என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "தக்காளி விலை வீழ்ச்சி"
வடமதுரை:
திண்டுக்கல் அருகே அய்யலூரில் தக்காளிக்கென தனி சந்தை உள்ளது. சுற்றுவட்டார பகுதிகளான வடமதுரை, மோர்பட்டி, தங்கமாபட்டி மற்றும் மலை கிராமங்களில் இருந்தும் விளைவிக்கப்படும் தக்காளி உள்ளிட்ட காய்கறிகளை இங்கு கொண்டு வருகின்றனர்.
திருச்சி, மணப்பாறை, புதுக்கோட்டை, கும்பகோணம், தஞ்சாவூர் உள்ளிட்ட பகுதிகளில் இருந்து வியாபாரிகள் வந்து தக்காளிகளை கொள்முதல் செய்கின்றனர்.
கடந்த 4 ஆண்டுகளாகவே திண்டுக்கல் மாவட்டத்தில் போதிய அளவு மழை பொழிவு இல்லை. இந்த ஆண்டும் பிற பகுதிகளில் மழை பெய்தபோதும் அய்யலூர், வடமதுரை பகுதியில் மழை ஏமாற்றி சென்றது.
இதனால் தக்காளி சாகுபடி செய்யும் பரப்பளவு குறைந்துள்ளது. எனவே சந்தைக்கும் குறைந்த அளவு தக்காளிகளே வந்திருந்தன. மேலும் விலையும் வீழ்ச்சி அடைந்துள்ளதால் விவசாயிகள் கவலையில் உள்ளனர். பறிப்பு கூலிக்குகூட விலை கட்டுபடியாகவில்லை என அவர்கள் வேதனையுடன் தெரிவித்தனர்.
பலர் தக்காளிகளை பறிக்காமல் செடியிலேயே விட்டு உள்ளனர். மேலும் கால் நடைகளுக்கு தீவணமாகவும் பயன்படுத்துகின்றனர்.
ஆண்டிப்பட்டி:
ஆண்டிப்பட்டி மற்றும் அதன் சுற்றுவட்டார பகுதிகளான அரப்படி தேவன்பட்டி, குன்னூர், ராஜாதானி, பால கோம்பை, அணைக்காரப் பட்டி, புள்ளிமான்கோம்பை, ஏத்தக்கோவில் உள்ளிட்ட கிராமங்களில் ஏராளமான ஏக்கர் பரப்பளவில் விவசாயிகள் தக்காளி பயிரிட்டு வருகின்றனர்.
இந்த தக்காளிகளை ஆண்டிப்பட்டியில் உள்ள மார்க்கெட்டுக்கு கொண்டு வந்து தினந்தோறும் ஏலம் மூலம் வியாபாரிகளுக்கு விற்பனை செய்து வருகின்றனர்.
ஆண்டிப்பட்டி மார்க் கெட்டில் இருந்து திருச்சி, கும்பகோணம், மதுரை, நெல்லை, சென்னை, கேரளா உள்ளிட்ட பகுதிகளுக்கு தக்காளி மற்றும் காய்கறிகள் அனுப்பி வைக்கப்படுகின்றன. கடந்த சில நாட்களுக்கு முன்பு 1 கிலோ தக்காளி ரூ.15 முதல் ரூ.20 வரை விற்பனையானது. தற்போது தக்காளி வரத்து அதிகரித்துள்ளது.
இதனால் விலை கடுமையாக வீழ்ச்சி அடைந்துள்ளது. 15 கிலோ கொண்ட பெட்டி ரூ.50-க்கும், ஒரு கிலோ ரூ.5 வரை விற்பனையாகிறது. இதனால் செடியில் இருந்து பறிக்கும் கூலிகூட கிடைக்க வில்லை.
எனவே விவசாயிகள் பலர் ஆடு, மாடுகளுக்கு தீவனமாக பயன்படுத்தி வருகின்றனர். ஒரு சிலர் தக்காளிகளை பறிக்காமல் செடியிலேயே விட்டு விடுகின்றனர். வெளியூர் பகுதிகளில் இருந்து அதிக அளவு தக்காளி வரத்து உள்ளதால் விலை வீழ்ச்சி அடைந்துள்ளது. எனவே தக்காளி பயிரிட்டுள்ள உள்ளூர் விவசாயிகள் கவலையில் உள்ளனர்.
