நீங்கள் தேடியது "ஆசிரியர்கள் கலந்தாய்வு"

ஈரோடு:

ஈரோட்டில் 2018-19-ம் கல்வி ஆண்டிற்கான பொது மாறுதல், பதவி உயர்வு, பணி நிரவல் கலந்தாய்வுக்கான தேதி வெளியாகி உள்ளது. இந்த கலந்தாய்வு ஈரோடு மாவட்ட முதன்மை கல்வி அலுவலர் அலுவலகத்தில் நடக்கிறது.

வருகிற 11-ந் தேதி வட்டார கல்வி அலுவலர்களின் பொது மாறுதல் கலந்தாய்வும், நடுநிலைப்பள்ளி தலைமை ஆசிரியர் பதவியில் இருந்து வட்டார கல்வி அலுவலராக பணி மாறுதல் கலந்தாய்வும் நடக்கிறது.

12-ந் தேதி அரசு, நகராட்சி மேல்நிலைப்பள்ளி தலைமை ஆசிரியர்களுக்கு மாறுதல் (கல்வி மாவட்டத்திற்குள், கல்வி மாவட்டம் விட்டு கல்வி மாவட்டம் வருவாய் மாவட்டத்திற்குள், மாவட்டம் விட்டு மாவட்டம்) கலந்தாய்வும், நடுநிலைப்பள்ளி தலைமை ஆசிரியர்கள் பொது மாறுதல், பதவி உயர்வு கலந்தாய்வும் நடக்கிறது.

13-ந் தேதி அரசு, நகராட்சி மேல்நிலைப்பள்ளி தலைமை ஆசிரியர்கள் பதவி உயர்வு கலந்தாய்வும், பட்டதாரி ஆசிரியருக்கான பணி நிரவல், பதவி உயர்வு பொது மாறுதல் (ஒன்றியத்திற்குள்) கலந்தாய்வும் நடக்கிறது.

14-ந் தேதி அரசு, நகராட்சி உயர்நிலைப்பள்ளி தலைமை ஆசிரியர்கள் மாறுதல் (கல்வி மாவட்டத்திற்குள், கல்வி மாவட்டம் விட்டு கல்வி மாவட்டம், மாவட்டம் விட்டு மாவட்டம் மாறுதல்) கலந்தாய்வும், அரசு, நகராட்சி பள்ளி முதுகலை ஆசிரியர்கள் பணி நிரவல் கலந்தாய்வும், பட்டதாரி ஆசிரியர்களுக்கான பொது மாறுதல் (கல்வி, வருவாய் மாவட்டத்திற்குள்) கலந்தாய்வும் நடக்கிறது.

16-ந் தேதி தொடக்கப் பள்ளி தலைமை ஆசிரியர்களுக்கான பொது மாறுதல், பதவி உயர்வு கலந்தாய்வும், அரசு, நகராட்சி மேல்நிலைப் பள்ளி முதுகலை, தொழிற் கல்வி ஆசிரியர்கள் மாறுதல் (கல்வி மாவட்டத்திற்குள், கல்வி மாவட்டம் விட்டு கல்வி மாவட்டம், மாவட்டம் விட்டு மாவட்டம்) கலந்தாய்வும் நடக்கிறது.

18-ந் தேதி அரசு, நகராட்சி மேல்நிலைப்பள்ளி முதுகலை, தொழிற்கல்வி ஆசிரியர்கள் பதவி உயர்வு கலந்தாய்வும், இடைநிலை ஆசிரியர்களுக்கான பணி நிரவல் கலந்தாய்வும் நடக்கிறது.

19-ந் தேதி இடைநிலை ஆசிரியர்களுக்கான பொது மாறுதல் (ஒன்றியத்திற்குள், கல்வி மாவட்டத்திற்குள், வருவாய் மாவட்டத்திற்குள்) கலந்தாய்வும், உடற்கல்வி, கலை, இசை, தையல் ஆசிரியர்கள், இடைநிலை ஆசிரியர்கள் மாறுதல் (கல்வி மாவட்டத்திற்குள், கல்வி மாவட்டம் விட்டு கல்வி மாவட்டம், மாவட்டம் விட்டு மாவட்டம்) கலந்தாய்வும், அரசு, நகராட்சி பள்ளி பட்டதாரி ஆசிரியர்கள் பணி நிரவல் கலந்தாய்வும் நடக்கிறது.

