கூடலூர்:
கேரளாவிலும் மேற்கு தொடர்ச்சி மலையை ஒட்டியுள்ள பகுதியிலும் தென்மேற்கு பருவ மழை தீவிரமடைந்து வருகிறது. இதனால் முல்லைப் பெரியாறு அணைக்கு நீர் வரத்து அதிகரித்தது.
அணையின் நீர் மட்டமும் கணிசமாக உயர்ந்து வருவதால் பாசனத்துக்கு தண்ணீர் திறக்கப்பட்டுள்ளது. மேலும் வைகை அணையின் நீர் மட்டத்தை உயர்த்தவும் கூடுதல் தண்ணீர் திறக்கப்பட்டுள்ளது.
இதனால் வைகை அணையின் நீர் மட்டம் இன்று 44.23 அடியை எட்டியது. அணைக்கு 856 கன அடி தண்ணீர் வருகிறது. அணையில் இருந்து மதுரை மாநகர குடிநீருக்காக 60 கன அடி தண்ணீர் திறக்கப்படுகிறது. நீர் இருப்பு 1324 மில்லியன் கன அடியாக உள்ளது.
முல்லைப் பெரியாறு அணையின் நீர் மட்டம் 127.10 அடியாக உள்ளது. வரத்து 1408 கன அடி. திறப்பு 1400 கன அடி. இருப்பு 4072 மில்லியன் கன அடி. மஞ்சளாறு அணையின் நீர் மட்டம் 41.20 அடி. சோத்துப்பாறை நீர் மட்டம் 124.94 அடி. பெரியாறில் 15, தேக்கடியில் 7 மி.மீ மழை அளவு பதிவாகியுள்ளது.
