என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "ஆம் ஆத்மி கட்சி"
டெல்லியில் உள்ள 7 பாராளுமன்ற தொகுதிகளிலும் இன்று (ஞாயிற்றுக்கிழமை) ஒரே கட்டமாக தேர்தல் நடக்கிறது.
இந்த தேர்தலில் மேற்கு டெல்லி தொகுதியில் தற்போதைய எம்.பி.யும் பாரதீய ஜனதா கட்சி வேட்பாளருமான பர்வேஷ் வர்மாவை எதிர்த்து ஆம் ஆத்மி கட்சி சார்பில் போட்டியிடுபவர், பல்பீர் சிங் ஜாக்கர்.
இவர் ‘சீட்’ வாங்குவதற்காக ஆம் ஆத்மி கட்சித்தலைவர் அரவிந்த் கெஜ்ரிவாலுக்கு ரூ.6 கோடி லஞ்சம் கொடுத்தார் என்று புகார் எழுந்துள்ளது. இந்த புகாரை எழுப்பி இருப்பவர், வேறு யாருமல்ல; வேட்பாளரின் மகன் உதய் ஜாக்கர்.
ஆனால் இந்தப் புகாரை பல்பீர் சிங் ஜாக்கர் திட்டவட்டமாக மறுத்துள்ளார்.
இதையொட்டி அவர் கூறுகையில், “ இந்தப் புகாருக்கு கண்டனம் தெரிவிக்கிறேன். நான் தேர்தலில் போட்டியிடுவது பற்றி என் மகனிடம் எதுவும் விவாதிக்கவில்லை. நான் அவரிடம் பேசுவதே மிகவும் அபூர்வம். அவர் பிறந்த நாளில் இருந்து தாய்வழி தாத்தா, பாட்டி வீட்டில் இருந்து வருகிறார். நான் என் மனைவியை 2009-ம் ஆண்டு விவாகரத்து செய்து விட்டேன். அவர் என்னுடன் 6 அல்லது 7 மாதம்தான் சேர்ந்து வாழ்ந்தார்” என்று குறிப்பிட்டார்.
மேலும், “அரசியல் கட்சிகளில் உள்ள சமூக விரோத சக்திகள் என் மகனின் அறிக்கைக்கு பின்னால் உள்ளன” எனவும் கூறி உள்ளார்.
இருப்பினும் இந்த விவகாரத்தில் விசாரணை நடத்த வேண்டும் என்று தேர்தல் கமிஷனை பா.ஜனதா கட்சி வலியுறுத்தி உள்ளது.
இதையொட்டி அந்தக் கட்சியின் டெல்லி தலைவர் பிரவிண் காண்டல்வால் கூறும்போது, “கணக்கில் வராத பணம், தேர்தலில் பயன்படுத்தப்படுவது தொடர்பான முக்கிய விவகாரம் இது. இதில் கெஜ்ரிவாலையும், அவரது குழுவினரையும் அம்பலப்படுத்த வேண்டும். லஞ்சத்தைப் பெற்றதற்கும், தவறான வழிகளில் வாக்காளர்களிடம் தாக்கத்தை ஏற்படுத்துவதற்காகவும் இது செய்யப்பட்டுள்ளது” என குறிப்பிட்டார்.
அத்துடன் இது தொடர்பாக அரவிந்த் கெஜ்ரிவால், பல்பீர்சிங் ஜாக்கர் உள்ளிட்டவர்களுக்கு தேர்தல் கமிஷன் நோட்டீஸ் அனுப்பி விசாரணை நடத்த வேண்டும் என வலியுறுத்தி உள்ளார்.
உதய் ஜாக்கர் பிரமாண பத்திரம் தாக்கல் செய்ய வேண்டும் எனவும் அவர் கேட்டுக்கொண்டுள்ளார்.
