நீங்கள் தேடியது "birthday"

புதுக்கோட்டை:

புதுக்கோட்டை மாவட்டம் அறந்தாங்கியில் கர்மவீரர் காமராஜரின் 120வது பிறந்த தினத்தை முன்னிட்டு தமிழ் மாநில காங்கிரஸ் கட்சியின் சார்பில் அவரது திருவுருவ சிலைக்கு மாலை அணிவித்து மரியாதை செலுத்தப்பட்டது.

அறந்தாங்கி நகரத் தலைவர் சன் கார்த்திகேயன் தலைமையில் நடைபெற்ற நிகழ்ச்சியில், மாநில கொள்கை பரப்பு செயலாளர் கராத்தே கண்ணையன் முன்னிலை வகித்தார். அப்போது காந்தி பூங்கா சாலையில் உள்ள காமராஜர் சிலைக்கு மாலை அணிவித்து மரியாதை செலுத்தி பொதுமக்களுக்கு இனிப்புகள் வழங்கி கொண்டாடப்பட்டது. அதனைத் தொடர்ந்து எல்என்புரத்தில் உள்ள நகராட்சி நடுநிலைப்பள்ளி மாணவ மாணவியர்கள் 120 பேருக்கு நோட்டு பேனா உள்ளிட்ட கல்வி உபகரணங்கள் வழங்கப்பட்டது.

நிகழ்ச்சியில் மாநிலச் செயலாளர் முத்துக்குமாரசாமி.மாநில பொதுக்குழு உறுப்பினர் ராமையா, மாவட்டத் துணைத் தலைவர் முகமது மைதீன்,ராஜசேகர் விஜியா, பால்ராஜ் நாகூர்மீரா, அரசப்பன், சத்தியமூர்த்தி,பவித்ரா ராமநாதன்,ஜெயராஜ், ராமநாதன் ,இளையராஜா,பாண்டியன் உள்ளிட்ட கட்சி நிர்வாகிகள் ஏராளமானோர் கலந்து கொண்டனர்.

ராஜபாளையம்

ராஜபாளையத்தில் பெருந்தலைவர் காமராஜரின் 120-வது பிறந்த தினத்தை முன்னிட்டு அ.தி.மு.க. நகர, வடக்கு, தெற்கு மற்றும் மேற்கு ஒன்றியம் சார்பில் பழைய பஸ் நிலையம் அருகில் உள்ள காமராஜர் சிலைக்கு மாலை அணிவித்து மரியாதை செய்து பொதுமக்களுக்கு இனிப்பு வழங்கப்பட்டது.

இந்த நிகழ்ச்சியில் வடக்கு நகர செயலாளர் துரைமுருகேசன், தெற்கு நகர செயலாளர் பரமசிவம், மேற்கு ஒன்றிய செயலாளர் ஆர்.எம். குருசாமி, தெற்கு ஒன்றிய செயலாளர் நவரத்தினம், மாவட்ட பேரவை செயலாளர் கிருஷ்ணராஜ், மாவட்ட இணை செயலாளர் அழகுராணி, பொதுக்குழு உறுப்பினர் பாபுராஜ், மாவட்ட எம்.ஜி.ஆர். மன்ற துணை செயலாளர் யோக சேகரன், மாவட்ட பேரவை துணைத் தலைவர் திருப்பதி, முன்னாள் நகர் மன்ற உறுப்பினர்கள் குருசாமி, கவிதா மற்றும் பலர் கலந்து கொண்டனர்.

மதுரை

மதுரை நாடார் உறவின்முறைக்குப் பாத்தியமான ஜெயராஜ் நாடார் மேல்நிலைப்பள்ளியில் பெருந்தலைவர் காமராஜரின் 120-வது பிறந்த நாள் விழா போட்டிகளின் தொடக்க விழா நடைபெற்றது.

இந்த விழாவிற்கு பள்ளி தலைமையாசிரியர் ரமேஷ் வரவேற்புரையாற்றினார். பெருந்தலைவர் காமராஜர் திருவுடப்படத்திற்கு மாலை அணிவித்து மரியாதை செலுத்தப்பட்டது. பள்ளித்தலைவர் மற்றும் செயலாளர் தர்மராஜ் தலைமை வகித்து போட்டிகளை துவக்கி வைத்தார்.

பள்ளித் துணைத்தலைவர் பாஸ்கரன் பள்ளி பள்ளி துணைச்செயலாளர் செந்தில்குமார், பள்ளி விடுதிக்குழுச் செயலாளர் குமார் ஆகியோர் வாழ்த்துரை வழங்கினார்கள். பள்ளியில் முதுகலை தமிழ் ஆசிரியர்-விழா அமைப்பாளர் முத்துசெல்வம் காமராஜ பிறந்த நாள் விழா போட்டிகள் குறித்து அறிமுகவுரையாற்றினார்.