திண்டுக்கல் அருகில் உள்ள வடமதுரை, கொம்பேரிபட்டி, புத்தூர், பஞ்சந்தாங்கி, சுக்காம்பட்டி, சீலக்காத்திநாயக்கனூர் உள்ளிட்ட பல்வேறு கிராமங்களில் ஹைபிரிட் வகை தக்காளி சாகுபடி செய்யப்படுகிறது.
எப்போதும் ஆடி மாதம் முடிந்தபிறகு முகூர்த்த நாட்கள் அதிகரிக்கும் என்பதால் அதிக விலை கிடைக்கும். அதனை நம்பி ஏராளமான விவசாயிகள் தக்காளி சாகுபடி செய்திருந்தனர்.
ஆனால் அய்யலூர் சந்தையில் ஒரு கிலோ ரூ.10 விலைக்கே வியாபாரிகளால் கொள்முதல் செய்யப்படுகிறது. மேலும் வெளி மாவட்டங்களில் இருந்து தக்காளி வந்துள்ளதால் உள்ளூர் விவசாயிகள் கொண்டு வந்த தக்காளிக்கு விலை கிடைக்காத நிலை ஏற்பட்டது.
கடந்த வருடத்தில் தக்காளி பற்றாக்குறை ஏற்பட்டு ஒட்டன்சத்திரம் மார்க்கெட்டுக்கு அனுப்பி வைக்கப்பட்டது. ஆனால் இந்த வருடம் விவசாயிகள் தாங்கள் செலவு செய்த பணம், பறிப்பு கூலி, சந்தைக்கு கொண்டு வரும் செலவு போன்ற தொகை கூட கிடைக்க விலை என வேதனையுடன் தெரிவித்தனர்.
ஒட்டன்சத்திரம், புதுச்சத்திரம், அம்பிளிக்கை, கீரனூர் மற்றும் சுற்று வட்டார கிராமங்களில் விவசாயிகள் ஏராளமான ஏக்கர் பரப்பளவில் தக்காளி சாகுபடி செய்து வருகின்றனர்.
இந்த தக்காளிகளை ஒட்டன்சத்திரம் மார்க்கெட்டுக்கு கொண்டு வந்து இங்கிருந்து வெளியூர்களுக்கும் கேரளா உள்பட வெளி மாநிலங்களுக்கும் ஏற்றுமதி செய்து வருகின்றனர். கடந்த சில நாட்களாக தக்காளி வரத்து அதிகரித்து வருகிறது.
கேரளாவில் நேற்று வேலை நிறுத்த போராட்டத்தால் வியாபாரிகள் யாரும் வரவில்லை. இதனால் அதிக அளவு தக்காளி தேக்கமடைந்துள்ளது. கடந்த வாரம் 14 கிலோ கொண்ட பெட்டி தக்காளி ரூ.240 வரை வியாபாரிகளால் கொள்முதல் செய்யப்பட்டது.
ஆனால் தற்போது ரூ.100 முதல் ரூ.130 வரையே விலை கேட்கப்படுகிறது. ஒரு கிலோ தக்காளி ரூ.9-க்கு விற்பனை செய்யப்படுகிறது. இதனால் விவசாயிகள் விரக்தியடைந்துள்ளனர்.
எடுப்பு கூலிக்கு கூட பணம் கிடைக்காததால் பலர் தக்காளிகளை பறிக்காமல் செடியிலேயே விட்டுள்ளனர். தக்காளி விலை மேலும் குறையக்கூடும் என்பதால் வியாபாரிகள் செய்வது அறியாமல் உள்ளனர்.
சின்ன வெங்காயமும் விலை குறைந்து ஒரு கிலோ ரூ.40-க்கு விற்பனை செய்யப்படுகிறது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
