தங்கம் விலை தொடர்ந்து அதிகரிப்பு

சென்னை:

சென்னையில் கடந்த ஒரு வாரமாக தங்கத்தின் விலை தொடர்ந்து அதிகரித்து வருகிறது. நேற்று கிராம் ரூ 5,425-க்கும் பவுன் ரூ 43,400க்கும் விற்பனை ஆனது. இன்று கிராம் ரூ 25-ம் பவுன் ரூ 200-ம் அதிகரித்து அதிர்ச்சி அளித்துள்ளது.

இன்று கிராம் ரூ 5,450-க்கும், பவுன் ரூ. 43,600-க்கும் விற்பனை செய்யப்படுகிறது. இதே வேகத்தில் உயர்ந்தால் இன்னும் ஓரிரு நாளில் தங்கம் பவுன் ரூ 44 ஆயிரத்தை தாண்டி விடும் என எதிர்பார்க்கப்படுகிறது.

தங்கத்தை போலவே வெள்ளி விலையும் தொடந்து ஏறுமுகமாக உள்ளது. கிராம் ரூ 72.70-ல் இருந்து ரூ 73.10 ஆகவும், கிலோ ரூ 72,700-ல் இருந்து 73,100 ஆகவும் உயர்ந்து உள்ளது.