இன்று தேர்தல் நடக்கிற நிலையில், ஆம் ஆத்மி கட்சி வேட்பாளராக மேற்கு டெல்லி தொகுதியில் போட்டியிட கட்சித்தலைவர் அரவிந்த் கெஜ்ரிவாலுக்கு பல்பீர் சிங் ஜாக்கர் லஞ்சம் ரூ.6 கோடி தந்தார் என்ற புகாரை, அவரது மகனே எழுப்பி இருப்பது டெல்லியில் பெரும் பரபரப்பை ஏற்படுத்தி உள்ளது.
புதுடெல்லி:
முன்னாள் கிரிக்கெட் வீரர் கவுதம் காம்பீர் கிழக்கு டெல்லி எம்.பி. தொகுதியில் பா.ஜனதா சார்பில் போட்டியிடுகிறார்.
அவரை எதிர்த்து ஆம் ஆத்மி கட்சி சார்பில் அதிஷியும், காங்கிரஸ் சார்பில் அரவிந்த் சிங் லல்வியும் போட்டியிடுகிறார்கள்.
இந்த நிலையில் காம்பீர் மீது ஆம் ஆத்மி வேட்பாளர் அதிஷி புகார் கூறி இருந்தார். காம்பீர் வினியோகித்த துண்டு பிரசுரத்தில் தன்னை பற்றி மோசமாக அவதூறு பரப்பப்பட்டு இருப்பதாக அவர் குற்றம் சாட்டினார்.
காம்பீர் சார்பில் வெளியிடப்பட்ட லட்சக் கணக்கான துண்டு பிரசுரத்தில் தனது ஒழுக்கம் குறித்து மோசமான வகையில் அவதூறு வார்த்தையுடன் சித்தரிக்கப்பட்டு இருப்பதாக அதிஷி கண்ணீர் மல்க தெரிவித்தார். இத்தகைய எண்ணத்துடன் கூடிய காம்பீர் வெற்றி பெற்றால் பெண்களுக்கு பாதுகாப்பு எப்படி இருக்கும் என்று கேள்வி எழுப்பினார்.
இந்த நிலையில் தன் மீதான குற்றச்சாட்டை நிரூபித்தால் தூக்கில் தொங்க தயார் என்று காம்பீர் சவால் விடுத்துள்ளார். இது தொடர்பாக அவர் கூறியிருப்பதாவது:-
கெஜ்ரிவால் மற்றும் ஆம் ஆத்மி கட்சியினருக்கு நான் சவால் விடுகிறேன். துண்டு பிரசுரம் விவகாரத்தில் எனக்கு தொடர்பு இருக்கிறது என்ற குற்றச்சாட்டை நிரூபித்தால் பொது இடத்தில் தூக்கில் தொங்க தயாராக இருக்கிறேன். நிரூபிக்கவில்லை என்றால் கெஜ்ரிவால் அரசியலை விட்டு விலக தயாராக இருக்கிறாரா?
இவ்வாறு காம்பீர் கூறினார்.
மேலும் தன் மீது அவதூறு கூறியது தொடர்பாக அவர் டெல்லி முதல் மந்திரி கெஜ்ரிவால், துணை முதல்-மந்திரி மனீஷ் சிசோடியா, ஆம் ஆத்மி வேட்பாளர் அதிஷி ஆகியோருக்கு நோட்டீஸ் அனுப்பி உள்ளார்.
இந்தியாவின் தலைநகர் புது டெல்லியில் வரும் மே 12ம் தேதி ஒரே கட்டமாக பாராளுமன்ற தேர்தல் நடைபெற உள்ளது. இதையடுத்து பாஜக, காங்கிரஸ், ஆம் ஆத்மி உள்ளிட்ட கட்சிகளின் முக்கிய தலைவர்கள் பிரசாரத்தில் ஈடுபட்டு வருகின்றனர்.
அந்த வகையில் புது டெல்லியில் பாஜக சார்பில் நடத்தப்பட்ட பிரசாரத்தில் உரையாற்றிய பிரதமர் மோடி, ‘டெல்லியில் நடக்கும் ஆம் ஆத்மியின் ஆட்சி செயல் திறனற்று இருக்கிறது. மேலும் கெஜ்ரிவால் ஆட்சியில் சிறந்த செயல்கள் ஏதும் செய்யவில்லை. அங்கு ஒர் அராஜக ஆட்சி நடைபெறுகிறது’ என கூறினார்.
