ஆளும்கட்சியை விமர்சிக்கும் போது எச்சரிக்கையுடன் பேச வேண்டும் - சி.வி. சண்முகத்திற்கு நீதிமன்றம் அறிவுரை

மதுரையில் நடைபெற்ற கூட்டத்தில் முதலமைச்சர் மு.க. ஸ்டாலினுக்கு அவதூறு ஏற்படுத்தும் வகையில் பேசியதாக அ.தி.மு.க. முன்னாள் அமைச்சர் சி.வி. சண்முகம் மீது வழக்குப் பதிவு செய்யப்பட்டது.

இந்த வழக்கை ரத்து செய்யக் கோரி அதிமுக முன்னாள் அமைச்சர் சி.வி. சன்முகம் தாக்கல் செய்த மனு இன்று விசாரணைக்கு வந்தது. மனுவை விசாரித்த நீதிமன்றம் முன்னாள் அமைச்சர் சி.வி. சண்முகத்திற்கு அறிவுரை வழங்கியுள்ளது.

மனுதாரர் சி.வி. சண்முகம் சாதாரண நபர் அல்ல, சட்டம் படித்தவர். முன்னாள் அமைச்சர் என்பதால் பொறுப்புடன் பேச வேண்டும். ஆளும் கட்சியை விமர்சிக்கும் போது கண்ணியத்துடன், எச்சரிக்கையுடன் பேச வேண்டும் என்று தெரிவித்துள்ளது.