நீங்கள் தேடியது "நீர் வரத்து"

கூடலூர்:

தேனி மாவட்டம் மற்றும் முல்லைப் பெரியாறு அணை நீர் பிடிப்பு பகுதியில் இந்த ஆண்டு வறட்சியின் தாக்கம் அதிக அளவில் உள்ளது. அவ்வப்போது மழை பெய்த போதும் வெயிலின் தாக்கம் அதிகரித்துள்ளதால் அணைகளின் நீர் மட்டம் உயராமலேயே உள்ளது. வழக்கமாக ஜூன் முதல் வாரத்தில் பாசனத்துக்காக தண்ணீர் திறந்து விடப்படும். இந்த ஆண்டு கோடை மழை ஏமாற்றுவதால் குறித்த நேரத்தில் தண்ணீர் திறக்கப்படுமா? என சந்தேகம் எழுந்துள்ளது.

இநத நிலையில் நீர் பிடிப்பு பகுதியில் மழை பெய்ததால் முல்லைப் பெரியாறு அணைக்கு நீர் வரத்து ஏற்பட்டுள்ளது. நேற்று வரை நீர் வரத்து இல்லாத நிலையில் இன்று 288 கன அடி நீர் வருகிறது. அணையின் நீர் மட்டம் 112.40 அடியாக உள்ளது. அணையில் இருந்து 100 கன அடி நீர் திறக்கப்படுகிறது

வைகை அணையின் நீர் மட்டம் 37.17 அடியாக உள்ளது. வரத்து இல்லை. மதுரை மாநகர குடிநீருக்காக 60 கன அடி நீர் திறக்கப்படுகிறது. மஞ்சளாறு அணையின் நீர் மட்டம் 36.30 அடியாக உள்ளது. வரத்தும் திறப்பும் இல்லை. சோத்துப்பாறை அணையின் நீர் மட்டம் 95.44 அடியாக உள்ளது. வரத்து இல்லாத நிலையில் 3 கன அடி நீர் திறக்கப்டுகிறது. பெரியாறு 30.8, தேக்கடி 12.6, உத்தமபாளையம் 4.6 மி.மீ மழை அளவு பதிவாகியுள்ளது.

கூடலூர்:

தமிழகத்தில் சுட்டெரித்து வந்த கோடை வெயிலால் மக்கள் பெரிதும் சிரமத்துக்கு ஆளாகி வந்தனர். சித்திரை மாதம் பிறந்த பிறகு வெயிலின் தாக்கம் மேலும் அதிகரித்த காரணத்தால் மழை வருமா? என்று ஏங்கித் தவித்தனர்.

பகலில் வெளியில் நடமாட முடியாத நிலையில் தவித்த மக்களுக்கு இரவு நேரங்களில் வீசிய அதிவேக காற்று மட்டுமே ஆறுதலாக இருந்தது. இந்நிலையில் தேனி மாவட்டத்தில் பல பகுதிகளிலும் முல்லைப் பெரியாறு அணையின் நீர் பிடிப்பு பகுதியிலும் பெய்த மழையினால் பொதுமக்கள் மற்றும் விவசாயிகள் பெரிதும் மகிழ்ச்சியடைந்தனர்.

முல்லைப் பெரியாறு அணையின் நீர் மட்டம் 112.10 அடியாக உள்ளது. நீர் வரத்து இல்லாமல் இருந்த அணையில் தற்போது 100 கன அடி வரை தண்ணீர் வருகிறது. இந்த தண்ணீர் முழுவதும் வெளியேற்றப்படுகிறது. நீர் இருப்பு 1,247 மில்லியன் கன அடியாக உள்ளது.

வைகை அணையின் நீர் மட்டம் 38.48 அடி. வரத்து இல்லாத நிலையில் மதுரை மாநகர குடிநீருக்காக 60 கன அடி தண்ணீர் திறக்கப்படுகிறது. மஞ்சளாறு அணையின் நீர் மட்டம் 33.55 அடி. வரத்து 24 கன அடி. சோத்துப்பாறை அணை நீர் மட்டம் 84.42 அடி வரத்து 9 கன அடி. திறப்பு 3 கன அடி.

தேக்கடி 7.6, கூடலூர் 10.6, சண்முகாநதி அணை 17, உத்தமபாளையம் 15.4, வீரபாண்டி 32, வைகை அணை 7.2, மஞ்சளாறு 58, சோத்துப்பாறை 11, கொடைக்கானல் 62.8 மி.மீ மழை அளவு பதிவாகியுள்ளது

கோடை மழை தொடங்கியதால் கடந்த ஒரு மாதத்துக்கும் மேலாக நீடித்து வந்த வெப்பத்தின் தாக்கம் அடியோடு குறைந்து இதமான சூழல் நிலவி வருகிறது. மேலும் சில நாட்கள் மழை நீடிக்கும் என எதிர்பார்க்கப்படுவதால் விவசாயிகள் மற்றும் பொதுமக்கள் மகிழ்ச்சியடைந்துள்ளனர்.

மேட்டூர்:

காவிரி நீர்பிடிப்பு பகுதிகளில் தொடர்ந்து மழை பெய்து வருவதால் மேட்டூர் அணைக்கு கடந்த 6 மாதங்களாக தண்ணீர் வந்து கொண்டிருக்கிறது.

நேற்று 4 ஆயிரத்து 782 கன அடியாக இருந்த நீர்வரத்து இன்று மேலும் அதிகரித்து 5 ஆயிரத்து 172 கன அடியாக வந்து கொண்டிருக்கிறது.

அணையில் இருந்து காவிரி ஆற்றில் 1000 கன அடி தண்ணீரும், கால்வாயில் 650 கன அடி தண்ணீரும் திறந்து விடப்பட்டு வந்தது. இன்று காலை முதல் கால்வாய் பாசனத்திற்கு தண்ணீர் திறப்பு 300 கன அடியாக குறைக்கப்பட்டது.

டெல்டா பாசனத்திற்கு காவிரி ஆற்றில் தொடர்ந்து 1000 கன அடி தண்ணீர் திறந்து விடப்பட்டு வருகிறது. அணைக்கு வரும் தண்ணீரை விட அணையில் இருந்து குறைந்த அளவே தண்ணீர் திறந்து விடப்படுவதால் அணையின் நீர்மட்டம் உயர்ந்து வருகிறது.

நேற்று 100.96 அடியாக இருந்த மேட்டூர் அணையின் நீர்மட்டம் இன்று மேலும் உயர்ந்து 101.2 அடியாக உயர்ந்தது. இனி வரும் நாட்களில் நீர்வரத்து அதிகரிக்கும் பட்சத்தில் மேட்டூர் அணை நீர்மட்டம் மேலும் உயர வாய்ப்புள்ளது. #MetturDam