நீங்கள் தேடியது "கிரிக்கெட் ஆஸ்திரேலியா"

ஆஸ்திரேலியா - இந்தியா இடையில் நான்கு போட்டிகள் கொண்ட டெஸ்ட் தொடர் நடைபெற்று வருகிறது. மூன்று போட்டிகள் முடிவில் இந்தியா 2-1 எனத் தொடரில் முன்னிலை வகிக்கிறது.

4-வது மற்றும் கடைசி டெஸ்ட் சிட்னியில் நாளைமறுநாள் (3-ந்தேதி - வியாழக்கிழமை) தொடங்குகிறது. பெர்த் டெஸ்டில் விராட் கோலியும், அடிலெய்டு மற்றும் மெல்போர்னில் புஜாராவும் சதம் விளாசினார்கள். ஆனால் ஆஸ்திரேலிய பேட்ஸ்மேன்கள் இதுவரை சதம் ஏதும் அடிக்கவில்லை.

பும்ரா, இஷாந்த் சர்மா, முகமது ஷமி பந்து வீச்சை அவர்களால் எதிர்கொள்ள முடியவில்லை. சிட்னி டெஸ்டில் வெற்றி பெற்றால் மட்டுமே தொடரை சமன் செய்ய முடியும். இல்லையெனில் தொடரை இழக்க நேரிடும். இதனால் புத்தாண்டு கொண்டாடிய கையோடு ஆஸ்திரேலியா அணியின் ஒரு பகுதியினர் சிட்னியில் பயிற்சியை தொடங்கினார்கள்.

தொடக்க பேட்ஸ்மேன் ஆரோன் பிஞ்ச் 6 இன்னிங்சில் ஒரு அரைசதம் மட்டுமே அடித்துள்ளதால், சிட்னி டெஸ்டில் இருந்து அவர் நீக்கப்படலாம் என்று எதிர்பார்க்கப்படுகிறது. இதனால் பிஞ்ச் இன்று பயிற்சியில் ஈடுபடவில்லை.

டிம் பெய்ன், நாதன் லயன், கவாஜா, மார்கஸ் ஹாரிஸ், பீட்டர் ஹேண்ட்ஸ்காம்ப், மார்னஸ் லாபஸ்சாக்னே ஆகியோர் தீவிர வலைப்பயிற்சியில் ஈடுபட்டனர். இந்த செய்தியை கிரிக்கெட் ஆஸ்திரேலியா தனது அதிகாரப்பூர்வ இணையதளத்தில் வெளியிட்டுள்ளது.

பால் டேம்பரிங் விவகாரத்தில் ஸ்மித் மற்றும் வார்னருக்கு ஆஸ்திரேலியா கிரிக்கெட் வாரியம் ஓராண்டு தடைவிதித்துள்ளது. இந்த தடைக்காலம் கடந்த மார்ச் மாதத்தில் இருந்து அமலில் இருந்து வருகிறது. அடுத்த வருடம் பிப்ரவரி மாதம் அவர்கள் மீதான தடைக்காலம் முடிவிற்கு வரும்.

இரண்டு பேரும் அணிக்கு திரும்புவதை ஆஸ்திரேலியா கிரிக்கெட் வாரியம் மற்றும் வீரர்கள் எதிர்பார்த்துக் கொண்டிருக்கின்றனர். சர்வதேச போட்டியில் விளையாடாமல் இருக்கும் இருவரும் டி20 லீக் தொடரில் விளையாடி வருகிறார்கள்.

விரைவில் தொடங்க இருக்கும் வங்காள தேசம் பிரிமீயர் லீக்கில் இருவரும் களம் இறங்க இருக்கின்றனர். அதன்பின் இந்தியாவில் நடைபெறும் ஐபிஎல் தொடரிலும் விளையாடுகிறார்கள். இதில் சிறப்பாக விளையாடினால் உலகக்கோப்பைக்கான ஆஸ்திரேலியா அணியில் அவர்களுக்கு நிச்சயமாக இடம்கிடைக்கும் என்று ஆஸ்திரேலியா கிரிக்கெட் வாரியம் தெரிவித்துள்ளது.

