என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள் (Tamil News)
X
பாக்சிங் டே டெஸ்ட் - நியூசிலாந்தை 247 ரன்கள் வித்தியாசத்தில் வீழ்த்தி தொடரை கைப்பற்றியது ஆஸ்திரேலியா
Byமாலை மலர்29 Dec 2019 1:18 PM IST (Updated: 29 Dec 2019 1:18 PM IST)
மெல்போர்னில் நடைபெற்ற பாக்சிங் டே டெஸ்டில் அபாரமான பந்துவீச்சினால் நியூசிலாந்து அணியை 247 ரன் வித்தியாசத்தில் வீழ்த்தி ஆஸ்திரேலியா வெற்றி பெற்றது.
மெல்போர்ன்:
ஆஸ்திரேலியா - நியூசிலாந்து அணிகளுக்கு இடையிலான 2-வது டெஸ்ட் மெல்போர்னில் நடைபெற்றது. ‘பாக்சிங் டே’ டெஸ்டான இதில் நியூசிலாந்து டாஸ் வென்று பந்துவீச்சை தேர்வு செய்தது.
டிராவிஸ் ஹெட் 114 ரன்னிலும், ஸ்டீவ் ஸமித் 85 ரன்னிலும், டிம் பெய்ன் 79 ரன்னிலும், மார்னஸ் லாபஸ்சாக்னே 63 ரன்னிலும் அவுட்டாகினர். இறுதியில், ஆஸ்திரேலியா அணி முதல் இன்னிங்சில் 155.1 ஓவரில் 467 ரன்கள் சேர்த்து ஆல்அவுட் ஆனது.
நியூசிலாந்து அணி சார்பில் நீல் வாக்னர் 4 விக்கெட்டும், டிம் சவுத்தி 3 விக்கெட்டும், கிராண்ட்ஹோம் 2 விக்கெட்டும் வீழ்த்தினர்.
அதன்பின், நியூசிலாந்து முதல் இன்னிங்சை தொடங்கியது. ஆஸ்திரேலிய வீரர்கள் அபாரமாக பந்து வீச நியூசிலாந்து 148 ரன்னில் ஆல் அவுட்டானது. டாம் லாதம் மட்டும் ஓரளவு தாக்குப்பிடித்து 50 ரன்னில் ஆட்டமிழந்தார்.
ஆஸ்திரேலியா சார்பில் பாட் கம்மின்ஸ் 5 விக்கெட்டும், ஜேம்ஸ் பாட்டின்சன் 3 விக்கெட்டும், மிட்செல் ஸ்டார்க் 2 விக்கெட்டும் வீழ்த்தினர்.
319 ரன் முன்னிலை பெற்ற ஆஸ்திரேலியா இரண்டாவது இன்னிங்சை ஆடியது. 3-ம் நாள் முடிவில் ஆஸ்திரேலியா 4 விக்கெட்டுக்கு 137 ரன்கள் எடுத்துள்ளது
இந்நிலையில், நான்காவது நாள் ஆட்டம் இன்று காலை தொடங்கியது. ஆஸ்திரேலியா அணி 5 விக்கெட்டுக்கு 168 ரன்கள் எடுத்திருந்தபோது ஆட்டத்தை டிக்ளேர் செய்வதாக அறிவித்தது.
இதைத்தொடர்ந்து, 488 ரன்கள் எடுத்தால் வெற்றி என்ற இலக்குடன் நியூசிலாந்து அணி களமிறங்கியது, அந்த அணியின் தொடக்க ஆட்டக்காரர் டாம் பிளெண்டல் இறுதிவரை தாக்குப் பிடித்தார். ஆனால் அவரது சதம் பயனளிக்கவில்லை. அவர் 121 ரன்னில் அவுட்டானார்.
மற்ற வீரர்கள் யாரும் நிலைத்து நிற்கவில்லை. ஆஸ்திரேலியா பந்து வீச்சாளர்கள் சீரான இடைவெளியில் விக்கெட்டுகளை எடுத்தனர்.
இறுதியில், நியூசிலாந்து அணி 71 ஓவரில் 240 ரன்களில் ஆல் அவுட்டானது. இதையடுத்து, 247 ரன்கள் வித்தியாசத்தில் ஆஸ்திரேலியா அபார வெற்றி பெற்றது. ஆட்ட நாயகன் விருது டிராவிஸ் ஹெட்டுக்கு வழங்கப்பட்டது.
ஆஸ்திரேலியா சார்பில் நாதன் லியான் 4 விக்கெட்டும், ஜேம்ஸ் பாட்டின்சன் 3 விக்கெட்டும் வீழ்த்தினர்.
இந்த வெற்றியின் மூலம் நியூசிலாந்துக்கு எதிரான டெஸ்ட் தொட்ரை 2-0 என கைப்பற்றியுள்ளது ஆஸ்திரேலியா. இரு அணிகளுக்கு இடையிலான இறுதிப் போட்டி ஜனவரி 3ம் தேதி நடைபெறுகிறது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X