நீங்கள் தேடியது "குழந்தைகள் விற்பனை"

நாமக்கல்:


இந்நிலையில், கைது செய்யப்பட்டவர்கள் நாமக்கல் நீதிமன்றத்தில் ஜாமீன் மனுக்கள் தாக்கல் செய்திருந்தனர். இந்த மனுக்கள் மீது இன்று விசாரணை நடைபெற்றது. அப்போது, அமுதவள்ளி, அவரது கணவர் ரவிச்சந்திரன், லீலா, ரேகா, நந்தகுமார், சாந்தி ஆகியோரின் ஜாமீன் மனுக்களை நீதிமன்றம் தள்ளுபடி செய்தது. 

நாமக்கல்:

நாமக்கல் மாவட்டம் ராசிபுரத்தில் குழந்தைகள் சட்ட விரோதமாக விற்பனை செய்யப்படுவது தொடர்பாக சமீபத்தில் வாட்ஸ்-அப் ஆடியோ ஒன்று வெளியானது. அந்த ஆடியோவில், குழந்தைகளின் நிறம், ஆரோக்கியத்தை வைத்து விலை நிர்ணயம் செய்யப்படுவதாகவும், அதற்கு பிறப்பு சான்றிதழ் பெற ரூ.70 ஆயிரம் வரை செலவாகும் என்பது போலவும் உரையாடல் அமைந்து இருந்தது.

இது தொடர்பாக வழக்குப்பதிவு செய்த ராசிபுரம் அனைத்து மகளிர் போலீசார் ராசிபுரத்தை சேர்ந்த விருப்ப ஓய்வுபெற்ற பெண் செவிலியர் உதவியாளர் அமுதவள்ளி (வயது 50), அவரது கணவர் ரவிச்சந்திரன், ஆம்புலன்ஸ் டிரைவர் முருகேசன் மற்றும் 5 புரோக்கர்கள் என மொத்தம் 8 பேரை கைது செய்தனர். அவர்களிடம் நடத்திய விசாரணையில் 14 குழந்தைகள் விற்பனை செய்யப்பட்டு இருப்பது தெரியவந்தது.

இதற்கிடையே விற்பனை செய்யப்பட்ட குழந்தைகளில் பெரும்பாலான குழந்தைகள் கொல்லிமலையில் வாங்கப்பட்டு இருப்பது போலீசாரின் விசாரணையில் தெரியவந்தது.

இதை தொடர்ந்து கொல்லிமலை மற்றும் ராசிபுரத்தில் சுகாதாரத்துறை அதிகாரிகள் பல்வேறு குழுக்களாக பிரிந்து, போலியாக பிறப்பு சான்றிதழ் வழங்கப்பட்டு உள்ளதா? என ஆய்வு மேற்கொண்டு வருகின்றனர்.

இந்த நிலையில் நேற்று நாமக்கல் மாவட்ட கலெக்டர் ஆசியா மரியம் நிருபர்களுக்கு பேட்டி அளித்தார். அப்போது அவர் கூறியதாவது:-

குழந்தைகளை தத்து எடுத்து வளர்க்க விரும்புவோர், அரசின் விதிமுறைகளுக்கு உட்பட்டு குழந்தைகளை தத்தெடுத்து வளர்க்கலாம். அந்த வகையில் கடந்த ஆண்டு நமது மாவட்டத்தில் அரசின் விதிமுறைகளுக்கு உட்பட்டு 4 குழந்தைகள் தத்து கொடுக்கப்பட்டு உள்ளன. அதே நேரத்தில் குழந்தை வேண்டாம் என்று சொல்பவர்கள் அரசின் தொட்டில் குழந்தை திட்டத்தில் முறையாக விட்டு செல்ல வேண்டும்.

நமது மாவட்டத்தில் சமூக நலத்துறையின் கட்டுப்பாட்டில் உள்ள இல்லங்கள் விதிமுறைகளுக்கு உட்பட்டே நடத்தப்பட்டு வருகின்றன. விதிமுறைகளை பின்பற்றாத 5 இல்லங்கள் ஏற்கனவே மூடப்பட்டு விட்டன. எனவே அந்த இல்லங்களுக்கும் குழந்தைகள் விற்பனைக்கும் எந்த தொடர்பும் இல்லை. தற்போது குழந்தைகள் விற்பனை இருதரப்பு பெற்றோர் ஒப்புதலுடன் தான் நடைபெற்று இருப்பதாக தெரிய வருகிறது. இவ்வழக்கை முன் உதாரணமாக எடுத்து கொண்டு பொதுமக்கள் விழிப்புணர்வு அடைய வேண்டும்.

