ம.பி., ராஜஸ்தான், சத்தீஸ்கரில் பாஜக ஆட்சி- தெலுங்கானாவில் காங்கிரஸ் ஆட்சி: லைவ் அப்டேட்ஸ்

தெலுங்கானாவில் பா.ஜ.க.வுடன் கூட்டணி வைத்து 8 தொகுதிகளில் போட்டியிட்ட நடிகர் பவன் கல்யாணின் ஜனசேனா கட்சி அனைத்து இடங்களிலும் தோல்வி அடைந்துள்ளது.

தெலுங்கானாவின் கமாரெட்டி தொகுதியில் போட்டியிட்ட பா.ஜ.க. வேட்பாளர் வெங்கட ரமண ரெட்டி 6,741 வாக்கு வித்தியாசத்தில் முதல் மந்திரி கே.சி.ஆரையும், 11,736 வாக்குகள் வித்தியாசத்தில் ரேவந்த் ரெட்டியையும் தோற்கடித்தார்.

ராஜஸ்தானில் பா.ஜ.க. 100-க்கு மேற்பட்ட இடங்களில் வென்று ஆட்சியைக் கைப்பற்றியுள்ளது. இதையடுத்து, முதல் மந்திரி அசோக் கெலாட் தனது ராஜினாமா கடிதத்தை கவர்னர் கல்ராஜ் மிஸ்ராவிடம் வழங்கினார்.

4 மாநில தேர்தல் குறித்து காங்கிரஸ் எம்.பி. ராகுல் காந்தி கூறுகையில், மத்தியப் பிரதேசம், சத்தீஸ்கர் மற்றும் ராஜஸ்தான் மாநிலங்களில் மக்கள் அளித்த தீர்ப்பை பணிவுடன் ஏற்றுக்கொள்கிறோம். தெலுங்கானா மக்களுக்கு நான் மிகவும் நன்றி தெரிவித்துக் கொள்கிறேன் என்றார்.

Congress MP Rahul Gandhi tweets, "We humbly accept the mandate of Madhya Pradesh, Chhattisgarh and Rajasthan. The battle of ideology will continue. I am very thankful to the people of Telangana..." pic.twitter.com/h6uqOanZIf

— ANI (@ANI) December 3, 2023

தெலுங்கானாவில் காங்கிரஸ் கட்சி 60-க்கும் மேற்பட்ட இடங்களில் முன்னிலை பெற்றுள்ளது. டிஜிபி அஞ்சனி குமார் மற்றும் பிற காவல்துறை அதிகாரிகள் ரேவந்த் ரெட்டியை ஐதராபாத்தில் உள்ள அவரது இல்லத்தில் சந்தித்து பூங்கொத்து கொடுத்து வாழ்த்து தெரிவித்த நிலையில், தேர்தல் விதிகளை மீறியதாக டி.ஜி.பி. அஞ்சனி குமாரை சஸ்பெண்ட் செய்து இந்திய தேர்தல் ஆணையம் உத்தரவிட்டது.