போலி அரசியலை உடைக்க பா.ஜ.க. பாடுபட்டுக் கொண்டிருக்கிறது- அண்ணாமலை பேச்சு

தமிழக பாஜக சார்பில் சென்னையில் இன்று சமத்துவ கிறிஸ்துமஸ் விழா நடைபெற்றது. இதில் மாநில பா.ஜ.க. தலைவர் அண்ணாமலை கலந்து கொண்டு பேசினார். அவர் கூறியதாவது:

முதல் முறையாக பா.ஜ.க. சமத்துவ கிறிஸ்துமஸ் விழாவை நடத்திக் கொண்டிருக்கிறது. இந்த நிகழ்ச்சியின் மூலம் அனைத்து மதங்களைச் சேர்ந்த சான்றோர்கள், பெரியோர்களையும் ஒரே மேடையில் பா.ஜ.க. இணைத்துள்ளது. பாஜக ஒரு மதத்திற்கு மட்டும் சொந்தமான கட்சி இல்லை. அது மக்களுக்கு புரிவதற்கு சற்று காலம் ஆகும்.

எல்லா மதத்தில் இருந்தும் தலைவர்கள் பாஜகவிற்கு வருவார்கள். அதுவரை கட்சியினர் கடுமையாக உழைக்க வேண்டும். போலி அரசியலை உடைக்க பா.ஜ.க. பாடுபட்டுக் கொண்டிருக்கிறது. சிறுபான்மை, பெரும்பான்மை என்பதைத் தாண்டி மக்கள் ஒற்றுமையாக இருக்க வேண்டும். இவ்வாறு அவர் தெரிவித்தார்.