை மேற்கு வங்காள காங்கிரசுக்கு புத்துணர்வை ஏற்படுத்தும் என்று மாநில நிர்வாகி ஒருவர் தெரிவித்துள்ளார்.
மேற்கு வங்காள பயணத்தின் போது ராகுல் காந்தி திரிணாமுல் காங்கிரஸ் தலைவரும், மாநில முதல்- மந்திரியுமான மம்தா பானர்ஜியை சந்திக்கும் திட்டம் எதுவுமில்லை.
2 ஆண்டுகளுக்கு பிறகு ராகுல் காந்தி மேற்கு வங்காளம் செல்கிறார். கடைசியாக 2016 சட்டசபை தேர்தல் பிரசாரத்துக்கு சென்று இருந்தார். #congress #RahulGandhi #Durgapooja
