தெலுங்கானா மாநிலத்தில் காங்கிரஸ் கட்சி ஆட்சியை பிடித்ததில் இருந்து சந்திரசேகர ராவின் பிஆர்எஸ் கட்சியில இருந்து தொடர்ந்த எம்.எல்.ஏ.-க்கள் வெளியேறிய வண்ணம் உள்ளனர்.
இதுவரை 10 எம்.எல்.-க்கள் பிஆர்எஸ் கட்சியில் இருந்து விலகியுள்ளனர். இந்த நிலையில் பி.ஆர்.எஸ். கட்சியின் எம்.எல்.ஏ. கவுசிக் ரெட்டி பத்திரிகையாளர்களை சந்தித்தார். அப்போது சேலை மற்றும் வளையல்களை கையில் காட்டியவாறு, பிஆர்எஸ் கட்சியில் இருந்து வெளியேறிய எம்.எல்.ஏ.-க்கள் இவைகளை அணிய வேண்டும். எம்.எல்.ஏ.-க்கள் பெயர்களை குறிப்பிட்டு நீங்கள் ஆண்கள் அல்ல. ஆகவே இதை அணியுங்கள்" என்றார்.
அதற்கு பதிலடி கொடுக்கும் வகையில் காங்கிரஸ் தலைவர் பந்த்ரு சோபா ராணி, மீடியாக்களுக்கு பேட்டி அளிக்கும் போது ஷூவை காண்பித்தார். மேலும், கவுசிக் ரெட்டி பெண்களை இழிவுப் படுத்தியதாகவும் தெரிவித்தார். அத்துடன் நீங்கள் வளையல், சேலையை காட்டுனீர்கள். நாங்கள் உங்களுக்கு செருப்பை காண்பிக்கிறேன். நீங்கள் பெண்களை இழிவுப்படுத்தினால் நாங்கள் உங்களை செருப்பால் அடிப்போம்" என்றார்.
மாநில மகளிர் கூட்டுறவு வளர்ச்சிக் கழகத் தலைவி மற்றும் மாநில காங்கிரஸ் துணைத் தலைவர் ஆவார்.
தேர்தலுக்கு பின் பிஆர்எஸ் கட்சியில் இருந்து விலகிய 10 எம்.எல்.ஏ.-க்களையும் தகுதி நீக்கம் செய்ய வேண்டும் என பிஆர்எஸ் தொடர்ந்து வலியுறுத்தி வருகிறது.
