பழனி:
பழனி தண்டாயுதபாணிசாமி கோவிலுக்கு வரும் பக்தர்கள் மலைக்கோவிலுக்கு சிரமமின்றி சென்றுவர ஒரு ேராப்கார் மற்றும் 3 மின்இழுவை ரெயில் இயக்கப்பட்டு வருகிறது. 3-வது மின்இழுவை ரெயிலை இயக்க உதவும் கம்பி வடக்கயிறு கடந்த மார்ச்மாதம் சேதமானது.
இதனைதொடர்ந்து அந்த வின்ச் நிறுத்தப்பட்டு பராமரிப்பு பணிகள் நடைபெற்றது. அதன்பிறகு ஜூலை மாதமும் இரும்பு வடக்கயிறில் பழுது ஏற்பட்டதால் நிறுத்தப்பட்டு பராமரிப்புகள் நடந்தது. தற்போது மீண்டும் அதே 3-வது மின்இழுவை ரெயில் கடந்த 3 நாட்களுக்கு முன்பு பழுது ஏற்பட்டது.
இதனைதொடர்ந்து ஜார்க்கண்ட் மாநிலம் ராஞ்சியில் இருந்து ரூ.9 லட்சம் மதிப்பில் 480 மீட்டர் நீளம் உள்ள கம்பி வடக்கயிறுகள் 2 செட் வரவழைக்கப்பட்டது. அதில் ஒரு செட் கம்பி வடக்கயிறு பொருத்தும் பணி நடைபெற்றது. இதன்பின்னர் மின்இழுவை ரெயில் சோதனை ஓட்டம் இன்று நடைபெற உள்ளது.
சோதனை ஓட்டம் திருப்திஅளிக்கும் பட்சத்தில் பக்தர்கள் பயன்பாட்டிற்காக இயக்கப்படும் என்று தேவஸ்தான அதிகாரிகள் தெரிவித்துள்ளனர்.
