பி.எஸ்.என்.எல். நிறுவனம் தனது போஸ்ட்பெயிட் வாடிக்கையாளர்களுக்கு புதிய சலுகையை அறிவித்துள்ளது. இந்திய டெலிகாம் சந்தையில் ஏற்பட்டுள்ள போட்டி காரணமாக மற்ற நிறுவனங்கள் தங்களது சலுகைகளை மாற்றியமைத்தும், அவ்வப்போது புதிய சலுகைகளை அறிவித்தும் வருகிறது.
இந்நிலையில், பி.எஸ்.என்.எல். ரூ.798 விலையில் புதிய சலுகையை அறிவித்துள்ளது. போஸ்ட்பெயிட் வாடிக்கையாளர்களுக்கு அறிவிக்கப்பட்டு இருக்கும் இச்சலுகையில் அன்லிமிட்டெட் வாய்ஸ் கால் எவ்வித கட்டுப்பாடும் இன்றி வழங்கப்படுகிறது. இத்துடன் தினமும் 100 எஸ்.எம்.எஸ்., 120 ஜி.பி. 2ஜி/3ஜி டேட்டா வழங்கப்படுகிறது.
போஸ்ட்பெயிட் சலுகை என்ற வகையில் ஏர்டெல் மற்றும் வோடபோன் ஐடியா போன்று புதிய பி.எஸ்.என்.எல். சலுகையில் பயனர்களுக்கு டேட்டா ரோல் ஓவர் சலுகை வழங்கப்படவில்லை. இதனால் வாடிக்கையாளர்கள் பயன்படுத்தாத டேட்டா ஒவ்வொரு மாதமும் பயனற்று போகும்.
புதிய பி.எஸ்.என்.எல். சலுகையை தேர்வு செய்யும் வாடிக்கையாளர்ளுக்கு ஒரு வருடத்திற்கான அமேசான் பிரைம் சந்தா மற்றும் மூன்று மாதங்களுக்கு நெட்ஃப்ளிக்ஸ் சந்தா வழங்கப்படுகிறது. பி.எஸ்.என்.எல். ரூ.798 போஸ்ட்பெயிட் சலுகை தற்சமயம் கர்நாடகா வட்டாரத்திற்கு மட்டும் அறிவிக்கப்பட்டு இருக்கும் நிலையில், மற்ற வட்டாரங்களில் உள்ள வாடிக்கையாளர்களுக்கு விரைவில் இச்சலுகை அறிவிக்கப்படலாம் என எதிர்பார்க்கப்படுகிறது.
பி.எஸ்.என்.எல். ரூ.798 சலுகை பாரதி ஏர்டெல் நிறுவனம் வழங்கி வரும் ரூ.799 போஸ்ட்பெயிட் சலுகைக்கு போட்டியாக அமைந்துள்ளது. இச்சலுகையில் பயனர்களுக்கு அன்லிமிட்டெட் வாய்ஸ் கால் எவ்வித கட்டுப்பாடும் இன்றி வழங்கப்படுகிறது. இத்துடன் தினமும் 100 எஸ்.எம்.எஸ்., 100 ஜி.பி. 2ஜி / 3ஜி / 4ஜி டேட்டா வழங்கப்படுகிறது.
இதுதவிர ஒரு வருடத்திற்கான அமேசான் பிரைம் சந்தா மற்றும் மூன்று மாதங்களுக்கு நெட்ஃப்ளிக்ஸ் சந்தா, ஜீ5 சேவையில் இலவச திரைப்படங்கள், நிகழ்ச்சிகள் மற்றும் 100 ஜி.பி. வரை டேட்டா ரோல்ஓவர் வசதி வழங்கப்படுகிறது. #BSNL #Offers
