ஐசிசி உலகக்கோப்பை கிரிக்கெட் தகுதிச் சுற்றுப் போட்டியில் நெதர்லாந்து அணி 44 ரன்கள் வித்தியாசத்தில் ஹாங்காங் அணியை வீழ்த்தியதையடுத்து நேபாளத்துக்கு ஒருநாள் சர்வதேச அணி அந்தஸ்து கிடைத்தது.
நெதர்லாந்து அணிக்கு 2022 வரை ஒருநாள் சர்வதேச அணி அந்தஸ்து ஏற்கெனவே பெற்றுவிட்டதால் நெதர்லாந்து அணியின் இந்த வெற்றி மூலம் ஹாங்காங் அணியைப் பின்னுக்குத் தள்ளி நேபாளம் ஒருநாள் கிரிக்கெட் அணி தகுதியைப் பெற்றது. அசோசியேட் அணிகளில் 3வது இடம் பிடித்ததால் நேபாளத்துக்கு இந்த ஒருநாள் சர்வதேச அணி அந்தஸ்து வழங்கப்பட்டது. நேபாளத்துக்கு 2022-ம் ஆண்டு வரை ஒருநாள் சர்வதேச அணி அந்தஸ்து கிடைத்துள்ளது.
நேபாளம் பந்துவீச்சாளர் சந்தீப் லமிச்சானே
இதையடுத்து, சர்வதேச ஒருநாள் அந்தஸ்து பெற்றுள்ள நேபாளம், தனது முதல் சர்வதேச ஒருநாள் தொடரில் நெதர்லாந்து அணியை எதிர்கொள்ள இருக்கிறது. வருகிற ஆகஸ்ட் 1 மற்றும் 3-ம் தேதிகளில் நெதர்லாந்து நாட்டில் நடைபெறும் ஒருநாள் போட்டிகளில் விளையாட உள்ளது. #ICC #Nepal #ODIdebut #Netherlands
