நீங்கள் தேடியது "புதிய பாலம்"

தர்மபுரி:

தர்மபுரி மாவட்டம் பாப்பிரெட்டிப்பட்டி தாலுகா ஏ.பள்ளிப்பட்டியில் ஊரக உட்கட்டமைப்பு திட்டத்தின் கீழ் ரூ.2 கோடி மதிப்பில் புதிய பாலம் கட்டப்பட்டுள்ளது. இந்த புதிய பாலத்தை சென்னை தலைமை செயலகத்தில் நடைபெற்ற விழாவில் தமிழக முதல்-அமைச்சர் எடப்பாடி பழனிசாமி காணொலி காட்சி மூலம் திறந்து வைத்தார்.

இதைதொடர்ந்து தர்மபுரி கலெக்டர் மலர்விழி ஏ.பள்ளிப்பட்டியில் புதிய பாலத்தை பார்வையிட்டு பொதுமக்களுக்கு இனிப்பு வழங்கினார். இந்த நிகழ்ச்சியில் நபார்டு மற்றும் கிராமசாலைகள் கோட்ட பொறியாளர் செல்வநம்பி, உதவி கோட்ட பொறியாளர் சுரேஷ்குமார், குருபிரகாஷ் மற்றும் அரசு அலுவலர்கள் கூட்டுறவு சங்க தலைவர்கள், பொதுமக்கள் கலந்து கொண்டனர்.

பாலக்கோடு தாலுகா கரகதஅள்ளி கிராமத்தில் ரூ.68.78 லட்சம் மதிப்பில் தீயணைப்பு மற்றும் மீட்பு பணிகள் நிலையத்திற்கு புதிய கட்டிடம் கட்டப்பட்டுள்ளது. இந்த புதிய கட்டிடத்தினை சென்னை தலைமை செயலகத்தில் நடைபெற்ற விழாவில் முதல்-அமைச்சர் எடப்பாடி பழனிசாமி காணொலிகாட்சி மூலம் திறந்து வைத்தார்.

இதையடுத்து மாவட்ட கலெக்டர் மலர்விழி புதிய தீயணைப்பு நிலைய கட்டிடத்தில் குத்துவிளக்கேற்றி பொதுமக்களுக்கு இனிப்பு வழங்கினார். நிகழ்ச்சியில் மாவட்ட தீயணைப்பு அலுவலர் ஆனந்த், முன்னாள் மாவட்ட ஊராட்சிக்குழு தலைவர் தொ.மு.நாகராஜன், முன்னாள் ஒன்றியக்குழு தலைவர் கோபால், முன்னாள் பேரூராட்சி துணைத்தலைவர் சங்கர், கூட்டுறவு சங்க தலைவர் கோவிந்தசாமி மற்றும் தீயணைப்புத்துறை அலுவலர்கள், கூட்டுறவு சங்க நிர்வாகிகள் கலந்து கொண்டனர். 

திருச்சி:

முக்கொம்பு அணையில் இருந்து 2 லட்சம் கனஅடி வரை தண்ணீர் திறக்கப்பட்டுள்ளதால் காவிரி மற்றும் கொள்ளிடத்தில் வெள்ளம் கரை புரண்டு ஓடுகிறது.

கொள்ளிடம் ஆற்றில் 1 லட்சத்து 47 ஆயிரம் கனஅடி தண்ணீர் திறக்கப்பட்டு சீறிப்பாய்ந்து செல்கிறது. வெள்ளம் ஏற்படுத்திய மண் அரிப்பால் கொள்ளிடம் பழைய பாலத்தின் 18-வது தூண் உடைந்து ஆற்றுக்குள் மூழ்க தொடங்கியது. நள்ளிரவு பாலத்தின் தூண் மேலும் ஆற்றுக்குள் சரிந்தது.


தொடர்ந்து அதிகாரிகளுடன் காவிரி, கொள்ளிட கரையோரம் உள்ள முக்கியமான இடங்களுக்கு சென்று நிலைமைகளை பார்வையிட்டார். இதற்கிடையே மேட்டூருக்கு நீர்வரத்து அதிகரித்திருப்பதால் மேலும் 50 ஆயிரம் கன அடி நீர் இன்று இரவு திறந்து விடப்படும் என கூறப்படுகிறது.

அந்த நீர் முழுவதையும் முக்கொம்புவில் இருந்து கொள்ளிடம் ஆற்றில் திறந்து விட நடவடிக்கை எடுக்கப்பட்டுள்ளது. இதனால் நாளை கொள்ளிடத்தில் மட்டும் 2 லட்சம் கனஅடி நீருக்கு மேலாக சீறிப்பாயும். அப்போது பழைய கொள்ளிடம் பாலம் மேலும் பாதிப்படையலாம் என கூறப்படுகிறது.

இதற்கிடையே புதுக்கோட்டை மாவட்டத்தில் இருந்து தலா 15 பேர் கொண்ட 2 பேரிடர் மீட்புக் குழுவினர் திருச்சிக்கு நேற்று வந்தனர். அவர்கள் தயார் நிலையில் வைக்கப்பட்டுள்ளார்கள். திருச்சி, முசிறி, திருப்பராய்த்துறை உள்ளிட்ட சில இடங்களில் கரையோர பகுதி வீடுகள், குடிசைகளில் வெள்ளம் புகுந்ததால் மக்கள் அச்சத்தில் வெளியேறி விட்டனர்.