இதுகுறித்து ஆஸ்திரேலியா கிரிக்கெட் வாரியத்தின் சிஇஓ கெவின் ராபர்ட்ஸ் கூறுகையில் ‘‘வங்காள தேச பிரிமீயர் லீக் மற்றும் ஐபிஎல் தொடரில் இருவருடைய ஆட்டம் எப்படி இருக்கிறது என்பது உண்மையிலேயே கணக்கில் எடுத்துக் கொள்ளப்படும். இரு தொடர்களையும் கண்காணிப்பது முக்கியமானது.



தொடர்ந்து சிறப்பான ஆட்டத்தை வெளிப்படுத்துதல், நியாயம் மற்றும் நீதி ஆகியவற்றின் அடிப்படையில் எங்களுடைய தேர்வு இருக்கும். எந்தவித பிரச்சனையும் இல்லாமல் அவர்கள் அணிக்கு திரும்ப வேண்டும் என்பதில் நாங்கள் கவனம் செலுத்தி வருகிறோம்.

இருவருடைய பார்ம் குறித்து நாங்கள் கேட்டறிந்த வகையில் எந்த கவலையும் இல்லை. அவர்கள் தொடர்ந்து வலைப்பயிற்சியில் ஈடுபட வேண்டும் என்பதுதான் எங்களது நோக்கம். அடுத்த இரண்டு மூன்று மாதங்களில் அவர்களுடன் போதுமான அளவிற்கு தொடர்பு கொண்டு அவர்களை மதிப்பிடுவோம்’’ என்றார்.

ஆஸ்திரேலியா கிரிக்கெட் வாரியத்தின் சேர்மனாக இருந்தவர் டேவிட் பீவெர். இவர் கடந்த நான்கு வாரத்திற்கு முன்பு இரண்டாவது முறையாக சேர்மனாக தேர்ந்தெடுக்கப்பட்டார். ஆஸ்திரேலியா அணி பந்தை சேதப்படுத்திய விவகாரத்தில் சிக்கி கலங்கத்திற்கு உள்ளாகியுள்ளது.

இந்த விவகாரத்தில் டேவிட் பீவெர் மீது கடும் விமர்சனம் எழும்பியது. இதனால் தனது பதவியை ராஜினாமா செய்தார். அதன்பின் எர்ல் எட்டிங்ஸ் இடைக்கால சேர்மனாக நியமிக்கப்பட்டார். இந்நிலையில் இன்று நிரந்தர சேர்மனாக நியமிக்கப்பட்டுள்ளார். அடுத்த வருடம் அக்டோபர் மாதம் நடைபெறும் ஆண்டுக்கூட்டம் வரை சேர்மனாக இருப்பார்.

பந்தை சேதப்படுத்திய விவகாரத்தில் ஆஸ்திரேலிய வீரர்கள் ஸ்டீவன் ஸ்மித், வார்னர் ஆகியோருக்கு ஓராண்டு தடை விதித்து அந்நாட்டு கிரிக்கெட் வாரியம் நடவடிக்கை எடுத்தது. பான்கிராப்ட்டிற்கு 9 மாதம் தடை விதிக்கப்பட்டது.

அடுத்த ஆண்டு மார்ச் 29-ந்தேதி வரை சுமித், வார்னர் மீதான தடை இருக்கிறது. பான்கிராப்ட் மீதான தடை டிசம்பர் 29-ந்தேதியுடன் முடிகிறது.

இந்த தடை கடுமையானது. அதை நீக்க வேண்டும் என்று வீரர்கள் சங்கம் கோரிக்கை வைத்தது. ஆஸ்திரேலிய அணி சமீப காலமாக தோல்வியை தழுவி வருகிறது. இதனால் ஸ்மித், வார்னர் மீதான தடை இந்திய தொடரில் நீக்கப்படலாம் என்று எதிர்பார்க்கப்பட்டது.



