வத்தலக்குண்டு:
தமிழகம் முழுவதும் தி.மு.க. மற்றும் கூட்டணி கட்சி வேட்பாளர்களை ஆதரித்து மு.க.ஸ்டாலின் தீவிர பிரசாரம் செய்து வருகிறார்.
நேற்று இரவு திண்டுக்கல் பாராளுமன்ற தி.மு.க. வேட்பாளர் வேலுச்சாமி, நிலக்கோட்டை சட்டமன்ற தொகுதி தி.மு.க. வேட்பாளர் ஆகியோரை ஆதரித்து திண்டுக்கல் மற்றும் வத்தலக்குண்டுவில் நடந்த பிரசார கூட்டத்தில் பேசினார்.
கூட்டம் முடிந்த உடன் தேனி மாவட்ட வேட்பாளர்களை ஆதரித்து பிரசாரம் செய்வதற்காக வத்தலக்குண்டு வழியாக மு.க.ஸ்டாலின் காரில் சென்றார். வத்தலக்குண்டு காளியம்மன் கோவில் அருகே சென்ற போது காரில் இருந்து கீழே இறங்கி மு.க.ஸ்டாலின் நடந்து சென்றார். சாலையின் இரு புறமும் நின்ற மக்களிடம் கை குலுக்கி வாக்கு சேகரித்தார்.
மேலும் அவ்வழியாக சென்ற வாகன ஓட்டுனர்களுக்கும் கை குலுக்கி வாக்கு சேகரித்தார். கூடியிருந்த தொண்டர்கள் மற்றும் பெண்கள் மு.க.ஸ்டாலினுடன் சேர்ந்து செல்பி எடுத்துக் கொண்டனர்.
தன்னை காண காத்திருந்த தொண்டர்கள் மற்றும் பொதுமக்களை ஸ்டாலின் காரில் இருந்து கீழே இறங்கி சந்தித்து பேசியது அவர்களிடையே மகிழ்ச்சியை ஏற்படுத்தியது. #LSPolls #DMK #MKStalin
