நீங்கள் தேடியது "சொத்து மதிப்பு"

அமேதி:

பாராளுமன்ற தேர்தலில் உத்தரபிரதேசம் மாநிலம் அமேதி தொகுதியில் காங்கிரஸ் கட்சியின் தலைவரும் , வேட்பாளருமான ராகுல் காந்தியை எதிர்த்து  பாஜக சார்பில் மத்திய மந்திரி ஸ்மிரிதி இரானி போட்டியிடுகிறார்.

இதையடுத்து வேட்பு மனு தாக்கல் செய்ய நேற்று அமேதி தொகுதியை  அடைந்த ஸ்மிரிதி இரானி, உத்தரபிரதேச மாநிலம் முதல் மந்திரி யோகி ஆதித்யநாத் உடன் ஊர்வலமாக வந்து வேட்பு மனுவை தாக்கல் செய்தார்.


இந்நிலையில் நேற்று வேட்புமனு தாக்கல் செய்தபோது சமர்ப்பிக்கப்பட்ட ஆவணங்களில்  ஸ்மிரிதி இரானி பட்டப்படிப்பை முடிக்கவில்லை எனவும், அவரது சொத்து மதிப்பு ரூ.4.71 கோடி எனவும் கூறப்பட்டுள்ளது.

இதில் ரூ.1.75 கோடி அசையும் சொத்துக்கள் ஆகும். இரானிக்கு ரூ.13.14 லட்சம் மதிப்புள்ள வாகனங்களும், ரூ.21 லட்சம் மதிப்புள்ள நகைகளும் உள்ளன. ரூ.1.45 கோடி மதிப்புள்ள விவசாய நிலம் மற்றும்  ரூ.1.50 கோடி மதிப்புள்ள தங்கியிருக்கும் வீடுஆகியவற்றுடன் சேர்த்து ரூ.2.96 கோடி அசையா சொத்துக்களும் உள்ளதாக குறிப்பிடப்பட்டுள்ளது.

ஸ்மிரிதி இரானியின் கணவர் ஜுபின் இரானியின் சொத்து மதிப்பில் ரூ.1.69கோடி அசையும் சொத்துக்கள் எனவும், ரூ.2.97கோடி அசையா சொத்துக்கள் எனவும் கூறப்பட்டுள்ளது குறிப்பிடத்தக்கது.  #LokSabhaElections2019 #SmritiIrani

ரேபரேலி:

ரேபரேலி தொகுதியில் நேற்று வேட்புமனு தாக்கல் செய்த ஐக்கிய முற்போக்கு கூட்டணி தலைவர் சோனியா காந்தி, தனது சொத்து விவரங்கள் அடங்கிய பிரமாண பத்திரத்தையும் தாக்கல் செய்துள்ளார்.

அதில், தனக்கு மொத்தம் ரூ.11 கோடியே 82 லட்சம் மதிப்புள்ள சொத்துகள் இருப்பதாக கூறியுள்ளார். இவற்றில் அசையும் சொத்துகளின் மதிப்பு ரூ.4 கோடியே 29 லட்சம். ரொக்கமாக ரூ.60 லட்சமும், வங்கியில் டெபாசிட்டாக ரூ.16 லட்சத்து 50 ஆயிரமும் இருக்கிறது. தன் மகனும், காங்கிரஸ் தலைவருமான ராகுல் காந்திக்கு கடனாக ரூ.5 லட்சம் கொடுத்துள்ளார். பா.ஜனதா எம்.பி. சுப்பிரமணிய சாமி தாக்கல் செய்த ஒரு குற்றவியல் வழக்கு, தன் மீது இருப்பதாக சோனியா காந்தி கூறியுள்ளார்.