இந்த விழாவில் பேச்சுப்போட்டி, கட்டுரைப்போட்டி, ஓவியப்போட்டி, கவிதைப்போட்டி, நாடகப்போட்டி, குழு நடனம் மற்றும் ரங்கோலிப் போட்டிகள் நடைபெற்றன. இப்போட்டியில் 46 பள்ளிகளின் மாணவ-மாணவிகளுக்கு காமராஜர் பற்றிய பொது அறிவு வினா கேட்கப்பட்டு உடன் பரிசு வழங்கப்பட்டது. அனைவருக்கும் பெருந்தலைவர் காமராஜர் மதிய உணவுத் திட்டத்தினை உணர்த்தும் வண்ணம் மதிய உணவு வழங்கப்பட்டது.

களக்காடு:

களக்காட்டில் திவான்பகதூர் இரட்டைமலை சீனிவாசன் பிறந்தநாளை முன்னிட்டு அவரது உருவ படத்திற்கு புரட்சி பாரதம் கட்சியின் சார்பில் மாலை அணிவித்து மரியாதை செய்யப்பட்டது. நிகழ்ச்சிக்கு மாவட்ட செயலாளர் நெல்சன் தலைமை தாங்கினார். மாவட்ட தலைவர் முகமது காஸிர், மாவட்ட இளைஞரணி செயலாளர் அர்ஜுன் ஆகியோர் முன்னிலை வகித்தனர்.

சிறப்பு அழைப்பாளராக கலந்து கொண்ட அம்மா மக்கள் முன்னேற்ற கழகத்தின் களக்காடு ஒன்றிய செயலாளர் ராஜசேகர் இரட்டைமலை சீனிவாசனின் உருவபடத்தை திறந்து வைத்தார்.

இதில் தொழிலபதிபர் சுபாஷ், புரட்சி பாரதம் கட்சி நிர்வாகிகள் மாவட்ட மகளிரணி செயலாளர் ரேணுகா, களக்காடு ஒன்றிய செயலாளர் இன்பரசு, ராதாபுரம் ஒன்றிய செயலாளர் மிக்கேல்ராஜ், நாங்குநேரி ஒன்றிய செயலாளர் சரத்குமார், களக்காடு ஒன்றிய இளைஞரணி அமைப்பாளர் முருகானந்த், களக்காடு ஒன்றிய மகளிரணி செயலாளர் கனகராணி, வள்ளியூர் ஒன்றிய மகளிரணி செயலாளர் வேலம்மாள், ராதாபுரம் மகளிரணி செயலாளர் முருகானந்தம், விடுதலை சிறுத்தைகள் கட்சியின் ஒன்றிய செயலாளர் ஆனந்த சுந்தர் உள்பட பலர் கலந்து கொண்டனர். களக்காடு நகரச் செயலாளர் முருகன் நன்றி கூறினார்.

இந்திய கிரிக்கெட் அணியின் முன்னாள் கேப்டன் மகேந்திர சிங் தோனியின் பிறந்தநாளையொட்டி, பல்வேறு முக்கிய தலைவர்களும், கிரிக்கெட் வீரர்களும், ரசிகர்களும் வாழ்த்து தெரிவித்து வருகின்றனர்.

இந்நிலையில், தமிழக முதல்வர் மு.க.ஸ்டாலின் தோனிக்கு பிறந்தநாள் வாழ்த்து தெரிவித்துள்ளார்.

இதுகுறித்து மு.க.ஸ்டாலின் தனது டுவிட்டர் பக்கத்தில் பதிவிட்டுள்ளதாவது:-

தோனிக்கு பிறந்தநாள் வாழ்த்துகள். உங்கள் இணையற்ற சாதனை, எளிய கிராமப்புற பின்னணியில் இருந்து வரும் ஏராளமான இளைஞர்கள் தங்கள் கனவுகளைத் தொடர நம்பிக்கை அளிக்கிறது.

எங்கள் சொந்த சென்னையில் நீங்கள் மீண்டும் விளையாடுவதை காண ஆவலுடன் காத்திருக்கிறேன்.

இவ்வாறு அவர் குறிப்பிட்டிருந்தார்.

ராஜபாளையம்

ராஜபாளையத்தில் முன்னாள் ராம்கோ சேர்மன் பி.ஆர். ராமசுப்பிரமணிய ராஜாவின் 87-வதுபிறந்தநாள் விழா நடை பெற்றது. விழாவில் அன்னாரது நினைவிடத்தில் கீதாஞ்சலி மற்றும் புஷ்பாஞ்சலி நிகழ்ச்சி நடந்தது.

