ரூ.50 லட்சம் மதிப்பிலான கஞ்சா கடத்தல்- 3 பேர் கைது

சென்னை விமான நிலையத்தில் 50 லட்சம் ரூபாய் மதிப்புள்ள உயர்ரக கஞ்சாவை கடத்திய சகோதரர்கள் உள்ளிட்ட 3 பேர் கைது செய்யப்பட்டுள்ளனர். அவர்களிடம் இருந்து ஒரு கிலோ 300 கிராம் உயர்ரக கஞ்சாவை போலீசார் பறிமுதல் செய்தனர்.

பாங்காங், டெல்லி, சென்னை விமான நிலையங்களின் பாதுகாப்பை மீறி கடத்தி வரப்பட்ட உயர்ரக கஞ்சாவின் மதிப்பு 100 கிராம் ரூ.1 லட்சம் என தகவல் வெளியாகி உள்ளது.

சென்னை மண்ணடியைச் சேர்ந்த 3 பேரை கைது செய்து ஒருங்கிணைந்த குற்றப்பிரிவு போலீசார் விசாரணை நடத்தி வருகின்றனர்.

பாங்காங்கில் இருந்து டெல்லி வந்து விமானம் மூலம் சென்னைக்கு பலகார பொருட்களோடு பொட்டலமாக கடத்தி வந்து கஞ்சா விற்பனை செய்துள்ளனர்.

வெளிநாடுகளில் இருந்து கொண்டுவரப்பட்ட உயர்ரக கஞ்சா சினிமா பிரபலங்களுக்கு விற்பனை செய்வதாக விசாரணையில் தெரிய வந்துள்ளது.