கடந்த 2014-ம் ஆண்டு பாராளுமன்ற தேர்தலின்போது, சோனியா காந்தியின் சொத்து மதிப்பு ரூ.9 கோடியே 28 லட்சமாக இருந்தது. #SoniaGandhi #Congress

மதுரா:


அவரது கணவர் தர்மேந்திராவின் சொத்து மதிப்பையும் சேர்த்து மொத்தம் ரூ.123.85 கோடி என கூறப்பட்டுள்ளது. 2013-14ல் ஹேமமாலினியின் வருமானம் ரூ.15.93 லட்சம் என குறிப்பிட்டுள்ளார். 2017-18ல் வருமானம் ரூ.1.19 கோடி என தெரிவித்துள்ளார். #LokSabhaElections2019 #HemaMalini

தேனி:

தேனி பாராளுமன்ற தொகுதி காங்கிரஸ் வேட்பாளர் ஈ.வி.கே.எஸ்.இளங்கோவன் வேட்பு மனுவோடு தனது சொத்து விவரங்களையும் தாக்கல் செய்தார். அதன் விவரம் வருமாறு:-

தனக்கு அசையும் சொத்துக்களாக ரூ.2 கோடியே 33 லட்சத்து 26 ஆயிரத்து 360-ம், அசையாத சொத்துக்களாக ரூ.13 கோடியே 25 லட்சம் என மொத்தம் ரூ.15 கோடியே 58 லட்சத்து 26 ஆயிரத்து 360 மதிப்பில் சொத்துக்கள் இருப்பதாக கூறியுள்ளார்.

அசையும் சொத்துக்களில் ரூ.24 லட்சத்து 33 ஆயிரத்து 325 மதிப்பில் ஒரு கார் இருப்பதாகவும், கையிருப்பில் ரொக்கமாக ரூ.7 லட்சத்து 46 ஆயிரத்து 661 இருப்பதாகவும் கூறியுள்ளார். அசையாத சொத்துக்களில், ரூ.10 கோடி மதிப்பில் பூர்வீக சொத்துக்களும், ரூ.3 கோடியே 25 லட்சம் மதிப்பில் சுயமாக வாங்கிய சொத்துக்கள் உள்ளதாகவும் கூறியுள்ளார். அத்துடன் அவர், அரசுக்கு செலுத்த வேண்டிய பாக்கித் தொகையாக ரூ.64 லட்சத்து 27 ஆயிரத்து 457 உள்ளதாக கூறியுள்ளார். அதற்கு, வருமான வரி நிலுவை சர்ச்சையில் உள்ளதால் மேல்முறையீடு செய்யப்பட்டு உள்ளதாக விளக்கமும் அளித்துள்ளார்.

அதேபோல், அவர் தனது மனைவி பெயரில் ரூ.39 லட்சத்து 49 ஆயிரத்து 618 மதிப்பில் அசையும் சொத்துக்களும், ரூ.4 கோடியே 13 லட்சம் மதிப்பில் அசையா சொத்துக்களும், கூட்டுக் குடும்ப பெயரில் ரூ.21 லட்சத்து 65 ஆயிரத்து 294 மதிப்பில் அசையும் சொத்துக்களும், ரூ.3 கோடியே 30 லட்சம் மதிப்பில் அசையா சொத்துக்களும் இருப்பதாக குறிப்பிட்டுள்ளார். #LokSabhaElections2019 #Elangovan

தூத்துக்குடி:

தூத்துக்குடி பாராளுமன்ற தொகுதியில் தி.மு.க. வேட்பாளராக கனிமொழி எம்.பி.யும், பா.ஜனதா வேட்பாளராக தமிழிசை சவுந்தரராஜனும் போட்டியிடுகிறார்கள். இவர்கள் தங்கள் வேட்பு மனுக்களை தொகுதி தேர்தல் அலுவலரான கலெக்டர் சந்தீப் நந்தூரியிடம் தாக்கல் செய்தனர். வேட்பு மனுக்களில் தமிழிசை சவுந்தரராஜன், கனிமொழி ஆகியோர் தங்களது சொத்து விவரங்களை வேட்பு மனுவில் குறிப்பிட்டுள்ளனர்.

