வெஸ்ட் இண்டீஸ் தொடர்: பயிற்சி ஆட்டத்தில் ஸ்டூவர்ட் பிராட் ஹாட்ரிக் விக்கெட் வீழ்த்தினார்

இங்கிலாந்து கிரிக்கெட் அணி வெஸ்ட் இண்டீஸ் சென்றுள்ளது. இரு அணிகளுக்கும் இடையில் மூன்று போட்டிகள் கொண்ட டெஸ்ட், ஐந்து போட்டிகள் கொண்ட ஒருநாள் மற்றும் மூன்று போட்டிகள் கொண்ட டி20 தொடர்கள் நடக்க இருக்கின்றன.

முதல் டெஸ்ட் பிரிட்ஜ்டவுனில் 23-ந்தேதி தொடங்குகிறது. இதற்கு முன் இரண்டு நாட்கள் கொண்ட பயிற்சி ஆட்டத்தில் இங்கிலாந்து விளையாடியது. இந்த ஆட்டம் நேற்றுமுன்தினம் தொடங்கி நேற்று முடிவடைந்தது.

முதலில் பேட்டிங் செய்த இங்கிலாந்து 317 ரன்கள் குவித்து டிக்ளேர் செய்தது. பின்னர் முதல் இன்னிங்சை தொடங்கிய வெஸ்ட் இண்டீஸ் 203 ரன்னில் சுருண்டது.

இதில் வேகப்பந்து வீச்சாளர் ஸ்டூவர்ட் பிராட் ஹாட்ரிக் விக்கெட் வீழ்த்தினார். 56-வது ஓவரின் 5-வது பந்தில் ஜோசப்பையும், கடைசி பந்தில் கம்மின்சையும், 57-வது ஓவரின் முதல் பந்தில் சார்லஸையும் வீழ்த்தினார்.