நீங்கள் தேடியது "in 2 days"

பரமத்திவேலூர்:

நாமக்கல் மாவட்டம் பரமத்திவேலூர் அருகே சூரியாம்பாளையம் பெரிய தோட்டம் பகுதியில் ரூ.17 லட்சம் திட்ட மதிப்பீட்டில் தார் சாலை அமைக்கும் பணி தொடங்கி நடைபெற்று வந்தது. கடந்த 3 நாட்களுக்கு முன்பு தார்சாலை அமைக்கும் பணி முடிவடைந்தது.

நேற்று முன்தினம் காலை புதிதாக போட்டப்பட்ட இந்த தார் சாலை பெயர்ந்து கிடந்தது. இதை பார்த்து அந்த பகுதி மக்கள் அதிர்ச்சி அடைந்தனர். கடந்த 25-ந் தேதி மாலை சூரியம்பாளையம் பகுதியில் லேசான மழை பெய்தது. இந்த மழைக்கே தாக்குப் பிடிக்காமல் தார் சாலை பெயர்ந்து போயுள்ளது தெரியவந்தது.

இதுகுறித்து அப்பகுதி பொதுமக்கள் கூறியதாவது:-

இப்பகுதியில் பழைய தார் சாலை திடமாகவும் இருந்தது. ஆனால் புதிய தார்சாலை போடுகிறோம் என்ற பெயரில் 2 நாட்களுக்கு கூட தாக்குபிடிக்காத தரமில்லாத சாலை அமைத்து உள்ளனர்.

பழைய தார் சாலையின் மீது புதிய தார்சாலை அமைக்கும் போது பழைய சாலையை பெயர்த்து எடுக்காமல் அதன் மீது சிறிய ஜல்லிகளை கொட்டி தார் கலவைகளை மட்டும் போட்டு சாலை அமைத்து விடுகின்றனர். இதனால் தார் சாலைகள் தரமற்றதாக உள்ளது. இதுகுறித்து கலெக்டர் உரிய நடவடிக்கை எடுக்க வேண்டும்.

இவ்வாறு அவர்கள் தெரிவித்தனர்.

ஈரோடு:

ஈரோடு ஜவுளி சந்தை யானது பன்னீர்செல்வம் பார்க், தலைமை தபால் நிலையம் எதிர்புறம், அசோ கரம் பகுதியில் ஒவ்வொரு வாரமும் திங்கட்கிழமை இரவு முதல் செவ்வாய்க்கிழமை மதியம் வரை நடைபெற்று வருகிறது.

சாதாரண நாட்களை விட விசேஷ நாட்களில் வியாபாரம் விறுவிறுப்பாக நடைபெறும். இந்நிலையில் தீபாவளி பண்டிகையை யொட்டி கடந்த சில நாட்களாக ஈரோடு ஜவுளி சந்தையில் தீபாவளி விற்பனை களை கட்டியது.

நேற்று இரவு கூடிய ஜவுளி சந்தையில் தமிழ்நாட்டின் பல்வேறு பகுதியிலிருந்து வந்த நூற்று க்கணக்கான வியாபாரிகள் மொத்த விலைக்கு துணி களை கொள்முதல் செய்து அள்ளிச் சென்றனர்.

இதே போல் கேரளா கர்நாடகா, ஆந்திரா, கர்நாடகா, தெலுங்கானா போன்ற வெளி மாநில வியாபாரிகள் இரவு நடந்த ஜவுளி சந்தைக்கு வந்திருந்தனர். தீபாவளி பண்டிகை முன்னிட்டு ஜவுளி சந்தை யில் ஏராளமான புதிய துணி வரத்துக்கள் அறி முகப்படுத்த ப்பட்டுள்ளன.

குறிப்பாக குழந்தைகள் முதல் பெரியவர்கள் வரை அனைத்து தரப்பினருக்கும் ஏற்ற புதிய ஜவுளி ரகங்கள் அறிமுகப்படுத்த ப்பட்டு ள்ளன. இதனால் வியாபாரி கள் போட்டி போட்டு அள்ளி சென்றனர்.

கடந்த 4 நாட்களாக தீபாவளி விற்பனை களை கட்டியுள்ளது. மொத்த வியாபாரத்தை விட சில்லரை வியாபாரம் விறு விறுப்பாக நடந்து வருகிறது.சில்லரை வியாபாரம் 60 சதவீதம் நடைபெற்றதாக வியாபாரிகள் தெரிவித்த னர்.

இதேபோல் மொத்த வியாபாரம் 30 சதவீதம் நடை பெற்றதாக வியாபாரி கள் தெரிவித்த னர். கடந்த 2 நாட்களில் மட்டும் ரூ.15 கோடிக்கு துணிகள் விற்று தீர்ந்ததாக வியாபாரிகள் மகிழ்ச்சியுடன் தெரிவி த்தனர்.