பா.ஜனதா வேட்பாளர் தமிழிசை சவுந்தரராஜன் தாக்கல் செய்துள்ள சொத்து பட்டியலில் தனக்கு ரூ. 1 கோடியே 50 லட்சத்து 7 ஆயிரத்து 600 மதிப்பில் அசையும் சொத்துகளும், ரூ. 50 லட்சம் மதிப்பில் அசையா சொத்துகளும் உள்ளதாகவும், தனது கணவர் சவுந்தரராஜன் பெயரில் ரூ. 2 கோடியே 11 லட்சத்து 50 ஆயிரம் மதிப்பிலான அசையும் சொத்துகள் இருப்பதாகவும், தனக்கு வங்கியில் ரூ. 1 லட்சத்து 87 ஆயிரம் கடன் இருப்பதாகவும், தன் மீது குற்ற வழக்குகள் ஏதும் இல்லை எனவும் குறிப்பிட்டுள்ளார்.

தி.மு.க. வேட்பாளர் கனிமொழி தாக்கல் செய்த சொத்து பட்டியலில் தனக்கு, ரூ. 21 கோடியே 16 லட்சத்து 57 ஆயிரத்து 370 மதிப்பில் அசையும் சொத்துகளும், ரூ. 8 கோடியே 92 லட்சத்து 20 ஆயிரத்து 200 மதிப்பிலான அசையா சொத்துகளும் உள்ளன.

வங்கிகளில் ரூ. 1 கோடியே 92 லட்சத்து 90 ஆயிரத்து 928 கடன் இருப்பதாகவும், தனது தாய் ராஜாத்தி பெயரில் ரூ.1 கோடியே 27 லட்சத்து 48 ஆயிரத்து 413 மதிப்பிலான சொத்து இருப்பதாகவும், தன் மீதான 6 குற்றவியல் வழக்குகளில் இரண்டு வழக்குகள் முடிந்துவிட்டதாகவும், 4 வழக்குகள் நிலுவையில் உள்ளதாகவும் குறிப்பிட்டுள்ளார். #LokSabhaElections2019 #BJP #DMK

ஐதராபாத்:

தெலுங்கானா சட்டசபைக்கு புதிதாக தேர்ந்தெடுக்கப்பட்ட 119 எம்.எல்.ஏ.க்களில் 73 பேர் குற்ற வழக்குகளை சந்தித்து வருவது தெரிய வந்துள்ளது. அவர்கள் தாக்கல் செய்த பிரமாண பத்திரங்களை ஆய்வு செய்த டெல்லியை சேர்ந்த ஜனநாயக சீர்திருத்த சிந்தனை சங்கம் இத்தகவலை தெரிவித்துள்ளது.

இவர்களில், 47 பேர், கொலை முயற்சி, பெண்களுக்கு எதிரான குற்றம் போன்ற கடுமையான குற்ற வழக்குகளை சந்தித்து வருகின்றனர். குற்ற வழக்குகளை சந்திப்பவர்களில் அதிகம்பேர் (50 பேர்) தெலுங்கானா ராஷ்டிர சமிதியை சேர்ந்தவர்கள் ஆவர். கடந்த சட்டசபையில் இடம்பெற்ற ஒரு எம்.எல்.ஏ.வின் சராசரி சொத்து மதிப்பு ரூ.7 கோடியே 70 லட்சமாக இருந்தது.

ஆனால், நடப்பு சட்டசபையில் இடம்பெறும் எம்.எல்.ஏ.வின் சராசரி சொத்து மதிப்பு 2 மடங்காக உயர்ந்து, ரூ.15 கோடியே 71 லட்சமாக உள்ளது. காங்கிரசை சேர்ந்த ராஜ்கோபால் ரெட்டி ரூ.314 கோடி சொத்துகளுடன் முதலிடத்தில் இருக்கிறார். #Telangana #MLA #CriminalRecord

ஐதராபாத்:

ஆந்திர முதல்-மந்திரியும், தெலுங்கு தேச கட்சி தலைவருமான சந்திரபாபு நாயுடு கடந்த 8 வருடங்களாக ஆண்டு தோறும் சொத்து விவரங்களை வெளியிட்டு வருகிறார்.

இந்த நிலையில் சந்திர பாபுநாயுடு மற்றும் அவரது குடும்பத்தினருக்கான சொத்து விவரங்கள் வெளியிடப்பட்டுள்ளது. அவரது மகனும், ஆந்திர மந்திரியுமான நரா லோகேஷ் விஜயவாடாவில் நிருபர்கள் சந்திப்பில் இதை வெளியிட்டார்.