இந்த நிலையில் பந்தை சேதப்படுத்திய விவகாரத்தில் ஸ்மித், வார்னர். பான்கிராப்ட் ஆகியோர் மீதான தடை நீக்கம் செய்யப்படமாட்டாது என்று ஆஸ்திரேலிய கிரிக்கெட் வாரியம் இன்று அறிவித்தது. தடை அதே நிலையில் இருக்கும் என்று கூறி வீரர்கள் சங்கத்தின் கோரிக்கையை நிராகரித்தது.

ஆஸ்திரேலியா அணி கடந்த மார்ச் மாதம் தென்ஆப்பிரிக்காவில் சுற்றுப் பயணம் செய்து விளையாடியது. கேப் டவுனில் நடைபெற்ற போட்டியின்போது பான்கிராப்ட் பந்தை உப்புத்தாளால் சேதப்படுத்தினார். இதற்கு மூளையாக செயல்பட்டவர் துணைக்கேப்டன் வார்னே என்பதும், இந்த விஷயம் கேப்டன் ஸ்மித்திற்கு தெரிந்தே நடந்தது என்றும் விசாரணையில் தெரிய வந்தது.

இதனால் பான்கிராப்டிற்கு 9 மாதமும், வார்னர் மற்றும் ஸ்மித்திற்கு ஓராண்டு தடையும் விதிக்கப்பட்டது. வார்னர் மற்றும் ஸ்மித் இல்லாமல் ஆஸ்திரேலியா அணி சர்வதேச அளவில் திணறி வருகிறது. ஆஸ்திரேலியாவில் உள்ள கிரிக்கெட் வீரர்களுக்கான சங்கம் மூவர் மீதான தடையை நீக்க வேண்டும் என்று வலியுறுத்தியது.



இதனால் கிரிக்கெட் ஆஸ்திரேலியா தடையை நீக்க பரிசீலனை செய்து வருகிறது. இந்நிலையில்தான் சிட்னியை மையமாகக் கொண்ட நெறிமுறை மையம், ‘‘திமிரான போக்கு மற்றும் கிரிக்கெட்டை கட்டுக்குகள் வைத்துக் கொள்வது போன்ற கலாச்சாரத்தின் அடிப்படையில், எப்படியாக வெற்றிபெற வேண்டும் என்ற எண்ணத்தை வீரர்களிடம் விதைத்ததே ஆட்சிமன்ற குழுதான்’’ என்று குற்றம்சாட்டியிருந்தது.

இதனால் ஆஸ்திரேலியா கிரிக்கெட் வாரியத்தின் முக்கியமான தலைவர்கள் தங்களை பதவிகளில் இருந்து விலகி வருகிறார்கள். இந்நிலையில் முன்னாள் சுழற்பந்து வீச்சு ஜாம்பவான் ஆன வார்னே, இக்கட்டான நிலையில் தவிக்கும் ஆஸ்திரேலியா கிரிக்கெட் வாரியத்திற்கு உதவத் தயார் என்று கூறியுள்ளார்.

ஆஸ்திரேலியா அணி தென்ஆப்பிரிக்கா சென்று விளையாடும்போது கேப்டவுன் டெஸ்டில் பான் கிராப்ட், டேவிட் வார்னர், ஸ்மித் ஆகியோர் பந்தை சேதப்படுத்திய புகாரில் சிக்கினர். ஐசிசி அவர்களுக்கு அபராதத்துடன் ஒன்றிரண்டு போட்டிகளில் தடைவித்தாலும், ஆஸ்திரேலியா கிரிக்கெட் வாரியம் அவர்களுக்கு ஓராண்டு தடைவித்தது.

ஒருபக்கம் தடைவிதித்தாலும் மறுபக்கம் அவர்களுடைய தண்டனையை திரும்பப் பெற வேண்டும் என்று வலுயுறுத்தப்பட்டது. ஆனால் ஆஸ்திரேலியா கிரிக்கெட் வாரியம் அதை நிராகரித்தது.



