என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "ரியல் எஸ்டேட் அதிபர் கொலை"
சேதராப்பட்டு:
புதுவையை அடுத்த தமிழக பகுதியான குயிலாப்பாளையத்தை சேர்ந்தவர் பாபு என்கிற ரிலையன்ஸ் பாபு (வயது 42). ரியல் எஸ்டேட் அதிபர். இவர் கடந்த 21-ந் தேதி வெடிகுண்டு வீசியும், அரிவாளால் வெட்டியும் கொலை செய்யப்பட்டார்.
இந்த கொலை தொடர்பாக ஆரோவில் போலீசார் வழக்கு பதிவு செய்து விசாரணை நடத்தி வந்தனர்.
இந்த கொலையில் தொடர்புடைய சங்கர் கணேஷ் உள்பட 8 பேர் கோர்ட்டில் சரண் அடைந்துள்ளனர்.
மேலும் ரிலையன்ஸ் பாபு கொலையில் முக்கிய குற்றவாளியான தாதா மணிகண்டன் உள்பட 6 பேரை தேடி வருகிறார்கள்.
இந்த நிலையில் ரிலை யன்ஸ் பாபு கொலையில் தொடர்புடைய குயிலாப் பாளையத்தை சேர்ந்த வீரமணி (32) என்பவரை நேற்று ஆரோவில் போலீசார் கைது செய்தனர்.
இதற்கிடையே ரிலையன்ஸ் பாபு கொலையில் தொடர்புடைய சங்கர் கணேஷ், காங்கிரஸ் பிரமுகர் ஜோசப் கொலையிலும் தொடர்பு உள்ளதால் அவரை காவலில் எடுத்து விசாரணை நடத்த போலீசார் முடிவு செய்துள்ளனர்.
வானூர்:
விழுப்புரம் மாவட்டம் குயிலாப்பாளையத்தை சேர்ந்தவர் பாபு என்ற கோதண்டராமன் (வயது 42), ரியல் எஸ்டேட் அதிபர். கடந்த 21-ந் தேதி மாலை பாபு, மோட்டார் சைக்கிளில் ஆரோவில் பகுதிக்கு சென்றுவிட்டு மீண்டும் வீடு திரும்பிக் கொண்டிருந்தார்.
குயிலாப்பாளையம் அய்யனார்கோவில் அருகே வந்தபோது பின்னால் காரில் வேகமாக வந்த ஒரு கும்பல், மோட்டார் சைக்கிளை வழி மறித்து, நாட்டு வெடிகுண்டை எடுத்து பாபுவை நோக்கி வீசினர். இதில் நிலைகுலைந்த பாபுவை அந்த கும்பல் சுற்றிவளைத்து அரிவாளால் வெட்டி கொலை செய்துவிட்டு காரில் தப்பிச்சென்றனர்.
இதுபற்றி தகவல் அறிந்ததும் ஆரோவில் போலீசார் விரைந்து பிணத்தை கைப்பற்றி பிரேத பரிசோதனைக்காக புதுவையில் உள்ள தனியார் ஆஸ்பத்திரிக்கு அனுப்பி வைத்தனர்.
இந்தகொலை குறித்து போலீசார் விசாரணை நடத்தினர். பாபு தொழில் போட்டி காரணமாக கொலை செய்யப்பட்டாரா? முன்விரோதம் காரணமாக கொலை செய்யப்பட்டாரா? என போலீசார் விசாரணை நடத்தி வருகின்றனர்.
இந்த கொலையாளிகளை பிடிக்க 2 தனிப்படை அமைக்கப்பட்டது. குயிலாப்பாளையத்தில் ரவுடிகள் ராஜ்குமார் தலைமையில் ஒரு கும்பலாகவும், தாதாமணிகண்டன் தலைமையில் மற்றொரு கும்பலாகவும் செயல்பட்டு வருகின்றனர். இதில் பாபு, ரவுடி ராஜ்குமார் தரப்பை சேர்ந்தவர் என்று கூறப்படுகிறது.