பிரதமர் மோடி கடந்த 5 ஆண்டுகளில் வெளிநாடுகளுக்கு டூர் செல்வது, கருத்து சொல்வது போன்ற பணிகளில் தான் தீவிரமாக ஈடுபட்டு வந்தார். இதை தவிர எவ்வித பணிகளும் செய்து முடிக்கவில்லை. இதன் காரணமாகவே பொய்யாக தேசியவாதம் எனும் பெயரில் வாக்கு சேகரித்து வருகிறார்.
இவ்வாறு அவர் குறிப்பிட்டிருந்தார். #AravindKejriwal #PMModi
இந்தியாவில் கடந்த ஏப்ரல் 11-ம் தேதி தொடங்கிய பாராளுமன்ற தேர்தல் வரும் மே 19-ம் தேதி வரை 7 கட்டங்களாக நடைபெற உள்ளது. இந்த தேர்தலுடன் ஆந்திரா, அருணாச்சல பிரதேசம், ஒடிசா மற்றும் சிக்கிம் ஆகிய மாநிலங்களில் சட்டமன்றத் தேர்தலும் நடைபெற உள்ளது. இதற்கான களப்பணிகளில் அரசியல் கட்சிகள் தீவிரமாக ஈடுபட்டுள்ளன. தேர்தல் அறிக்கைகள் மூலம், மக்களுக்கு பல்வேறு வாக்குறுதிகளை அளித்து, பிரசாரம் மேற்கொண்டுள்ளன.
பஞ்சாப் மாநிலத்தைச் சேர்ந்தவர் ஹரிந்தர் சிங் கல்சா. ஷிரோமணி அகாலி தளம் கட்சியில் இணைந்து அரசியல் வாழ்க்கையை தொடங்கிய கல்சா, அந்த கட்சி சார்பில் பதிண்டா மக்களவைத் தொகுதியில் போட்டியிட்டு வெற்றி பெற்றார். 1996 முதல் 1998 வரை எம்பியாக இருந்தார். பின்னர் 2014ல் ஆம் ஆத்மி கட்சியில் இணைந்த அவர், பதேகர் சாகிப் தொகுதியில் (தனி) இருந்து எம்பியாக தேர்ந்தெடுக்கப்பட்டார். 2015ல் ஆம் ஆத்மி கட்சியில் இருந்து சஸ்பெண்ட் செய்யப்பட்டார்.
தற்போது பாராளுமன்றத் தேர்தல் நெருங்கும் நிலையில், இன்று டெல்லியில் மத்திய மந்திரி அருண் ஜெட்லி முன்னிலையில் பாஜகவில் இணைந்தார்.
பஞ்சாப் மாநிலத்தில் உள்ள 13 மக்களவைத் தொகுதிகளிலும் ஒரே கட்டமாக மே 19ம் தேதி தேர்தல் நடத்தப்படுகிறது. இங்கு பாஜக, ஷிரோமணி அகாலி தளம் கூட்டணி அமைத்து தேர்தலை சந்திக்கின்றன. ஷிரோமணி அகாலி தளம் 10 தொகுதிகளிலும், பாஜக 3 தொகுதிகளிலும் போட்டியிடுகின்றன.
இதில், பதேகர் சாகிப் தொகுதியில் ஷிரோமணி அகாலி தளம் சார்பில், முன்னாள் முதல்வர் பிரகாஷ் சிங் பாதலின் முதன்மைச் செயலாளராக பணியாற்றிய, ஓய்வு பெற்ற ஐஏஎஸ் அதிகாரி தர்பரா சிங் குரு போட்டியிடுவார் என எதிர்பார்க்கப்படுகிறது. எனினும் அகாலி தளம் இன்னும் தொகுதிகளை அதிகாரப்பூர்வமாக அறிவிக்கவில்லை. #LokSabhaElections2019 #SAD #HarinderSinghKhalsa
பாராளுமன்ற தேர்தல் நெருங்கும் வேளையில் அனைத்து கட்சி தலைவர்களும் பொதுக்கூட்டங்கள், பிரச்சாரம், செய்தியாளர் சந்திப்பு என தீவிரமாக களப்பணியில் ஈடுபட்டு வருகின்றனர். அந்த வகையில் ஆம் ஆத்மி கட்சியின் தலைவரும், டெல்லியின் முதல்வருமான அரவிந்த் கெஜ்ரிவால் தீவிரமான களப்பணியில் ஈடுபட்டுள்ளார்.
