2018 ஹோன்டா ஆக்டிவா 125 இந்தியாவில் வெளியிடப்பட்டது. புதிய அம்சங்களுடன் அறிமுகமாகி இருக்கும் ஆக்டிவா மாடலில் இம்முறை எல்இடி ஹெட்லைட் மற்றும் மேலும் சில புதிய அம்சங்கள் வழங்கப்பட்டுள்ளது.
மூன்று வேரியன்ட்களில் கிடைக்கும் ஆக்டிவா 125 மாடலின் எல்இடி ஹெட்லைட் பார்க்க ஆக்டிவா 5ஜி மாடலில் வழங்கப்பட்டு இருப்பதை போன்று காட்சியளிக்கிறது. மற்றபடி டிஜிட்டல்-அனலாக் இன்ஸ்ட்ரூமென்ட் கிளஸ்டர், இகோ மோட் மற்றும் சர்வீஸ் டியூ இன்டிகேட்டர், சீட்-ஐ திறக்கும் ஸ்விட்ச் உள்பட நான்கு வசதிகள் கொண்ட லாக் வழங்கப்பட்டு இறுக்கிறது.
காஸ்மெடிக் மாற்றங்களை பொருத்தவரை ஆக்டிவா 125 டாப்-என்ட் மாடலில் க்ரோம் மஃப்ளர் கவர், கிரே அலாய் வீல்கள் மிட் மற்றும் டாப் என்ட் மாடல்களில் வழங்கப்படுகிறது. மேட் கிரஸ்ட் மெட்டாலிக் மற்றும் மேட் செலின் சில்வர் என இரண்டு நிறங்களில் கிடைக்கும் புதிய ஆக்டிவா 125 மாடலில் மொபைல் சார்ஜிங் சாக்கெட் விரும்புவோர் தேர்வு செய்யும் அம்சமாக வழங்கப்படுகிறது.
புதிய ஹோன்டா ஆக்டிவா 125 மாடலில் 124.9சிசி ஏர்-கூல்டு, சிங்கிள்-சிலிண்டர் இன்ஜின் வழங்கப்பட்டுள்ளது. இந்த இன்ஜின் 8.52 பி.ஹெச்.பி. பவர் மற்றும் 10.54 என்.எம். டார்கியூ செயல்திறன் வழங்குகிறது. முன்பக்கம் டெலிஸ்கோபிக் ஃபோர்க், பின்புறம் மாற்றியமைக்கக்கூடிய 3-ஸ்டெப் மோனோஷாக் யூனிட் வழங்கப்பட்டுள்ளது.
மெட்டல் பாடி பேனல்களை கொண்டிருக்கும் ஆக்டிவா 125 மாடலின் பேஸ் வேரியன்ட் மற்றும் மிட்-ரேஞ்ச் மாடல்களில் 130மில்லிமீட்டர் டிரம் பிரேக்கள் இரண்டு சக்கரங்களிலும் வழங்கப்படுகிறது. இதன் டாப்-என்ட் மாடலின் முன்பக்கம் 190 மில்லிமீட்டர் டிஸ்க் பிரேக் வழங்கப்பட்டுள்ளது. மூன்று வேரியன்ட்களிலும் காம்பி பிரேக்கிங் சிஸ்டம் பொதுவான அம்சமாக வழங்கப்படுகிறது.
2018 ஹோன்டா ஆக்டிவா 125 மாடலின் டிரம் பிரேக் வேரியன்ட் விலை ரூ.59,621, ஆக்டிவா 125 டிரம் பிரேக் மற்றும் அலாய் வீல் மாடல் விலை ரூ.61,558 என்றும் ஆக்டிவா 125 டிஸ்க் பிரேக் விலை ரூ.64,007 என நிர்ணயம் செய்யப்பட்டுள்ளது. அனைத்து விலையும் எக்ஸ்-ஷோரூம், டெல்லி அடிப்படையில் நிர்ணயிக்கப்பட்டுள்ளது.