போலீசார் நடத்திய முதற்கட்ட விசாரணையில் பாபுவை கொலை செய்தது தாதாமணிகண்டனின் கூட்டாளிகளான குயிலாப்பாளையத்தை சேர்ந்த அருள், பச்சியப்பன், வீரமணி மற்றும் புதுவை கருவடிக்குப்பத்தை சேர்ந்த கவாஸ்கர், பெரிய முதலியார் சாவடியை சேர்ந்த ஜெகதீஸ்வரன் ஆகியோர் ஈடுபட்டிருப்பது தெரியவந்தது. அவர்களை போலீசார் தேடிவந்தனர்.
இந்தநிலையில் நேற்று இரவு கவாஷ்கர், ஜெகதீஸ் வரனை போலீசார் பிடித்தனர். அவர்கள் இருவரையும் வானூர் போலீஸ்நிலையம் அழைத்து சென்று தீவிர விசாரணை நடத்தி வருகின்றனர்.
அடையாறு மல்லிகைப்பூ நகர் தாமோதரபுரம் மீன் மார்க்கெட் பகுதியில் வசித்து வந்தவர் சுரேஷ் (வயது33). ரியல் எஸ்டேட் தொழில் செய்து வந்தார்.
இவரது மகனும், மகளும் அடையாறு இந்திரா நகரில் உள்ள தனியார் பள்ளியில் படித்து வருகிறார்கள். அவர்களை தினமும் சுரேஷ் மோட்டார்சைக்கிளில் அழைத்து சென்று விடுவது வழக்கம்.
இன்று காலை அவர் வழக்கம்போல் மகனையும், மகளையும் பள்ளிக்கு அழைத்துச் சென்றார். பின்னர் அவர் அங்கிருந்து மோட்டார்சைக்கிளில் திரும்பி வந்தார்.
பள்ளியில் இருந்து சிறிது தூரம் வந்தபோது ஆட்டோவில் வந்த மர்ம கும்பல் திடீரென சுரேசின் மோட்டார்சைக்கிள் மீது மோதினர். இதில் நிலை தடுமாறிய சுரேஷ் மோட்டார்சைக்கிளோடு கீழே விழுந்தார்.
உடனே மர்ம கும்பல் அரிவாளால் சரமாரியாக அவரை வெட்டினர். தலை, கழுத்தில் பலத்த காயம் அடைந்த சுரேஷ் சம்பவ இடத்திலேயே ரத்த வெள்ளத்தில் பலியானார்.
அவர் இறந்ததை உறுதி செய்த கொலை கும்பல் அங்கிருந்து ஆட்டோவில் தப்பி சென்று விட்டனர்.
பொதுமக்கள் நடமாட்டம் அதிகம் உள்ள பகுதியில் பட்டப்பகலில் நடந்த இந்த சம்பவம் பெரும் பரபரப்பை ஏற்படுத்தியது.
தகவல் அறிந்ததும் அடையார் போலீசார் விரைந்து வந்து சுரேசின் உடலை கைப்பற்றி விசாரணை நடத்தினர். கொலை நடந்த இடத்தின் அருகே ஒரு வீட்டில் கண்காணிப்பு கேமரா பொருத்தப்பட்டு இருந்தது. அதனை போலீசார் கைப்பற்றி ஆய்வு செய்தனர்.
அதில் ரவுடி கும்பல் சுரேசை தாக்கும் காட்சி பதிவாகி இருந்தது. அதனை வைத்து கொலை கும்பலை அடையாளம் காணும் முயற்சியில் ஈடுபட்டுள்ளனர்.
கொலையுண்ட சுரேசுக்கு ரியல் எஸ்டேட் தொழிலில் பலருடன் மோதல் உள்ளது. இது தொடர்பாக அவர் மீதும் வழக்குகள் உள்ளது.
2 மாதத்திற்கு முன்பு அவருக்கு ஒருவருடன் தகராறு ஏற்பட்டது. இந்த மோதலில் சுரேசை தீர்த்து கட்ட மர்ம கும்பல் பின்தொடர்ந்து நோட்டமிட்டு வந்துள்ளனர்.
