நீங்கள் தேடியது "female dead"

குள்ளனம்பட்டி:

திண்டுக்கல் அருகில் உள்ள தோட்டனூத்து செங்குளம் பகுதியில் அடையாளம் தெரியாத 65 வயது மதிக்கத்தக்க பெண் இறந்து கிடந்தார். இந்த பகுதி முள்காடான ஆள்நடமாட்டம் குறைவாக காணப்படும் பகுதியாகும்.

இதை பார்த்த அப்பகுதி மக்கள் கிராம நிர்வாக அலுவலருக்கு தகவல் தெரிவித்தனர். வி.ஏ.ஓ முகமது ஜக்காரியா திண்டுக்கல் தாலுகா போலீசாருக்கு தகவல் தெரிவித்தார்.

சப்-இன்ஸ்பெக்டர் அழகுபாண்டி தலைமையிலான போலீசார் அங்கு விரைந்து வந்து பெண்ணின் உடலை கைப்பற்றி திண்டுக்கல் அரசு ஆஸ்பத்திரிக்கு அனுப்பி வைத்தனர்.

அவர் இறந்து 2 நாட்கள் ஆனநிலையில் இருந்ததால் உடல் அழுகி காணப்பட்டது. இதனால் முகம் அடையாளம் காண முடியவில்லை. இறந்தவர் யார்? எந்த ஊர்? என போலீசார் விசாரித்து வருகின்றனர்.