என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தமிழ்நாடு (Tamil Nadu)
கோயம்பேடு காய்கறி மார்க்கெட்டுக்கு 25-ந்தேதி விடுமுறை
- கோயம்பேடு மார்க்கெட்டுக்கு தமிழகத்தின் பல்வேறு மாவட்டங்கள் மற்றும் ஆந்திரா, கர்நாடகா, மகாராஷ்டிரா ஆகிய மாநிலங்களில் இருந்து காய்கறிகள் கொண்டுவரப்படுகின்றன.
- கோயம்பேடு மார்க்கெட்டில் உள்ள பூ மார்க்கெட், பழம் மார்க்கெட் ஆகியவை செவ்வாய்க்கிழமை வழக்கம்போல் செயல்படும்.
சென்னை:
சென்னை கோயம்பேட்டில் இயங்கி வரும் காய்கறி மார்க்கெட் மிகவும் பெரிய மார்க்கெட்டுகளில் ஒன்றாகும். சென்னை மட்டுமின்றி காஞ்சிபுரம், திருவள்ளூர், செங்கல்பட்டு ஆகிய மாவட்டங்களில் இருந்தும் வியாபாரிகள் இங்கு வந்து மொத்தமாக காய்கறிகளை வாங்கி சென்று சில்லரை விலையில் விற்பனை செய்வது வழக்கம்.
மேலும் கோயம்பேடு மார்க்கெட்டுக்கு தமிழகத்தின் பல்வேறு மாவட்டங்கள் மற்றும் ஆந்திரா, கர்நாடகா, மகாராஷ்டிரா ஆகிய மாநிலங்களில் இருந்து காய்கறிகள் கொண்டுவரப்படுகின்றன.
இந்த நிலையில் தீபாவளி பண்டிகையையொட்டி கோயம்பேடு மார்க்கெட்டில் செயல்பட்டு வரும் காய்கறி மார்க்கெட்டுக்கு வருகிற 25-ந்தேதி (செவ்வாய்க்கிழமை) விடுமுறை விடப்பட்டுள்ளதாக அனைத்து காய்கறி சங்கங்களின் கூட்டமைப்பு அறிவித்துள்ளது.
தீபாவளி பண்டிகையை கொண்டாட காய்கறி மார்க்கெட்டில் உள்ள வியாபாரிகள் மற்றும் தொழிலாளர்கள் சொந்த ஊர்களுக்கு சென்றுவர இருப்பதால் தீபாவளிக்கு மறுநாள் செவ்வாய்க்கிழமை கோயம்பேடு காய்கறி மார்க்கெட்டுக்கு விடுமுறை அளிக்கப்பட்டு உள்ளது.
அதேநேரத்தில் கோயம்பேடு மார்க்கெட்டில் உள்ள பூ மார்க்கெட், பழம் மார்க்கெட் ஆகியவை செவ்வாய்க்கிழமை வழக்கம்போல் செயல்படும் என்றும், பொதுமக்கள் அனைவரும் மார்க்கெட்டுக்கு வந்து பூ, பழம் வாங்கலாம் என்றும் பூ மார்க்கெட் மற்றும் பழம் மார்க்கெட் வியாபாரிகள் தெரிவித்துள்ளனர்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்