விற்பனை செய்யப்பட்ட குழந்தைகளுக்கு போலியாக பிறப்பு சான்றிதழ் பெறப்பட்டு இருப்பதாகவும் கைதானவர்கள் தெரிவித்து உள்ளனர். இது தொடர்பாக அதிகாரிகள் ஆய்வு செய்து வருகின்றனர். மேலும் விசாரணை நடத்த சென்னையில் இருந்து சுகாதாரத்துறை அதிகாரிகள் வர உள்ளனர்.

மாவட்ட நிர்வாகம் சார்பில் ஏற்கனவே அரசு அலுவலர்களுக்கு பிறப்பு சான்றிதழ் தவறாக கொடுத்தால் வேலை போய் விடும் என தெரிவித்து உள்ளோம். பிறப்பு சான்றிதழ் தவறாக கொடுத்து இருந்தால் கடும் நடவடிக்கை எடுக்கப்படும்.

இவ்வாறு அவர் கூறினார்.

இதற்கிடையே குழந்தைகள் விற்பனை தொடர்பான வழக்கு சி.பி.சி.ஐ.டி.க்கு மாற்றம் செய்யப்பட்டு உள்ளது.

சி.பி.சி.ஐ.டி. போலீசார் ஓரிரு நாட்களில் ராசிபுரம் போலீசாரிடம் இருந்து ஆவணங்களை பெற்று, முதல் தகவல் அறிக்கை பதிவு செய்து, விசாரணையை தொடங்குவார்கள் என எதிர்பார்க்கப்படுகிறது. #namakkalcollector

கொல்லிமலை:

குழந்தைகள் விற்பனை செய்யப்பட்ட சம்பவத்தை தொடர்ந்து கொல்லிமலையில் உள்ள சுகாதார நிலையங்களை ஆய்வு செய்ய 3 குழுக்கள் அமைக்கப்பட்டது. இந்த குழு தொடர்ந்து சுகாதார நிலையங்களில் ஆய்வு பணிகளை மேற்கொண்டு வந்தது.

இந்த நிலையில் கொல்லிமலையில் அதிக அளவில் குழந்தைகள் விற்பனை செய்யப்பட்ட புகார் எழுந்ததையடுத்து, ஆய்வு குழுக்களின் எண்ணிக்கை அதிகரிக்க மாவட்ட சுகாதார துறை சார்பில் முடிவு செய்யப்பட்டது.

அதன்படி, ஏற்கனவே செயல்பட்டு வந்த 3 குழுக்களை நிறுத்திவிட்டு, ஆய்வை தீவிரப்படுத்துகின்ற வகையில், புதியதாக 16 குழுக்களை அமைத்து இன்று மற்றும் நாளை (30-ந்தேதி) ஆகிய 2 நாட்கள் ஆய்வு பணிகளை மேற்கொள்ள உத்தரவிட்டது.

இதில் ஒவ்வொரு குழுவிலும் தலா அரசு டாக்டர்-1, சுகாதார மேற்பார்வையாளர்-1, ஆய்வாளர்-1, பகுதி சுகாதார நர்சு-1, சமுதாய சுகாதார நர்சு-1, கிராம சுகாதார நர்சு-1, பயிற்சி பள்ளி நர்சு-1 என 7 பேர் வீதம் இடம் பெற்றுள்ளனர்.

இன்று காலை 6 மணி முதல் இவர்கள் கொல்லிமலையில் உள்ள 16 அரசு ஆரம்ப சுகாதார நிலையங்கள் மற்றும் துணை சுகாதார நிலையங்களில் தங்களது ஆய்வு பணிகளை தொடங்கி உள்ளனர்.

ஒவ்வொரு சுகாதார நிலையங்களிலும் தலா ஒவ்வொரு குழுவாக சென்று தீவிரமாக ஆய்வு செய்து வருகிறார்கள்.

இங்கு பிறப்பு சான்றிதழ் பதிவேடு, ஊழியர்களின் வருகை பதிவேடு, கர்ப்பிணி பெண்களின் வருகை பதிவேடு, கர்ப்பிணி பெண்கள் பரிசோதனை செய்த விபரம் பதிவேடு, குழந்தைகளுக்கு போடப்படும் தடுப்பூசி பதிவேடு உள்ளிட்ட முக்கிய ஆவணங்கள் ஆய்வு செய்யப்பட்டு வருகிறது.

இந்த பதிவேடுகளில் இருக்கும் தகவலின் அடிப்படையில் சம்பந்தப்பட்ட வீடுகளுக்கு சென்று குழந்தைகள் குறித்து பெற்றோரிடம் விசாரித்து வருகின்றனர்.