ஆஸ்திரேலியாவின் கிரிக்கெட் வீரர்களுக்கான சங்கம் தடையை நீக்க வேண்டும் என்று வலியுறுத்தி வருகிறது. இந்நிலையில் கடந்த வாரம் ஆஸ்திரேலியா கிரிக்கெட் வாரியதிற்கான தேர்தல் நடைபெற்றது. அப்போது டேவிட் பீவெர் 2-வது முறையாக சேர்மனாக தேர்வு செய்யப்பட்டார்.

இந்நிலையில் பந்தை சேதப்படுத்திய விவகாரத்தில் பொறுப்பேற்று பதவி விலகவேண்டும் என்று வலியுறுத்தப்பட்டது. இந்நிலையில் டேவிட் பீவெர் தனது பதவியை ராஜினாமா செய்துள்ளார். இயர்ல் எட்டிங்ஸ் இடைக்கால தலைவராக நியமிக்கப்பட்டுள்ளார்.

ஆஸ்திரேலியா அணியின் டெஸ்ட் கேப்டன் ஸ்மித், துணைக் கேப்டன் வார்னர் ஆகியோர் பந்தை சேதப்படுத்திய விவகாரத்தில் ஓராண்டு தடைபெற்றனர். இதனால் ஒரே நேரத்தில் கேப்டன் மற்றும் துணைக் கேப்டன் பதவி காலியாக இருந்தது. கேப்டன் பதவிக்கு உடனடியாக விக்கெட் கீப்பர் டிம் பெய்ன் நியமிக்கப்பட்டார்.

ஆனால் துணைக்கேப்டன் பதவிக்கு இன்னும் யாரும் நியமிக்கப்படவில்லை. ஆஸ்திரேலியா அணி விரைவில் பாகிஸ்தானுக்கு எதிராக டெஸ்ட் போட்டியில் விளையாட இருக்கிறது. இந்த தொடர் ஐக்கிய அரபு எமிரேட்ஸில் நடக்கிறது.



இந்த தொடருக்கு கட்டாயம் துணைக் கேப்டன் தேவை. தற்போது ஆஸ்திரேலியா அணியின் முன்னணி வீரர்களாக மிட்செல் ஸ்டார்க், நாதன் லயன், ஹசில்வுட் மற்றும் மிட்செல் மார்ஷ் ஆகியோரில் ஒருவருக்கு துணைக் கேப்டன் பதவி கிடைக்கும் என எதிர்பார்க்கப்படுகிறது.

இந்நிலையில் ஆஸ்திரேலியா தேர்வுக்குழு உறுப்பினராக கிரேக் சேப்பல் மிட்செல் மார்ஷ் துணைக் கேப்டனாக அதிக சாத்தியக்கூறுகள் உள்ளதாக தெரிவித்துள்ளார்.



மிட்செல் மார்ஷ் வெஸ்டன் ஆஸ்திரேலியா அணியின் துணைக் கேப்டனாக நியமிக்கப்பட்டுள்ளார். அத்துடன் ஆஸ்திரேலியா ‘ஏ’ அணி இந்தியா வந்து விளையாடுகிறது. அப்போது அந்த அணிக்கு கேப்டனாக பணியாற்ற இருக்கிறார்.



அதேவேளையில் ஹசிலவுட் 40 டெஸ்ட் போட்டியில் விளையாடியுள்ளார். துணைக் கேப்டன் பதவியில் ஆர்வம் இருப்பதாகவும் தெரிவித்துள்ளார். அதேபோல் நாதன் லயனும், மிட்செல் ஸ்டார்க்கும் இந்த போட்டியில் இணைந்துள்ளனர்.

இந்திய கிரிக்கெட் வாரியத்தில் நடத்தப்படும் மிகப்பெரிய உள்ளூர் தொடரான ரஞ்சி டிராபியை போல், ஆஸ்திரேலியாவில் நடைபெறும் உள்ளூர் தொடர் ஷெஃப்பீல்டு ஷீல்டு. இந்த தொடரில் சிறப்பான ஆட்டத்தை வெளிப்படுத்தும் வீரர்கள் தேசிய அணியில் இடம்பெறுவார்கள்.