இந்நிலையில் நேற்று நடைபெற்ற பொதுக்கூட்டத்தில் அரவிந்த் கெஜ்ரிவால் கலந்துக் கொண்டு உரையாற்றினார். அவர் பேசியதாவது:-
அவரைத் தொடர்ந்து வந்த மோடி அரசும் மக்களை ஏமாற்றுகிறது. டெல்லியில் புதிய பள்ளிகள், மருத்துவமனைகள், மொகலா கிளினிக் ஆகியவற்றை அமைக்க எங்களுக்கு அனுமதி மறுக்கப்பட்டது. இருப்பினும் மக்களுக்கான எங்கள் பணியை மோடி அரசால் தடுக்க இயலாது. டெல்லியில் மேலும் முக்கிய இடங்களில் கண்காணிப்பு கேமராக்கள் அமைக்கவும் அனுமதி வழங்கவில்லை.
அனைத்து நலப்பணிகளுக்கும் மத்திய அரசின் அனுமதி தேவைப்படுகிறது. எல்லா மாநிலங்களுக்கும் திட்டங்களை நிறைவேற்ற சுதந்திரம் உள்ளது. ஆனால் டெல்லிக்கு இல்லை. மத்திய அரசின் செயல்களில் அதிருப்தி ஏற்பட்டிருப்பவர்கள் மீண்டும் அவர்களுக்கு ஓட்டுப்போடாதீர்கள். மீண்டும் அவர்கள் ஆட்சிக்கு வந்தால் அடுத்த 5 ஆண்டுகளுக்கும் இதே நிலை நீடிக்கும்.
இவ்வாறு அவர் பேசினார். #AAP #ArvindKejriwal #SheilaDikshit #PMModi
புதுடெல்லி:
பாராளுமன்ற தேர்தலில் பெரும்பாலான மாநிலங்களில் காங்கிரஸ் கட்சிக்கு மாநில கட்சிகளுடன் சுமூகமான கூட்டணி அமையவில்லை. காங்கிரஸ் கட்சி அதிக தொகுதிகளை கேட்டதுதான் கூட்டணி உடன்பாடு ஏற்படாமல் போனதற்கு முக்கிய காரணமாக கூறப்படுகிறது.
டெல்லியில் மொத்தம் 7 பாராளுமன்ற தொகுதிகள் இருக்கின்றன. அங்கு ஆளுங் கட்சியாக உள்ள ஆம்ஆத்மி கட்சியுடன் கூட்டணி சேர காங்கிரஸ் விரும்பியது. ஆனால் காங்கிரஸ் 4 தொகுதிகளை கேட்டதால் ஆம்ஆத்மி கூட்டணிக்கு சம்மதிக்க வில்லை.
இதனால் தனித்து போட்டியிடும் நடவடிக்கைகளில் ஆம்ஆத்மி ஈடுபட்டுள்ளது. இதற்கிடையே ஆம் ஆத்மியுடன் சேர காங்கிரஸ் தலைவர்கள் சிலர் தொடர்ந்து முயற்சி செய்து வருகிறார்கள்.
இதுபற்றி இன்று காங்கிரஸ் தலைவர் ராகுல்காந்தி டெல்லியில் ஆலோசனை நடத்தினார். டெல்லி காங்கிரஸ் தலைவர்கள், நிர்வாகிகளுடன் அவர் ஆம் ஆத்மியுடன் கூட்டணி வைப்பது பற்றி விவாதித்தார்.
