புதுடெல்லி:
பாராளுமன்ற தேர்தலுக்கு இன்னும் சில நாட்களே இருக்கும் நிலையில் பாஜக தலைவர் அமித் ஷா, பிரதமர் மோடி ஆகியோர் அக்கட்சியின் வாக்குச்சாவடி முகவர்களுடன் வீடியோ கான்பிரன்சிங் வழியாக கலந்துரையாடி ஆலோசனைகளை வழங்கி வருகின்றனர்.
இதில் அடுத்தகட்டமாக நாட்டில் உள்ள 15 ஆயிரம் பகுதிகளில் உள்ள சுமார் ஒரு கோடி பாஜக தலைவர்கள், தொண்டர்கள் மற்றும் நலவிரும்பிகளுடன் வீடியோ கான்பிரன்சிங் மூலம் பிரதமர் நரேந்திர மோடி கலந்துரையாடும் பிரமாண்ட நிகழ்ச்சி வரும் 28-ம் தேதி நடைபெறுகிறது.
டெல்லியில் இருந்தவாறு இந்த கலந்துரையாடல் நிகழ்ச்சியில் மோடி கலந்து கொள்கிறார். இதில் பங்கேற்பவர்கள் ‘நமோ ஆப்’பில் உள்ள #MeraBoothSabseMazboot என்ற இணைப்பின் மூலம் பிரதமரை தொடர்புகொண்டு கலந்துரையாடலாம் என்று அறிவிக்கப்பட்டுள்ளது.
வரும் 28-ம் தேதி நடைபெறும் இந்த நிகழ்ச்சி உலகளாவிய அளவில் மிகப்பெரிய வீடியோ கான்பிரன்சிங் என்ற சாதனையை ஏற்படுத்தும் என பாஜக தலைவர் அமித் ஷா நம்பிக்கை தெரிவித்துள்ளார். #Modivideoconference #largestvideoconference #AmitShah
