வட்டார காங்கிரஸ் நிர்வாகிகளுடன் மாநில தலைவர் வைத்திலிங்கம் எம்.பி. ஆலோசனை

புதுச்சேரி:

புதுவை மாநில காங்கிரஸ் தலைவராக வைத்திலிங்கம் எம்.பி. பொறுப்பேற்றுள்ளார். இதைத்தொடர்ந்து காங்கிரஸ் கட்சி அலுவல கத்தில், கட்சி நிர்வாகிகளை சந்தித்து கட்சியை வளர்ச்சிப்பாதைக்கு கொண்டுசெல்வது குறித்தும், மேற்கொள்ள வேண்டிய பணிகள் குறித்தும் ஆலோசனை நடத்தினார்.

முதல்கட்டமாக மாநில தலைவர் வைத்திலிங்கம், 3 தொகுதி காங்கிரஸ் நிர்வாகிகளிடம் ஆலோசனை நடத்தினார். முத்தியால்பேட்டை, ராஜ்பவன், உப்பளம் தொகுதிகளை சேர்ந்த காங்கிரஸ் நிர்வாகிகள் பங்கேற்றனர்.

அவர்களிடம் காங்கிரஸ் வளர்ச்சி நிலை குறித்தும், கட்சி வளர்ச்சிக்கான வழிகள் குறித்தும் கருத்துக்களை கேட்டறிந்து ஆலோசனைகளை வழங்கினார்.

தொடர்ந்து இன்றும் 3 தொகுதிகளை சேர்ந்த நிர்வாகிகளை மாநில தலைவர் வைத்திலிங்கம் எம்.பி. சந்தித்து ஆலோசனை நடத்தினார்.