ஒருநாள் போட்டி தொடர்: ஆஸ்திரேலியாவுக்கு எதிராக விராட் கோலி ஆதிக்கம் செலுத்துவார்- மேத்யூ ஹைடன்

ஆஸ்திரேலிய கிரிக்கெட் அணி இந்தியாவில் சுற்றுப்பயணம் செய்து இரண்டு 20 ஓவர் போட்டி மற்றும் 5 ஒருநாள் போட்டியில் விளையாடுகிறது.

முதல் 20 ஓவர் போட்டி வருகிற 24-ந்தேதி விசாகப்பட்டினத்தில் நடக்கிறது. இந்த போட்டி தொடர் குறித்து ஆஸ்திரேலிய முன்னாள் வீரர் மேத்யூ ஹைடன் கூறியதாவது:-

சமீபத்தில் ஆஸ்திரேலியாவில் நடந்த தொடரில் விராட் கோலிக்கு ஆஸ்திரேலிய இளம் வேகப்பந்து வீச்சாளர் ரிச்சர்ட்சன் தொல்லை கொடுத்தார். கோலி விக்கெட்டை 3 முறை கைப்பற்றி இருந்தார். ஆனால் இந்தியாவில் விளையாடிய அனுபவம் ரிச்சர்ட்சனுக்கு இல்லை. இதனால் ஆஸ்திரேலியாவுக்கு எதிராக விராட் கோலி ஆதிக்கம் செலுத்துவார் என நம்புகிறேன்.

இவ்வாறு அவர் கூறினார்.