மழையில் இருந்து பயணிகளை பாதுகாத்த விமான ஊழியர்கள்

பருவமழை காலம் தொடங்கியுள்ளநிலையில் வடகிழக்கு மாநிலங்களில் மழை பெய்ய தொடங்கி உள்ளது. இந்தநிலையில் நாகாலாந்து மாநிலம் டிம்மபூரில் கனமழை கொட்டியது. இதனையடுத்து அங்குள்ள விமான நிலையத்தில் டெல்லி செல்வதற்காக தனியார் விமானம் புறப்பட தயாரானது. விமான நிலையத்தில் இருந்து ஓடுதளத்தில் புறப்பட தயாராக நிறுத்தப்பட்டிருந்த விமானத்திற்கு சென்றடைவதற்காக பஸ்சில் பயணிகள் அழைத்து செல்லப்பட்டனர்.

அப்போது கனமழை பெய்ததால் பயணிகள் மழையில் நனைந்து விடாமல் இருக்க விமானநிலையத்தில் இருந்து பஸ் கதவுகள் வரை ஊழியர்கள் குடை பிடித்தபடி வரிசையாக நின்றனர். இதனால் பயணிகள் அனைவரும் மழையில் நனையாமல் பஸ்சில் ஏறினர்.

இதுகுறித்தான வீடியோ காட்சிகள் இணையத்தில் வெளியாகி வைரலாகி வரும் நிலையில் விமான ஊழியர்களின் இந்த செயலுக்கு பாராட்டுக்களை தெரிவித்து வருகிறார்கள்.

View this post on Instagram

A post shared by Gloria Sangtam (@gloria.sangtam)