இதில் ராம்கோ சேர்மன் பி.ஆர். வெங்கட்ராம ராஜா, அவரது மகன் பி.வி. அபிநவ் ராமசுப்பிரமணி ராஜா மற்றும் குடும்பத்தினர்கள் கலந்து கொண்டு அஞ்சலி செலுத்தினார்கள்.

அதனைத்தொடர்ந்து அபிநவ வித்ய தீர்த்த பாரதி வேத பாடசாலையில் அமைந்துள்ள பி.ஆர். ராமசுப்பிரமணிய ராஜா திருஉருவச் சிலைக்கு பூஜை நடைபெற்றது. பின்னர் அன்னாரது ஜோதி ஓட்டத்தை ராம்கோ சேர்மன் பி.ஆர்.வெங்கட்ராம ராஜா தொடங்கி வைத்தார். நினைவு ஜோதியை ராம்கோ டெக்ஸ் டைல்ஸ் பிரிவு ஊழியர்கள் ஏந்தி சாரதாம்பாள் கோவிலில் இருந்து ராம மந்திரம் இல்ல வழியாக ராஜபாளையம் மில்ஸ் வளாகத்தில் ஸ்தாபனம் செய்யப்பட்டது.

விழாவை முன்னிட்டு சஞ்சய் சுப்பிரமணியன் கர்நாடகா இசை நிகழ்ச்சியும், ஸ்ரீதேவி ந்ருத்யாலயா குழுவின் அகோபிலம் அகோபலம் நாட்டிய நாடகம் ராஜபாளையத்தில் உள்ள திருமலைதிருப்பதி தேவஸ்தான மண்டபத்தில் நடைபெற்றது. இதில் திர ளான பொதுமக்கள் கலந்து கொண்டனர்.

திருப்பரங்குன்றம்,

அகில இந்திய காங்கிரஸ் முன்னாள் தலைவர் ராகுல்காந்தியின் பிறந்த நாள் விழா மதுரையில் கொண்டாடப்பட்டது. இதையொட்டி மதுரை தெற்கு மாவட்ட காங்கி ரஸ் கட்சி சார்பில் துணைத் தலைவர் எம்.பி.எஸ்.பழனிகுமார் தலைமையில் திருப்பரங்குன்றம் முருகன் கோவிலில் சிறப்பு வழிபாடு நடைபெற்றது. இதைத்தொடர்ந்து பக்தர்களுக்கு இனிப்புகள் வழங்கப்பட்டது.

நிகழ்ச்சிக்கு மாநிலச் செயலாளர் ஏ.எஸ்.வி.மகேந்திரன் முன்னிலை வகித்தார். பகுதி தலைவர் நாகேஸ்வரன், அமைப்பு சாரா தொழிலாளர் பணியாளர் பிரிவு மாவட்ட தலைவர் பொன். மகாலிங்கம், பிற்படுத்தப்பட்டோர் பிரிவு மாவட்ட தலைவர் சரவண பகவான், பொதுக்குழு உறுப்பினர் ராஜ்குமார் மற்றும் நிர்வாகிகள் பூபதி பாண்டியன், ராமகிருஷ்ணன், சீனிவாசன், செல்வராஜ், சின்ன தேவர் உள்பட பலர் கலந்து கொண்டனர்.

அந்தியூர்:

ஈரோடு மாவட்டம் அந்தியூர் தவிட்டுபாளையம் பகுதியிலுள்ள பெருந்தலை–வர் மக்கள் கட்சி அலுவ–லகத்தில் கன்னியா–குமரி மாவட்டத்தை தமிழ–கத்தோடு சேர்க்க போராட்டங்கள் நடத்தி வெற்றி கண்ட

மார்ஷல் நேசமணியின் 127- வது பிறந்த நாள் நிகழ்ச்சி பெருந்தலைவர் மக்கள் கட்சி ஈரோடு வடக்கு மாவட்டம் சார்பாக மாவட்ட தலைவர் சுப்ரமணியம் தலைமையில் நடைப்பெற்றது

அந்தியூர் ஒன்றிய தலைவர் சக்திவேலன் அனைவரையும் வரவேற்றார், சிறப்பு அழைப்பாளராக மாநில உயர் மட்ட குழு உறுப்பினர் தங்கதுரை, தென் மாவட்ட நாடார் சங்க தலைவர் நெல்லை மகாதேவன் கலந்து கொண்டு மார்ஷல் நேசமணியின் உருவப்படத்திற்கு மாலை அணிவித்து மலர் தூவி மரியாதை செய்து அனைவருக்கும் இனிப்புகள் வழங்கினார்.

