முத்து மாரியம்மன் கோவில் கும்பாபிஷேகம்

புதுச்சேரி:

நெட்டப்பாக்கம் அருகே உள்ள ஏரிப்பாக்கம்-நத்தமேடு கிராமத்தில் உள்ள சுந்தர விநாயகர், முத்து மாரியம்மன், பாலமுருகன் ஆகிய கோவில்களுக்கு கும்பாபிஷேகம் நடைபெற்றது.

முன்னதாக கணபதி ஹோமம், முதற்கால யாக பூஜை, மகா பூர்ணாஹுதி, விக்னேஸ்வர பூஜை மற்றும் 4-ம் யாக சாலை பூஜைகள் நடைபெற்றது. தொடர்ந்து கலச புறப்பாடு நடைபெற்று, முத்துமாரியம்மனுக்கு மகாகும்பாபிஷேகம் நடைபெற்றது.

இவ்விழாவில் துணை சபாநாயகர் ராஜவேலு மற்றும் பொதுமக்கள் கலந்து கொண்டனர்.

பின்னர் பொதுமக்கள் அனைவருக்கும் அன்ன தானம் வழங்கப்பட்டது. இரவு முத்துமாரியம்மன் சாமி சிறப்பு அலங்காரத்தில் வீதியுலா நடைபெறுகிறது.