நீங்கள் தேடியது "சாகித்ய அகாடமி விருது"

நெல்லை:

கன்னியாகுமரி மாவட்டம் தேங்காய்பட்டினத்தை சேர்ந்தவர் எழுத்தாளர் தோப்பில் முகமது மீரான் (74). இவர் நெல்லை மாவட்டம் பேட்டை பகுதியில் வசித்து வந்தார்.

இவர் பல்வேறு புதினங்கள், சிறுகதை தொகுப்புகள், மொழிபெயர்ப்பு நூல்களை எழுதியுள்ளார். சாய்வு நாற்காலி என்ற நாவலுக்காக 1997ல் சாகித்ய அகாடமி விருது பெற்றவர். 

இந்நிலையில், சாகித்ய அகாடமி விருது பெற்ற எழுத்தாளர் தோப்பில் முகமது மீரான் உடல்நலக் குறைவால் இன்று  காலமானார். அவரது மறைவுக்கு எழுத்தாளர்கள் உள்பட பலர் இரங்கல் தெரிவித்து வருகின்றனர்.

#RIPThoppilMohamedMeeran #SahityaAkademi 

சென்னை:

30 ஆண்டுகளாக தமிழ் எழுத்துலகில் பணியாற்றி வரும் எழுத்தாளர் எஸ். ராமகிருஷ்ணன் விருதுநகரின் மல்லாங்கிணறை பூர்வீகமாக  கொண்டவர்.  சென்னையில் தற்பொழுது வசித்து வருகிறார்.  கடந்த 1984ம் ஆண்டில் இருந்து சிறுகதை, நாவல் ஆகியவற்றை எழுதி வருகிறார்.

இதற்கிடையே, 'சஞ்சாரம்'  என்ற நாவலுக்காக எழுத்தாளர் எஸ். ராமகிருஷ்ணனுக்கு இலக்கியத்திற்கான உயரிய விருதான சாகித்ய அகாடமி விருது அறிவிக்கப்பட்டு உள்ளது.

இந்நிலையில், சாகித்ய அகாடமி விருது பெறும் எழுத்தாளர் எஸ். ராமகிருஷ்ணனுக்கு முதலமைச்சர் எடப்பாடி பழனிசாமி வாழ்த்து தெரிவித்துள்ளார். இதுதொடர்பாக அவர் வெளியிட்டுள்ள செய்தியில் கூறியிருப்பதாவது:

எளிய நடையில் பாமரர்களும் புரிந்துகொள்ளும் வகையில் பல சிறுகதைகள், நாவல்களை படைத்தவர் எஸ்.ராமகிருஷ்ணன். தன்னை முழுமையாக அர்ப்பணித்து தமிழ் எழுத்துக்களில் தனக்கென ஒரு தனி இடத்தை பிடித்தவர். அவருக்கு விருது அறிவித்திருப்பது அவரது புகழுக்கு மணி மகுடம் சூட்டும் விதமாக அமைந்துள்ளது.

தமிழகத்துக்கு பெருமை சேர்த்த எஸ் ராமகிருஷ்ணனுக்கு மக்கள் சார்பில் எனது பாரட்டுகள். மேன்மேலும் இதுபோல் பல்வேறு விருதுகள் பெற வாழ்த்துக்கள் என தெரிவித்துள்ளார். #SahityaAkademi #WriterRamakrishnan #EdappadiPalaniswami

புதுச்சேரி:

புதுச்சேரி மாவட்டம் அவ்வை நகரில் வசித்து வருபவர் தமிழ் எழுத்தாளர் லெனின் தங்கப்பா (84). இவரது சொந்த ஊர் திருநெல்வேலி மாவட்டத்தில் குறும்பலாபேரி. இவர் தாகூர் கலைக்கல்லூரி மற்றும் பாரதிதாசன் மகளிர் அரசு கல்லூரி ஆகியவற்றில் பேராசிரியராக பணியாற்றியுள்ளார்.

இவர் 50-க்கு மேற்பட்ட தமிழ் நூல்களை எழுதியுள்ளார். மேலும், பாரதியார், அரவிந்தர் மற்றும் பாரதிதாசன் ஆகியோரின் கவிதைகளை ஆங்கிலத்தில் மொழி பெயர்த்துள்ளார்.

இவர் எழுதிய, சோளக்கொல்லை பொம்மை என்ற நூலுக்கு 2010-ம் ஆண்டுக்கான குழந்தை இலக்கிய பிரிவில் சாகித்ய விருது வழங்கப்பட்டுள்ளது. இவர் இரண்டு முறை சாகித்ய அகாடமி விருது பெற்றவர் என்பது குறிப்பிடத்தக்கது. #MLThangappa #SahityaAcademyAward