இந்த வருடத்திற்கான தொடர் வரும் அக்டோபர் மாதம் 16-ந்தேதி தொடங்குகிறது. இது ஐந்து சுற்றுகளாக நடத்தப்படுகிறது. ஆஸ்திரேலியா கிரிக்கெட்டில் புதிய முயற்சி செய்ய விரும்பினால், இந்த தொடரை பயன்படுத்திக் கொள்ளும்.



பிங்க் பந்தில் நடத்தப்படும் பகல்-இரவு டெஸ்டிற்கு ஆஸ்திரேலியா அணி தயாராகும்போது இந்த தொடரில் பெரும்பாலான ஆட்டங்கள் பகல்-இரவு ஆட்டமாக நடைபெற்றன. ஆனால் இந்தமுறை ஒரு போட்டி கூட பிங்க் பந்தில் நடத்தப்படவில்லை. அதற்குப் பதிலாக முதல் பாதி சீசன் ரெட் பந்திலும், 2-வது பாதி சீசன் இங்கிலாந்தில் தயாரிக்கப்படும் டியூக்ஸ் பந்தும் பயன்படுத்தப்பட இருக்கிறது.

ஜேஎல்டி ஒருநாள் கோப்பை தொடர் செப்டம்பர் 16-ந்தேதி தொடங்குகிறது. இதில் 6 அணிகள் பங்கேற்கின்றன.

ஆஸ்திரேலியா அணியின் முன்னாள் பேட்ஸ்மேன் மார்க் வாக். 52 வயதாகும் இவர் கடந்த 20014-ம் ஆண்டு ஆஸ்திரேலிய தேசிய அணியின் தேர்வுக்குழுவில் இடம்பிடித்தார். இவரது பதவிக்காலம் வரும் ஆகஸ்ட் மாதத்துடன் முடிவடைகிறது.



அதன்பின் தனது பதவியை நீட்டிப்பார் என்று எதிர்பார்க்கப்பட்டது. ஆனால், தனது பதவியை நீட்டிக்க மார்க் வாக் விரும்பவில்லை. பாக்ஸ் ஸ்போர்ட்ஸ் தொலைக்காட்சியில் வர்ணனையாளராக பணிபுரிய சம்மதம் தெரிவித்துள்ளார். இதனால் தேர்வுக்குழு தலைவர் பதவியில் இருந்து விலகுகிறார். மார்க் வாக் ஆஸ்திரேலியா அணிக்காக 128 டெஸ்ட், 244 ஒருநாள் போட்டிகளில் விளையாடியுள்ளார்.

தென்ஆப்பிரிக்காவுக்கு எதிரான டெஸ்ட் தொடரின்போது, கேப் டவுனில் நடைபெற்று 3-வது டெஸ்ட் போட்டியில் ஆஸ்திரேலிய வீரர்கள் ஸ்டீவன் ஸ்மித், டேவிட் வார்னர், பான்கிராப்ட் ஆகியோர் பந்தை சேதப்படுத்திய விவகாரத்தில் சிக்கினார்கள். இதில் ஸ்மித், வார்னருக்கு ஓராண்டு தடையும், பான்கிராப்ட்டுக்கு 9 மாத தடையும் ஆஸ்திரேலிய கிரிக்கெட் வாரியம் விதித்தது.



தடைவிதிக்கப்பட்ட ஸ்மித் குடும்பத்துடன் அமெரிக்கா சென்றிருந்தார். அதன்பின் சமீபத்தில் சொந்த நாடு திரும்பினார். அவருக்கு ஆதரவாக ரசிகர்கள் குரல் கொடுத்து வருகிறன்றனர். ஆஸ்திரேலியா கிரக்கெட் வாரியத்தில் உள்ள முக்கிய நிர்வாகிகளும் ஸ்மித், வார்னரால் ஆஸ்திரேலியா அணிக்காக விளையாட முடியும் என்று கூறி வருகிறார்கள்.

இந்த நிலையில் கிளப் கிரிக்கெட் போட்டியில் ஸ்மித், வார்னருக்கு ஆஸ்திரேலியா கிரிக்கெட் வாரியம் அனுமதி அளித்துள்ளது.