சந்திரபாபு நாயுடுவின் குடும்பத்தினருக்கு ரூ.81.83 கோடி சொத்து இருக்கிறது. இது கடந்த ஆண்டை விட ரூ.12.55 கோடி அதிகமாகும், கடந்த ஆண்டு சொத்து மதிப்பு ரூ.69.28 கோடியாக இருந்தது.

சந்திரபாபு நாயுடுவை விட அவரது 3 வயது பேரனுக்கு அதிகமான சொத்து இருப்பதாக தெரிவிக்கப்பட்டுள்ளது.

ஆனால் அவரது 3 வயது பேரனான நரா தேவனேஷ் பெயரில் ரூ.18.71 கோடி சொத்து இருப்பதாக அறிவிக்கப்பட்டுள்ளது. அதாவது சந்திரபாபுநாயுடுவை விட அவரது பேரனுக்கு ரூ.15 கோடி அதிகமாக சொத்து இருப்பது தெரிவிக்கப்பட்டுள்ளது.

சந்திரபாபு நாயுடுவுக்கு கடந்த ஆண்டை விட தற்போது ரூ.46 லட்சம் அதிகரித்துள்ளது. கடந்த ஆண்டு ரூ.2.53 கோடியாக சொத்து மதிப்பு இருந்தது.

சந்திரபாபுநாயுடுவின் மனைவி புவனேஸ்வரிக்கு மொத்தம் ரூ.22.25 கோடி கடன் இருப்பதாக தெரிவிக்கப்பட்டுள்ளது. அவருக்கான நிகர சொத்து மதிப்பு ரூ.31.01 கோடியாகும். கடந்த ஆண்டு புவனேஸ்வரியின் சொத்து மதிப்பு ரூ.25.41 கோடியாக இருந்தது.

சந்திரபாபு நாயுடுவின் மகனும், ஆந்திர தகவல் தொழில் நுட்ப மந்திரியுமான லோகேசுக்கு கடந்த ஆண்டு ரூ.15.21 கோடி சொத்து இருந்தது. தற்போது இது ரூ.21.40 கோடியாக அதிகரித்துள்ளது.

சந்திரபாபு நாயுடுவின் மருமகளும், லோகேசின் மனைவியுமான பிராமினிக்கு ரூ.7.72 கோடி சொத்து உள்ளது. ஆனால் அவரது சொத்து மதிப்பு கடந்த ஆண்டில் இருந்து பாதியாக குறைந்துள்ளது. கடந்த ஆண்டு ரூ.15.01 கோடியாக சொத்து இருந்தது.

கடந்த ஆண்டு பிராமினியின் கடன் ரூ.36.14 கோடியாக இருந்தது. ஆனால் தற்போது அந்த கடன் ரூ.5.66 கோடியாக குறைந்துள்ளது. #ChandrababuNaidu

நகரி:

தெலுங்கானா மாநில சட்டசபை தேர்தல் வருகிற டிசம்பர் 7-ந்தேதி நடக்கிறது.

இதில் ஆட்சியை மீண்டும் தக்க வைக்க சந்திரசேகர ராவ் தலைமையிலான தெலுங்கானா ராஷ்டீரிய சமிதி கட்சி தீவிரமாக உள்ளது.

முதல்-மந்திரி சந்திரசேகர ராவ் கெஜ்லால் தொகுதியில் போட்டியிடுகிறார். அவர் நேற்று தனது வேட்புமனுவை தாக்கல் செய்தார். இதில் சந்திரசேகரராவ் தனது சொத்து கணக்குகளை தெரிவித்து உள்ளார்.

அவருக்கு ரூ.22 கோடி மதிப்புள்ள சொத்துக்கள் உள்ளன. தான் விவசாய தொழில் செய்து வருவதாகவும், ஆண்டு வருமானம் ரூ.31.5 லட்சம் என்றும் குறிப்பிட்டுள்ளார்.

விவசாய தொழிலில் ரூ.3.2 கோடியை முதலீடு செய்து உள்ளதாகவும், பண்ணை வீடுகள் மதிப்பு ரூ.6.5 கோடி என்றும் தெரிவித்துள்ளார். ரொக்கமாக ரூ.1.3 கோடி இருப்பதாக கூறி உள்ளார்.