மேலும் 50 ஆயிரம் கன அடிநீர் திறக்கப்படவுள்ளதால் கரையோர பகுதி மக்கள் என்ன ஆகும் என கவலையில் உள்ளனர்.

இது குறித்து திருச்சி மாவட்ட கலெக்டர் ராசாமணியிடம் கேட்டபோது அவர் கூறியதாவது :-

திருச்சி மாவட்டத்தில் வெள்ள எச்சரிக்கை நடவடிக்கை தீவிரமாக எடுக்கப்பட்டுள்ளது. இதுவரை எந்த பாதிப்பும் இல்லை. இன்று 50 ஆயிரம் கனஅடி நீர் கூடுதலாக திறக்கப்பட்டாலும் எந்த ஆபத்தும் ஏற்படாமல் கொள்ளிடத்தில் திறந்து விடப்படும்.

திருச்சி மாவட்ட வருவாய்த் துறை, பொதுப்பணித்துறை, ஊரக வளர்ச்சித்துறை, தீயணைப்புத்துறை, வட்டார வளர்ச்சி, அலுவலர்கள், போலீசார், மாநகராட்சி என அனைத்து துறைகளும் இணைந்து வெள்ளப்பாதிப்பு தடுப்பு நடவடிக்கைகளில் 24 மணி நேரமும் ஈடுபட்டுள்ளார்கள்.

இதுதவிர பேரிடர் மீட்புக் குழுவும் வந்துள்ளது. மின் மோட்டாருடன் உள்ள நவீன போட்டுகளுடன், 10-க்கும் மேற்பட்ட போட்டுகள் தயார் நிலையில் வைக்கப்பட்டுள்ளன. நேற்று இரவு கீதா புரம், காக்காதோப்பு, பஞ்சக்கரை உள்ளிட்ட பல பகுதிகளுக்கு சென்று அதிகாரிகள் நிலைமையை கண்காணித்தனர். நான் நள்ளிரவில் கொள்ளிடம் பழைய பாலத்தை அதிகாரிகளுடன் சென்று பார்வையிட்டேன். இடிந்த தூண் பகுதி கூடுதலாக ஆற்றுக்குள் சரிந்துள்ளது.

பழைய பாலம் பகுதி இடிந்து விழுந்தாலும் புதிய பாலத்திற்கு இதனால் எந்த பாதிப்பும் இல்லை. இது குறித்து தொழில்நுட்ப வல்லுனர்களுடன் ஆலோசிக்கப்பட்டு நடவடிக்கை எடுக்கப்பட்டுள்ளது. கூடுதலாக 50 ஆயிரம் கனஅடி நீர் வரும் போது கொள்ளிட கரையோர மக்கள் பாதுகாப்பாக இருக்க வேண்டும்.

திருச்சி மாவட்டத்தில் வெள்ளத்தால் எந்த பாதிப்பும் ஏற்படாத வகையில் அனைத்து நடவடிக்கைகளும் எடுக்கப்பட்டுள்ளது.

இவ்வாறு அவர் கூறினார்.  #Kollidamriver

பெரோஸ்பூர்:

பஞ்சாப்பின் பெரோஸ்பூர் மாவட்டத்தில் பாகிஸ்தான் எல்லையையொட்டி உசைனிவாலா கிராமம் உள்ளது. சட்லஜ் நதிக்கு அந்த கரையில் அமைந்திருக்கும் இந்த பகுதியை, நாட்டின் பிற பகுதிகளுடன் இணைக்கும் வகையில் நதியின் குறுக்கே பாலம் ஒன்று கட்டப்பட்டு இருந்தது.

கடந்த 1971-ம் ஆண்டு இந்தியா-பாகிஸ்தான் இடையே போர் நடந்தபோது, எதிரி நாட்டுப்படைகள் முன்னேறாமல் இருப்பதற்காக இந்த பாலம் தகர்க்கப்பட்டது. பின்னர் போர் முடிவடைந்ததும் அங்கு 280 அடி தூரத்துக்கு தற்காலிக பாலம் ஒன்று அமைக்கப்பட்டது.

இந்த தற்காலிக பாலத்தை மாற்றிவிட்டு 82.40 மீட்டர் தொலைவுக்கு நிரந்தர பாலம் அமைக்கும் பணிகளை எல்லையோர சாலை அமைப்பிடம் கடந்த 2015-ம் ஆண்டு ஒப்படைக்கப்பட்டது. அதன்படி இந்த பாலப்பணிகள் தொடங்கி முடிவடைந்தது.

பாதுகாப்பு முக்கியத்துவம் வாய்ந்த இந்த புதிய பாலத்தை ராணுவ மந்திரி நிர்மலா சீதாராமன் நேற்று திறந்து வைத்தார். அப்போது அவர் கூறுகையில், ‘சுதந்திர போராட்டத்தில் உயிர்த்தியாகம் செய்த பகத்சிங், சுக்தேவ், ராஜ்குரு ஆகியோருடன் தொடர்புடைய பூமியாகும், உசைனிவாலா. இந்த புனித பூமியில் பணியாற்றும் அரிய வாய்ப்பு பெற்றிருப்பதை, இங்கு பணியமர்த்தப்பட்டு உள்ள ராணுவ வீரர்கள் மனதில் கொள்ள வேண்டும்’ என்று தெரிவித்தார்.  #NirmalaSitharaman #Hussainiwala  #tamilnews