ஐடிஎப் டென்னிஸ் போட்டி - தமிழக வீரர்கள் சாம்பியன்

பிரசிடென்சி கிளப் சார்பில் ஐ.டி.எப். சர்வதேச சீனியர் டென்னிஸ் போட்டி சென்னையில் உள்ள அந்த கிளப் வளாகத்தில் நடந்தது. 35 வயதுக்கு மேற்பட்ட பிரிவிலும், 45 வயதுக்கு மேற்பட்ட பிரிவிலும் தமிழக வீரர்கள் சாம்பியன் பட்டம் பெற்றனர். 35 வயதுக்கு மேற்பட்ட பிரிவில் வினோத் ஸ்ரீதர் 6-4, 7-5 என்ற கணக்கில் சேது கண்ணனையும் (தமிழ்நாடு), ராஜேஷ் கணபதி 6-3, 6-1 என்ற கணக்கில் பினுமணியையும் (கேரளா) தோற்கடித்தனர். 55 வயதுக்குட்பட்ட பிரிவில் நாகராஜ் (மைசூர்) வெற்றி பெற்றார்.

சி.பி.சி.எல். நிறுவன செயல்பாடு இயக்குனர் அரவிந்தன்கோபால் பரிசுகளை வழங்கினார். போட்டி அமைப்பு குழு தலைவர் சிவராம் செல்வகுமார் உள்பட பலர் விழாவில் கலந்து கொண்டனர். #ITFtennis