அந்தியூர் நகர தலைவர் சரவணன், துணை தலைவர் ஜெயகுமார் மற்றும் பல்வேறு நிர்வாகிகள் கலந்து கொண்டனர்.முடிவில் மாவட்ட துணைதலைவர் கேசவராஜ் நன்றி கூறினார்

வாடிப்பட்டி

வாடிப்பட்டி பஸ்நிலையம் முன்பு மறத்தமிழர்சேனை சார்பில் சுதந்திரபோராட்ட வீரர் வாளுக்கு வேலி அம்பலத்தின் 221-வது பிறந்தநாள்விழா கொண்டாடப்பட்டது.

மாநில துணை பொது செய லாளர் ஆதிமுத்துக்குமார் தலைமை தாங்கினார். முன்னாள் பேரூராட்சி தலைவர் ஜவஹர்சிவா, மாநகர் மாவட்ட தலைவர் கார்த்திகேயன், மாவட்டசெயலாளர் முத்துகுமார், மூவேந்தர் முன்னேற்றகழக மாநில பொருளாளர் நாகராஜன் முன்னிலை வகித்தனர்.

மாவட்ட பொருளாளர் கோட்டூர்சாமி வரவேற்றார். வாளுக்குவேலி உருவபடத்திற்கு மலர்மாலை அணிவிக்கப்பட்டது. இதில் அ.தி.மு.க. ஒன்றிய நிர்வாகி மகேந்திரன், அ.ம.மு.க. நகர செயலாளர் மதன், சுகுமாறன், தே.மு.தி.க ஒன்றிய செயலாளர் சந்திரசேகரன், மூவேந்தர் முன்னேற்றகழக வடக்கு மாவட்ட செயலாளர் செந்தில் பாண்டி, வழக்கறிஞர் விஜயக்குமார், லயன்ஸ் நகரதலைவர் பாலாஜி, நாம்தமிழர் கட்சி ஒன்றிய செயலாளர் மகேந்திரன், ஆனந்த், காங்கிரஸ் நகர செயலாளர் முருகானந்தம் உள்பட பலர் கலந்துகொண்டனர்.

கச்சைகட்டி கிளை செயலாளர் பிரபாகரன் நன்றி கூறினார்.

நெற்குப்பை

சிவகங்கை மாவட்டம் சிங்கம்புணரியில் கோட்டைவேங்கைபட்டி அமைந்துள்ள சமத்துவபுரம் வீடுகளை வருகிற 8-ந்தேதி முதல்அமைச்சர் மு.க.ஸ்டாலின் திறந்து வைக்க உள்ளார்.

இதற்கான முன்னேற்பாடு கள் தீவிரமாக நடைபெற்றுவரும் நிலையில் ஊரக வளர்ச்சித்துறை முதன்மை செயலாளர் அமுதா சமத்துவபுரத்தை பார்வையிட்டு ஆய்வு செய்து பணிகளை விரைந்து முடிக்க உத்தரவிட்டார்,

அதனைத்தொடர்ந்து தமிழக வனத்துறை சார்பில் சமத்துவபுரம் முன்பகுதியில் மரக்கன்றுகளை அமுதா நட்டார். இந்தஆய்வின்போது அமைச்சர் பெரிய கருப்பன், கலெக்டர் மதுசூதன்ரெட்டி ஆகியோர் உடனிருந்தனர்.

அதனைத்தொடர்ந்து சிங்கம்புணரி அரசு தாலுகா தலைமை மருத்துவமனையில் கருணாநிதியின் 99-வது பிறந்தநாளை முன்னிட்டு பிறந்த 2 குழந்தைகளுக்கு தங்க மோதிரத்தை அமைச்சர் பெரியகருப்பன் அணிவித்தார். மேலும் அங்கு உள்ள உள்நோயாளிகளுக்கு பழங்கள் மற்றும் உணவு பொருட்களையும் அமைச்சர் வழங்கினார்.

அதனைத்தொடர்ந்து பேரூராட்சி முன்பு கருணாநிதியின் 99-வது பிறந்தநாளை முன்னிட்டு 199 தென்னங்கன்றுகளை பொதுமக்களுக்கு வழங்கி தூய்மை பாரதம் திட்டத்தை வலியுறுத்தி நடந்த சைக்கிள் பேரணியை அமைச்சர் பெரியகருப்பன் தொடங்கி வைத்தார்.

இதில் சிங்கம்புணரி நகர்மன்ற சேர்மன் அம்பலமுத்து, துணைச் சேர்மன் செந்தில்குமார், செயல் அலுவலர் ஜான்முகமது ஞானிசெந்தில் மற்றும் ஒன்றிய செயலாளர் பூமிநாதன் உள்ளிட்ட பலர் கலந்து கொண்டனர்.