மேலும் அரியூர் நாடு, வளப்பூர் நாடு, செம்மேடு, சோளக்காடு, மேக்னிக்காடு உள்பட பல கிராமங்களில் வீடு வீடாக சென்று சுகப்பிரசவத்தில் பிறந்த குழந்தைகளின் விபரம் குறித்தும் கணக்கெடுத்து வருகின்றனர்.

அப்போது அதிகாரிகள் பெற்றோர்களிடம் எப்போது குழந்தை பிறந்தது?, தனியார் மருத்துவமனையா? அல்லது அரசு மருத்துவமனையில் பிறந்ததா?, எத்தனை குழந்தை உள்ளது?, இந்த குழந்தை இப்போது எங்கு இருக்கிறார்கள்? எங்கு படிக்கிறார்கள்? என பல்வேறு கேள்விகள் கேட்டனர். அவர்கள் கூறிய தகவல்களை அதிகாரிகள் குறிப்பெடுத்துக் கொண்டனர்.

இந்த ஆய்வு பணி நாளை (30-ந்தேதி) முடிவடைந்ததும், இது குறித்த முழுமையான ஆய்வு அறிக்கை சென்னையில் உள்ள தலைமை சுகாதார துறைக்கு அனுப்பி வைக்கப்படும் என மாவட்ட சுகாதார இணை இயக்குநர் டாக்டர் ரமேஷ்குமார் தெரிவித்துள்ளார்.

இதனிடையே கொல்லிமலை பவர்காடு கிராமத்தில் உள்ள அரசு ஆரம்ப சுகாதார நிலையத்தில் பணியாற்றி வந்த டிரைவர் முருகேசன் என்பவர் குழந்தை விற்பனை விவகாரத்தில் ஈடுபட்டுள்ளது தெரியவந்ததை அடுத்து அவர் பணியிடை நீக்கம் செய்யப்பட்டுள்ளார் என்பது குறிப்பிடத்தக்கது. #ChildKidnap

ராஞ்சி:

அன்னை தெரேசா தொடங்கிய ‘மிஷனரீஸ் ஆப் சேரிட்டி’ என்கிற அறக்கட்டளை நாடுமுழுவதும் செயல்பட்டு வருகிறது. இந்த அறக்கட்டளை வறுமையால் வாடுபவர்களுக்கும், ஆதரவற்ற குழந்தைகள், பெண்கள், முதியோர் ஆகியோருக்கும் பல்வேறு வகைகளில் உதவி செய்து வருகிறது.

ஜார்கண்ட் மாநிலத்தின் தலைநகர் ராஞ்சியில் ‘மிஷனரீஸ் ஆப் சேரிட்டி’ அறக்கட்டளையின் கீழ் குழந்தைகள் காப்பகம் செயல்பட்டு வருகிறது.

இந்த காப்பகம் குழந்தைகளுக்கு மட்டும் இன்றி, திருமணம் ஆகாமல் சிறுவயதிலேயே தாயான சிறுமிகள் மற்றும் மாற்றுத்திறனாளிகளுக்கும் ஆதரவு அளிக்கிறது.

இந்த குழந்தைகள் காப்பகத்தில் இருந்து பச்சிளம் குழந்தைகளை தத்தெடுப்பதற்கு ரூ.1 லட்சம் வரை பெறப்படுவதாக போலீசாருக்கு புகார் வந்தது. இது தொடர்பாக போலீசார் விசாரணை நடத்தினர். இதில் ‘மிஷனரீஸ் ஆப் சேரிட்டி’ அறக்கட்டளையின் தலைவியான கன்னியாஸ்திரி கொன்சிலியா மற்றும் அவருடைய உதவியாளரான மற்றொரு கன்னியாஸ்திரி ஆகிய இருவரும் சேர்ந்து, குழந்தைகள் காப்பகத்தில் பிறந்த 3 பச்சிளம் குழந்தைகளை தலா ரூ.50 ஆயிரம் வீதம் 3 தம்பதிகளுக்கு விற்பனை செய்தது தெரியவந்தது.

இதையடுத்து, கொன்சிலியா மற்றும் அவருடைய உதவியாளர் ஆகிய இருவரையும் போலீசார் கைது செய்தனர். காப்பகத்தில் இருந்து குழந்தைகளை வாங்கி சென்ற தம்பதிகளின் விவரங்கள் குறித்து அவர்களிடம் போலீசார் தீவிரமாக விசாரித்து வருகின்றனர்.