டெல்லி காங்கிரஸ் தலைவர்களில் ஒருசாரார் ஆம் ஆத்மிக்கு ஆதரவாகவும், மற்றொரு தரப்பினர் ஆம்ஆத்மிக்கு எதிராகவும் கருத்துக்களை தெரிவித்தனர். எனவே டெல்லியில் ஆம்ஆத்மியுடன் காங்கிரஸ் கட்சிக்கு கூட்டணி உடன்பாடு ஏற்படுமா? என்பது தொடர்ந்து இழுபறியிலே உள்ளது.
காங்கிரஸ் கட்சி சார்பில் நாடு முழுமைக்குமான பொதுவான தேர்தல் அறிக்கை வெளியிட திட்ட மிடப்பட்டுள்ளது. இதற்காக தனி குழு அமைக்கப்பட்டு இருந்தது.
அவர்கள் அறிக்கை தயாரித்து கொடுத்துள்ளனர். வருகிற 2-ந்தேதி இந்த தேர்தல் அறிக்கை வெளியிடுவது பற்றியும் இன்று ராகுல்காந்தி காங்கிரஸ் தலைவர்களுடன் ஆலோசனை நடத்தினார்.
இதற்கிடையே கேரள மாநிலம் வயநாடு தொகுதியில் ராகுல்காந்தியை போட்டியிட செய்ய முயற்சி நடந்து வருகிறது. கேரள மாநில காங்கிரஸ் தலைவர்கள் இது தொடர்பாக ராகுல்காந்தியை வலியுறுத்தி வருகிறார்கள்.
இது தொடர்பாகவும் இன்று ராகுல்காந்தி காங்கிரஸ் மூத்த தலைவர்களுடன் விவாதித்தார். எனவே ராகுல்காந்தி வயநாட்டில் போட்டியிடுவாரா? என்பது இன்று மாலை தெரிந்து விடும். #rahulgandhi #parliamentelection #aap
இந்து மத உணர்வுகளை காயப்படுத்தியதாகவும், மத வெறுப்புகளை தூண்டும் விதமாக கெஜ்ரிவால் பதிவிட்டுள்ளார் என்றும் அவர் மீது பாஜக தலைவர்கள் டெல்லியில் தேர்தல் ஆணைய அதிகாரியிடம் புகார் கொடுத்தனர்.
மேலும் அந்த பதிவில் இருந்த சின்னம் இந்துக்களின் வழிபாட்டு சின்னங்களில் ஒன்றான சுவஸ்திக் சின்னத்தினைபோல் இருந்ததாகவும் குறிப்பிட்டனர்.
இது குறித்து கெஜ்ரிவால் விளக்கம் அளித்துள்ளார். இதில் அவர் கூறியிருப்பதாவது:
நான் பகிர்ந்த பதிவிற்கு பாஜகவினர் தவறான விளக்கம் அளித்துள்ளனர். மேலும் இந்து மத உணர்வுகளை காயப்படுத்தியதாகவும் கூறியுள்ளனர். அந்த பதிவு ஹிட்லரின் சர்வாதிகாரத்தினை குறிக்கும் விதமாகவே உள்ளது. பாஜகவினர் முதலில் நாஜி சின்னத்திற்கும், இந்து சின்னத்திற்கும் இடையே உள்ள வித்தியாசத்தினை புரிந்து கொள்ள வேண்டும். இது முட்டாள் தனமான செயலாகும். நாஜி சின்னத்தை தங்கள் சின்னமாக கூறுவது பாஜகவின் அறியாமையை குறிக்கிறது.
இவ்வாறு அவர் விளக்கம் அளித்துள்ளார். #AAP #AravindKejriwal #BJP
புதுடெல்லி:
பாரதிய ஜனதாவுக்கு எதிராக எதிர்கட்சிகளை ஒருங்கிணைக்கும் முயற்சி தோல்வி அடைந்தாலும் ஒரு சில மாநிலங்களில் இந்த முயற்சி தொடர்ந்து நடந்து வருகிறது.
டெல்லி மாநிலத்தில் 7 பாராளுமன்ற தொகுதிகள் உள்ளன. அனைத்து தொகுதிகளிலுமே கடந்த தேர்தலில் பாரதிய ஜனதா வெற்றி பெற்றது.
