100 போட்டிகளில் கேப்டன்: டோனி, கோலி, காம்பீருடன் இணைந்தார் ஹிட்மேன்

ஐபிஎல் தொடரில் மும்பை இந்தியன்ஸ் அணியின் கேப்டனாக ரோகித் சர்மா உள்ளார். இவர் தலைமையில் மும்பை இந்தியன்ஸ் மூன்று முறை சாம்பியன் பட்டம் வென்றுள்ளது.

இந்த சீசனில் மும்பை இந்தியன்ஸ் பிளே-ஆப்ஸ் சுற்றை நோக்கி சென்று கொண்டிருக்கிறது. இன்று மும்பை இந்தியன்ஸ் கொல்கத்தா நைட் ரைடஸ் அணியை ஈடன் கார்டனில் எதிர்கொண்டு வருகிறது.



இந்த போட்டி ரோகித் சர்மாவு மும்பை இந்தியன்ஸ் அணியின் கேப்டனாக பணியாற்றும் 100-வது போட்டியாகும். இதன்மூலம் ஒரு அணியின் கேப்டனாக 100 போட்டிகளில் பங்கேற்ற வீரர் என்ற பெருமையை பெற்றுள்ளார்.

இதற்குமுன் காம்பீர் (கொல்கத்தா), டோனி (சென்னை சூப்பர் கிங்ஸ்), விராட் கோலி (ராயல் சேலஞ்சர்ஸ் பெங்களூர்) ஆகியோர் 100 போட்டிகளுக்கு மேல் கேப்டனாக பணியாற்றியுள்ளனர்.