மேலும் அவர் தனியார் கம்பெனிகளிலும் முதலீடு செய்துள்ளார்.

சந்திரசேகரராவ் தனக்கு சொந்தமாக கார் இல்லை என்று வேட்புமனுவில் குறிப்பிட்டுள்ளார். அவரது கட்சியின் சின்னம் கார் என்பது குறிப்பிடத்தக்கது. ஆனால் சந்திரசேகரராவுக்கு சொந்தமாக கார் இல்லை என்பது சுவாரசியமாக பார்க்கப்படுகிறது.

அவரிடம் கார் இல்லாமல் இருந்தாலும் அவரது பாதுகாப்புக்காக அரசு சார்பில் சொகுசு கார்கள் அளிக்கப்பட்டுள்ளன.

சந்திரசேகரராவ் ரூ.2.4 லட்சத்துக்கு நகைகள் வைத்துள்ளார். அவரது மனைவிக்கு ரூ.96 லட்சம் மதிப்பில் நகை இருக்கிறது. அவரது மகன் கே.டி.ராமராவ் ரூ.84 லட்சமும், மருமகள் ‌ஷலிமா ரூ.24 லட்சமும் ரொக்கம் வைத்துள்ளனர்.

கடந்த 2014-ம் ஆண்டு தேர்தலில் வேட்புமனுவை தாக்கல் செய்த சந்திரசேகர ராவ் ரூ.15 கோடி சொத்து இருப்பதாக தெரிவித்து இருந்தார். தற்போது 4 வருடத்தில் அவரது சொத்து மதிப்பு ரூ.7 கோடி உயர்ந்துள்ளது.

இதேபோல் 2014-ம் ஆண்டு 37 ஏக்கர் நிலம் இருந்ததாக தெரிவித்து இருந்தார். தற்போது 54 ஏக்கர் விவசாய நிலம் வைத்திருக்கிறார். #ChandrasekharRao

பெங்களூர்:


சட்டசபை தேர்தலில் குமாரசாமி 2 தொகுதியில் போட்டியிட்டு இரண்டிலும் வெற்றிபெற்றார். இதில் ராமநகர் தொகுதி எம்.எல்.ஏ. பதவியை ராஜினாமா செய்தார்.

இதை தொடர்ந்து ராமநகர்  மற்றும் ஜாம்கண்டி ஆகிய 2 சட்டசபை தொகுதிகளுக்கும் நவம்பர் 3-ந்தேதி இடைத்தேர்தல் நடக்கிறது. காங்கிரஸ் எம்.எல்.ஏ. நியமகவுடா விபத்தில் இறந்ததால் ஜாம்கண்டி தொகுதியில் தேர்தல் நடைபெறுகிறது.

இதில் ராமநகர் தொகுதியில் முதல்-மந்திரி குமாரசாமியின் மனைவி அனிதா மதசார்பற்ற ஜனதா தளம் சார்பில் போட்டியிடுகிறார்.

அனிதா நேற்று வேட்பு மனு தாக்கல் செய்தார். அதில் அவரது சொத்து மதிப்பு குறிப்பிட்டு இருந்தது. 55 வயதான அனிதாவுக்கு ரூ.94 கோடி மதிப்பிலான சொத்துக்கள் இருப்பதாக தெரிவிக்கப்பட்டுள்ளது. இதில் ரூ.7.88 கோடி மதிப்புள்ள சொத்து கணவருக்கு சொந்தமானது.

காங்கிரஸ் ஆதரவுடன் அனிதா களத்தில் நிற்கிறார். அவரை எதிர்த்து பா.ஜனதா சார்பில் சந்திரசேகர் போட்டியிடுகிறார்.

அனிதா 2008-ம் ஆண்டு நடந்த தேர்தலில் மதுசிரி தொகுதியில் போடியிட்டு வெற்றிபெற்றார். 2012-ல் சன்னபட்னா தொகுதியில் போட்டியிட்டு தோல்வியடைந்தார் என்பது குறிப்பிடத்தக்கது. #AnithaKumaraswamy #Assets