20-ந் தேதி பட்டதாரி ஆசிரியர்களுக்கான பொது மாறுதல் (மாவட்டம் விட்டு மாவட்டம்-வருவாய் மாவட்டம்) கலந்தாய்வும், பட்டதாரி ஆசிரியர்கள் மாறுதல் (கல்வி மாவட்டத்திற்குள் கல்வி மாவட்டம் விட்டு கல்வி மாவட்டம், மாவட்டம் விட்டு மாவட்டம்) கலந்தாய்வும் நடக்கிறது.

21-ந் தேதி இடைநிலை ஆசிரியருக்கான பொது மாறுதல் (மாவட்டம் விட்டு மாவட்டம்-வருவாய் மாவட்டம்) கலந்தாய்வும், இடைநிலை, உடற்கல்வி சிறப்பு ஆசிரியர்கள், பட்டதாரி ஆசிரியர்கள் பதவி உயர்வு கலந்தாய்வும் நடக்கிறது.

சென்னை:

தமிழ்நாடு அரசு உயர்நிலை மற்றும் மேல்நிலைப் பள்ளிகளில் பணிபுரியும் தலைமை ஆசிரியர்கள் மற்றும் ஆசிரியர்களுக்கான கலந்தாய்வு வருகிற 12-ந்தேதி தொடங்குகிறது. இது குறித்து பள்ளிகல்வித்துறை அறிவிபு வெளியிட்டுள்ளது.

அதில் ஆசிரியர்கள் இட மாறுதலுக்கான கலந்தாய்வு (கவுன்சிலிங்) வருகிற 12-ந்தேதி தொடங்கி 21-ந்தேதி வரை நடக்கிறது. அதற்கான விண்ணப்பங்கள் தலைமை கல்வி அலுவலகங்களில் வருகிற 7-ந்தேதிக்குள் ஒப்படைக்க வேண்டும்.

இடமாறுதல் பல பிரிவுகளின் கீழ் நடைபெறுகிறது. மாவட்டங்களுக்குள்ளான இடமாறுதல்களை மாவட்ட கல்வி அதிகாரிகள் நடத்துவார்கள். மாவட்டங்களுக்கு இடையேயான இடமாறுதல்களை முதன்மை கல்வி அதிகாரி நடத்துவார். நிர்வாக ரீதியில் மாவட்டங்களுக்கு இடையேயான இடமாறுதல்களை கல்வித்துறை இணை இயக்குனர் நடத்துவார்.

இடமாறுதல் மற்றும் பதவி உயர்வுக்காக இந்த கலந்தாய்வு நடைபெறுகிறது என தெரிவிக்கப்பட்டுள்ளது. வழக்கமாக இந்த கலந்தாய்வு மே மாதம் கோடை விடுமுறையின் போது நடைபெறும். ஆனால் இந்த ஆண்டு கால தாமதமாகியுள்ளது. தற்போது பள்ளிகள் திறக்கப்பட்ட பின்பு கலந்தாய்வு நடைபெறுகிறது. இது ஜூன் மாதம் முழுவதும் நடைபெறும்.

இதனால் பள்ளிகளில் வகுப்புகள் பாதிக்கப்படும். என ஆசிரியர்கள் தெரிவித்துள்ளனர். மே மாதத்தில் இடமாறுதல் கலந்தாய்வு நடத்தப்பட வேண்டும் என பல ஆசிரியர் சங்கங்கள் தமிழக அரசை வலியுறுத்தியுள்ளன. இதனால் வகுப்புகள் தொடங்கிய நிலையில் ஆசிரியர்கள் இடம் மாறி சென்றால் மாணவர்களின் படிப்பு பாதிக்கும் என தமிழ்நாடு உயர் நிலை மற்றும் மேல்நிலைப் பள்ளி பட்டதாரி ஆசிரியர்கள் சங்க மாவட்ட தலைவர் அருளானந்தம் தெரிவித்துள்ளார்.