நீங்கள் தேடியது "சென்னையில் மீட்பு"

சேலம்:

சேலம் சுக்கம்பட்டி பகுதியை சேர்ந்தவர் செந்தில். இவரது மகன் ஆதி (வயது 14). இவர் சேலத்தில் உள்ள ஒரு பள்ளியில் 9-ம் வகுப்பு படித்து வந்தார்.

நேற்று காலை வீட்டில் இருந்து பள்ளிக்கு செல்வதாக கூறி சென்ற ஆதி மாலையில் வீடு திரும்பவில்லை. இதனால் அதிர்ச்சி அடைந்த பெற்றோர் அக்கம் பக்கத்தில் தேடினர்.

பின்னர் பள்ளியில் வந்து விசாரித்தபோது அவர் பள்ளிக்கு செல்லாமல் மாயமானது தெரிய வந்தது. இது குறித்த புகாரின் பேரில் சேலம் மாநகர போலீசார் அவரை தேடி வந்தனர்.

இந்தநிலையில் சென்னை தாம்பரம் ரெயில் நிலையத்தில் பள்ளி மாணவர் ஒருவர் தனியாக சுற்றி திரிவதை பார்த்த சென்னை போலீசார் அவரை பிடித்து விசாரித்தனர். அப்போது அவர் சேலத்தில் மாயமான ஆதி என்பது தெரிய வந்தது.

அவரை போலீஸ் நிலையத்திற்கு அழைத்து சென்ற போலீசார் சேலம் போலீசாருக்கு தகவல் தெரிவித்தனர். அவர்கள் மாணவரின் பெற்றோருக்கும் தகவல் கொடுத்தனர்.

இதற்கிடையே சேலம் போலீசார் நேற்றிரவு சென்னைக்கு புறப்பட்டு சென்றனர். மாணவனை இன்று சேலத்திற்கு அழைத்து வந்து அவரது பெற்றோரிடம் ஒப்படைக்கிறார்கள்.

போலீசார் நடத்திய விசாரணையில் படிக்க விருப்பம் இல்லாமல் மாணவன் சென்னைக்கு சென்றதாக கூறப்படுகிறது. வேறு ஏதேனும் காரணம் உண்டா? என்பது குறித்து போலீசார் விசாரணை நடத்தி வருகிறார்கள்.

சென்னை:

மகாராஷ்டிரா மாநிலம் நாசிக் பகுதியில் இருந்து தனிஷா என்ற 17 வயது பள்ளி மாணவி திடீரென காணாமல் போனார். அவருடன் அதே பகுதியைச் சேர்ந்த சந்தீப்பிரசாத், அவரது சகோதரர் சுஜித் சுரேந்திர பிரசாத் இருவரும் மாயமானார்கள்.

இது தொடர்பாக அவர்களது பெற்றோர் அங்குள்ள போலீஸ் நிலையத்தில் புகார் செய்தனர். போலீசார் வழக்குப்பதிவு செய்து 3 பேரையும் தேடி வந்தனர்.

இந்த நிலையில் அவர்கள் பயன்படுத்திய செல்போன் மூலம் அம்மாநில போலீசார் 3 பேரும் சென்னையில் இருப்பதை உறுதி செய்தனர். ஆயிரம்விளக்கு பகுதியில் அவர்கள் தங்கியிருப்பதும் கண்டுபிடிக்கப்பட்டது.

இதுபற்றி நாசிக் போலீஸ் சூப்பிரண்டு திருவல்லிக்கேணி போலீஸ் துணை கமி‌ஷனர் செல்வ நாகரத்தினத்திடம் தகவல் தெரிவித்தார். 3 பேரையும் கண்டுபிடிக்க உதவி செய்யுமாறும் கேட்டுக் கொண்டார்.

இதையடுத்து அம்மாநில போலீசார் சென்னைக்கு விரைந்து வந்தனர். நுங்கம்பாக்கம் உதவி கமி‌ஷனர் முத்துவேல் பாண்டி, ஆயிரம் விளக்கு இன்ஸ்பெக்டர் ராஜசேகர், சப்-இன்ஸ்பெக்டர் விவேக்குமார் ஆகியோர் மாணவர்கள் பயன்படுத்திய செல்போனை வைத்து இருக்கும் இடத்தை கண்டுபிடித்தனர்.

3 பேரும் ஆயிரம்விளக்கு பகுதியில் உள்ள ஒரு விடுதியில் தங்கியிருந்தனர். அவர்களை போலீசார் பத்திரமாக மீட்டு மகாராஷ்டிரா போலீசாரிடம் ஒப்படைத்தனர்.

3 பேரும் சென்னை வந்து இங்குள்ள ஓட்டலில் பணிபுரிந்தது விசாரணையில் தெரிய வந்தது.

வீட்டில் ஏற்பட்ட பிரச்சினை காரணமாக 3 பேரும் சென்னைக்கு ஓடி வந்துள்ளனர். #StudentsRescue