இதை அறிந்த சுரேஷ் மாமியார் வீட்டுக்கு வந்து தங்கியுள்ளார். அவர் குழந்தைகளை பள்ளிக்கு அழைத்து செல்வதை நோட்டமிட்ட கொலை கும்பல் தங்கள் திட்டத்தை நிறைவேற்றி விட்டனர்.
கொலையுண்ட சுரேசுக்கு கலைவாணி என்ற மனைவியும், கார்த்திகேயன், சாய் பிரதா என்ற மகன்-மகளும் உள்ளனர்.
சென்னை திருவான்மியூர் கங்கையம்மன் கோவில் தெருவில் வசித்து வந்தவர் கலியமூர்த்தி (வயது 53). ரியல் எஸ்டேட் அதிபர். இவருடைய மனைவி ஹேமா.
கடந்த 17-ந்தேதி வீட்டில் இருந்து வெளியே சென்ற கலியமூர்த்தி, அதன்பிறகு வீடு திரும்பவில்லை. பல்வேறு இடங்களில் தேடியும் அவரை காணவில்லை. இதையடுத்து அவருடைய மனைவி ஹேமா, திருவான்மியூர் போலீசில் புகார் செய்தார்.
அதன்பேரில் இன்ஸ்பெக்டர் கிறிஸ்டின் ஜெயசில் வழக்குப்பதிவு செய்து, சந்தேகத்தின்பேரில் கலியமூர்த்தியின் நண்பர்களான வேளச்சேரியைச் சேர்ந்த முருகவேல் (39), காஞ்சீபுரத்தை சேர்ந்த செந்தில்(30), மாடம்பாக்கத்தை சேர்ந்த மணிகண்டன்(38) ஆகியோரை பிடித்து விசாரித்தனர்.
அப்போது அவர்கள், கலியமூர்த்தியை கொன்று புதைத்து விட்டதாக திடுக்கிடும் தகவலை போலீசாரிடம் தெரிவித்தனர்.
கலியமூர்த்திக்கும், அவருடைய நண்பர்கள் முருகவேல், செந்தில், மணிகண்டன் ஆகியோருக்கும் பணம் கொடுக்கல், வாங்கல் தொடர்பாக தகராறு ஏற்பட்டது. இதனால் கலியமூர்த்தியை கொலை செய்ய நண்பர்கள் முடிவு செய்தனர்.
இதற்காக கடந்த 17-ந்தேதி, கலியமூர்த்தியிடம் காஞ்சீபுரத்தில் ஒரு நல்ல இடம் விற்பனைக்கு உள்ளது. அந்த இடத்தை பார்த்து விட்டு வரலாம் என்று நைசாக பேசி அவரை காஞ்சீபுரம் மாவட்டம் செய்யூரை அடுத்த ஓதியூர் என்ற இடத்துக்கு அழைத்துச் சென்றனர்.
அங்கு ஆள் நடமாட்டம் இல்லாத ஒரு இடத்தில் கலியமூர்த்தியை அடித்து கொலை செய்த அவர்கள், பின்னர் அவரது உடலை அதே இடத்தில் குழி தோண்டி புதைத்து விட்டனர் என்பது விசாரணையில் தெரிய வந்தது.
இதையடுத்து முருகவேல், செந்தில், மணிகண்டன் ஆகியோரை போலீசார் கைது செய்தனர். பின்னர் திருவான்மியூர் இன்ஸ்பெக்டர் கிறிஸ்டின் ஜெயசில், சப்-இன்ஸ்பெக்டர் மகாராஜன் மற்றும் போலீசார் கைதான 3 பேரையும் ஓதியூர் அழைத்துச்சென்றனர்.
அங்கு அவர்கள், கலியமூர்த்தியை கொன்று புதைத்த இடத்தை அடையாளம் காண்பித்தனர். இதையடுத்து, உடலை தோண்டி எடுத்த போலீசார், பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்தனர்.
பின்னர் கைதான 3 பேரையும் கோர்ட்டில் ஆஜர்படுத்தி சிறையில் அடைத்தனர். இந்த கொலை வழக்கு தொடர்பாக தலைமறைவாக உள்ள மேலும் 4 பேரை போலீசார் தீவிரமாக தேடி வருகின்றனர்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
