கோவில்பட்டி:
கோவில்பட்டி நேஷனல் பொறியியல் கல்லூரி எந்திர பொறியியல்துறை கூட்டமைப்பின் 2023-2024-ம் கல்வியாண்டிற் கான தொடக்க விழா கல்லூரி வளாகத்தில் நடைபெற்றது.
மென்பொருள் துறைகளில் பணி வாய்ப்பு
இதில், சென்னை, எல்.டி.ஐ. மைண்ட்ரீ நிறு வனத்தின் தொகுப்பு அமலாக்கத் துறையின் மூத்த சிறப்பு நிபுணரும், கல்லூரியின் முன்னாள் மாணவருமான ப்ளெஸ்டு சிங் தனசிங் சிறப்பு விருந்தி னராக கலந்து கொண்டு விழாவினை தொடக்கி வைத்து பேசினார்.
அப்போது தற்போதைய சூழலில் எந்திர பொறியியல் துறையை சார்ந்தவர்கள் எவ்வாறு மென்பொருள் துறைகளில் பணி வாய்ப்பு பெறுவது எப்படி? பின்னர் அவற்றில் எவ்வாறு சிறப்புடன் செயல்படுவது? என்றும் விளக்கமாக பேசி னார். முன்னதாக, கல்லூரி முதல்வர் காளிதாஸ முருக வேல் தலைமை தாங்கினார். துறைத்தலைவர் ராஜா தலைமை உரையாற்றினார். மாணவர் பாலாஜி வர வேற்றார். மாணவர் மாணிக்க ரத்தினம் சிறப்பு விருந்தினரை அறிமுகப் படுத்தினார். மாணவி கவிதா ஸ்ரீநிதி மற்றும் மாணவர் கிசோர் சுரேஷ் ஆகியோர் கூட்டமைப்பின் செயல்பாடுகளை விளக்கினர். முடிவில் மாணவர் மணிகண்டன் நன்றி கூறினார்.
இதில் சுமார் 200-க்கும் மேற்பட்ட மாணவ- மாணவிகள் கலந்து கொண்டனர். விழாவின் ஏற்பாடுகளை கல்லூரி இயக்குனர் சண்முகவேல் மற்றும் முதல்வர் ஆகி யோர்களின் வழிகாட்டு தலின்படி எந்திர பொறியி யல் துறைத்தலைவர், ஒருங்கிணைப்பாளர் சுந்தர பாரதி, துறைப் பேராசிரி யர்கள் மற்றும் மாணவ-மாணவிகள் செய்திருந்தனர்.
சுற்றுசூழல் சங்கம் தொடக்கவிழா
இதேபோல் சுற்றுசூழல் சங்கத்தின் தொடக்கவிழா நடைபெற்றது. மின்னணு மற்றும் தொடர்பு பொறியியல் துறை மாணவி ஜெயஸ்ரீ வரவேற்றார். பேராசிரியர் மற்றும் டீன் பரமசிவன் தலைமை தாங்கி சுற்றுச்சூழல் சங்கத்தின்
முக்கியத்துவத்தினைப் பற்றி எடுத்துரைத்தார். எந்திர பொறியியல்துறை மாணவி ஐஸ்வர்யா சிறப்பு விருந்தினரை அறிமுகப் படுத்தினார். நெல்லை சென்டிஸின் நிறுவனத்தின் தலைமை சாப்ட்வேர் டெவ லப்பர் ஜேம்ஸ்தேவ் சிறப்பு விருந்தினராக கலந்து கொண்டு பொறியி யல்துறை மூலம் சுற்றுசூழல் நிலைத்தன்மையை செயல் படுத்துதல், மேம்படுத்துதல், அதன் முக்கியத்துவம் மற்றும் பயன்பாடுகளைப் பற்றியும் எடுத்துரைத்தார். முடிவில் மின்னணு மற்றும் தொடர்பு
பொறியியல்துறை மாணவி வீனர் நன்றி கூறினார். நிகழ்ச்சிக்கான ஏற்பாடு களை கல்லூரி தாளாளர் கே.ஆர். அருணாச் சலம், கல்லூரி இயக்குநர் சண்முகவேல், முதல்வர் காளிதாச முருகவேல் மற்றும் சுற்றுசூழல் சங்க அலுவலர்கள் வழிகாட்டு தலின்படி
தன்னார்வலர்கள் செய்தனர். இதில் 150 க்கும் மேற்பட்ட சுற்றுசூழல் சங்க தன்னார்வலர்கள் மற்றும் மாணவர்கள் ஆர்வத்துடன் கலந்து கொண்டனர்.
