2-ம் அரையாண்டுக்கான குடிநீர் வரியை செலுத்துவோருக்கு 5 சதவீதம் ஊக்கத்தொகை

சென்னை:

சென்னை குடிநீர் வாரியம் வெளியிட்ட செய்திக்குறிப்பில் கூறியிருப்பதாவது:-

சென்னை குடிநீர் வாரியத்துக்கு ஆண்டுதோறும் 2 முறை பொதுமக்கள் குடிநீர் மற்றும் கழிவுநீர் வரி செலுத்தி வருகிறார்கள். உரிய காலக்கட்டத்தில் வரியை செலுத்துவோர்களை ஊக்குவிக்கும் வகையில், இன்று முதல் (1-ந்தேதி) வரும் 30-ந்தேதி வரையில் முழுமையாக வரி செலுத்துவோருக்கு முதன் முறையாக 5 சதவீதம் ஊக்கத்தொகை வழங்கப்பட உள்ளது. இந்த முறை இன்று (செவ்வாய்க்கிழமை) முதல் அமலுக்கு வருகிறது.

எனவே, பொதுமக்கள் இந்த வாய்ப்பை பயன்படுத்தி தங்களது 2024-25-ம் ஆண்டுக்கான 2-வது அரையாண்டுக்கான வரியை முழுமையாக செலுத்தி 5 சதவீதம் ஊக்கத்தொகையாக அதாவது அதிகபட்சம் ரூ.1,500 வரையில் பெற்று பயனடையுமாறு கேட்டுக்கொள்ளப்படுகிறது.

இவ்வாறு அதில் கூறப்பட்டுள்ளது.