இந்த தடவை காங்கிரசும், ஆம் ஆத்மி கட்சியும் தொகுதிகளை கைப்பற்ற முயற்சித்து வருகின்றன. இந்த இரு கட்சிகளுமே பாரதிய ஜனதாவுக்கு எதிரானவையாகும்.
எனவே இரு கட்சிகளும் கூட்டணி அமைப்பதற்கு முயற்சித்தன. 7 தொகுதிகளை சம அளவில் பிரித்து கொள்வதில் சிக்கல் ஏற்பட்டது. காங்கிரசுக்கு 2 தொகுதிகள் மட்டும் விட்டு கொடுத்து 5 தொகுதிகளில் ஆம் ஆத்மி போட்டியிட விரும்பியது.
ஆனால் சம அளவு தொகுதி வேண்டும் என்று காங்கிரஸ் கூறியது. 7 தொகுதிகளை சமமாக பிரிக்க முடியாது என்பதால் தேசியவாத காங்கிரஸ் தலைவர் சரத்பவார் புதிய சமரச திட்டம் ஒன்றை உருவாக்கினார்.
இதன்படி ஆம் ஆத்மி, காங்கிரஸ் தலா 3 தொகுதிகளில் போட்டியிடுவது, ஒரு தொகுதியை பொதுவான நபர் ஒருவருக்கு விட்டுக்கொடுத்து இரு கட்சிகளும் ஆதரவளிப்பது என்பது திட்டமாகும்.
இதற்கும் ஆம் ஆத்மி கட்சி உடன்படவில்லை. இது சம்பந்தமாக இரு கட்சி தலைவர்களும் நீண்ட நாட்களாக பேசி வந்தனர். ஆனால் ஒருமித்த கருத்து ஏற்படவில்லை.
இந்த நிலையில் சரத்பவார் நேற்று டெல்லி வந்தார். அவர் ராகுல்காந்தியை சந்தித்து பேசினார். பின்னர் ஆம் ஆத்மி கட்சி மேல் சபை தலைவர் சஞ்சய் சிங்கை சந்தித்தார். இரு தரப்பினரிடமும் கூட்டணிக்கு சம்மதிக்கும்படி வற்புறுத்தினார். ஆனாலும் முடிவு எட்டப்படவில்லை.
இந்த நிலையில் ஆம் ஆத்மி கட்சி டெல்லி அமைப்பாளர் கோபால் ராய், “நாங்கள் தனித்து போட்டியிடப்போகிறோம். காங்கிரசுடன் கூட்டணி இல்லை” என்று கூறினார்.
இதை கட்சி தலைவர் அரவிந்த் கெஜ்ரிவாலும் ஆமோதித்துள்ளார். நேற்றுடெல்லியில் பிரசாரத்தில் ஈடுபட்ட அவர் இது பற்றி கூறும்போது, “இனி காங்கிரசுடன் நாங்கள் கூட்டணி குறித்து பேச மாட்டோம். காங்கிரசை பொறுத்தவரை தனது கூட்டணியை பலவீனமாக்கி வருகிறது. அவர்களுடன் பேசுவதால் இனி எந்த பலனும் இருக்காது” என்று கூறினார்.
டெல்லி காங்கிரஸ்மேலிட பார்வையாளர் பி.சி. சாக்கோ கூறும் போது, “பல கட்ட பேச்சு வார்த்தை நடத்தியும் கூட்டணி அமைப்பது தொடர்பான முடிவில் முன்னேற்றம் ஏற்படவில்லை. டெல்லி முக்கிய தலைவரான ஷீலா தீட்சித்தை நான் சந்தித்து பேசியபோது அவர் ஆம் ஆத்மியிடம் கூட்டணி வேண்டாம் என்று பிடிவாதமாக கூறுகிறார். இனி இதுபற்றி ராகுல் காந்திதான் முடிவு எடுக்க வேண்டும்” என்று கூறினார். #AamAadmi #Kejriwal
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
