நீங்கள் தேடியது "police seized"

குஜராத் மாநிலம் சூரத் மாவட்டம் நவி பார்டி கிராமத்தில் உள்ள தேசிய தொழிற்பேட்டையில் உள்ள குடோன் மற்றும் கலுடி கிராமத்தில் உள்ள ஒரு வீட்டில் ரகசிய தகவலின் அடிப்படையில் போலீசார் சோதனை நடத்தினர்.

குடோனில் போலீசார் நடத்திய சோதனையில், ஈனோ பிராண்டை பிரதிபலிக்கும் இயந்திரங்கள் மற்றும் பேக்கேஜிங் பொருட்களை பயன்படுத்தி போலி ஈனோ சோடாவை அவர்கள் தயாரித்து விற்பனை செய்து வந்தது சோதனையில் தெரியவந்தது.

குடோனில் ஈனோ பிராண்ட் சோடாவை பேக் செய்யும்போது இரண்டு பேர் கையும் களவுமாக பிடிபட்டனர். அவர்களை போலீசார் கைது செய்தனர்.

இதைத்தொடர்ந்து பினால் பகுதியில் உள்ள வீட்டில் சோதனை நடத்திய போலீசார், போலி ஈனோ சோடா, மங்கல் தீப் தூபக்குச்சிகள் மற்றும் வீட் முடி அகற்றும் கிரீம்களை பறிமுதல் செய்தனர். இதுதொடர்பாகன இருவரை போலீசார் கைது செய்தனர்.

போலி ஈனோ மற்றும் தூபக்குச்சிகளை பறிமுதல் செய்த போலீசார் இதுதொடர்பாக 4 பேரை கைது செய்தனர். மேலும் 10 லட்சம் மதிப்பிலான பொருட்களை பறிமுதல் செய்தனர்.

போலீசார் நடத்திய முதற்கட்ட விசாரணையில் கடந்த 15-20 நாட்களாக போலி தயாரிப்புகள் நடந்து வருவதாக தெரிய வந்துள்ளது.

அங்கீகரிக்கப்பட்ட நிறுவன அதிகாரியின் புகாரின் அடிப்படையில், வினியோக தொடர்பு மற்றும் போலி தயாரிப்பு பொருட்களின் விற்பனை தொடர்பாக போலீசார் விசாரித்து வருகின்றனர்.

கடலூர்:

கடலூர் திருப்பாதி ரிப்பு லியூர் சிக்னல் அருகே டி.எஸ்.பி மற்றும் குற்றப்பிரிவு போலீசார் ரோந்து பணி யில் ஈடுபட்டு கொண்டிருந்தனர். அப்போது சிதம்பரத்தி லிருந்து கடலூர் நோக்கி வந்த கார் சிக்னல் அருகே சற்று மேடாக இருந்ததால் செல்ல முடியாமல் திணறி யது. இதனைப் பார்த்த போலீசார் சந்தேகமடைந்து காரை நிறுத்தி சோதனை செய்தனர். இந்த காரில் பின்பக்கம் சீட் பகுதியில் இரும்பு குவிந்து இருந்த தை பார்த்து சந்தேகம் அடைந்தனர். பின்னர் கடலூர் திருப்பாதி ரிப்புலி–யூர் போலீஸ் நிலையத்தில் கார் மற்றும் 2ேபர்களை பிடித்து சென்று ஒப்படை–த்தனர்.

போலீசார் விசாரணை நடத்தியதில், காரில் வந்தவர்கள் கடலூர் திருச்சோபுரத்தை சேர்ந்த அண்ணாத்துரை (வயது 62)நடுவீரப்பட்டை சேர்ந்த பிரகாஷ் (வயது 38) என்பது தெரிய வந்தது. இவர்கள் கடலூர் அருகே உள்ள தனியார் கம்பெனி–யில் இருந்து ஒரு டன் இரும்பை சிறிய துண்டு–களாககாரில் நூதன முறையில் திருடி வந்தது தெரிய வந்தது. இது குறித்து கடலூர் திருப்பாதிரிப்புலியூர் போலீசார் வழக்கு பதிவு செய்து விசாரணை நடத்தி வருகின்றனர். 

சென்னை:

சென்னை மாநகர சாலைகளில் நீண்டநாட்களாக பலர் தங்களது பழுதான கார் மற்றும் வாகனங்களை நிறுத்தி வைப்பதை வழக்கமாக வைத்துள்ளனர். இதனால் போக்குவரத்து நெரிசல் ஏற்படுவதுடன் அந்த பகுதியில் சுகாதார கேடும் ஏற்படுகிறது.

இதுதொடர்பாக போக்குவரத்து போலீசார் அவ்வப்போது நடவடிக்கை எடுத்து வந்த நிலையில் சாலையோரமாக நிறுத்தப்பட்டுள்ள கார்களை உடனடியாக அப்புறப்படுத்த சென்னை போலீஸ் கமி‌ஷனர் ஏ.கே.விஸ்வநாதன் உத்தரவிட்டார்.

இதையடுத்து போக்குவரத்து போலீசார் இன்று சென்னை மாநகர் முழுவதும் சிறப்பு சோதனை என்ற பெயரில் அதிரடி சோதனை நடத்தினர். இதில் சாலையோரமாக குப்பைகள் போல தேங்கிக் கிடந்த ஏராளமான கார்-வாகனங்கள் பறிமுதல் செய்யப்பட்டன. வண்ணாரப்பேட்டை பகுதியில் வேன் மற்றும் கார் ஆகியவற்றை போக்குவரத்து போலீசார் அங்கிருந்து கிரேன் மூலம் அகற்றி எடுத்துச்சென்றனர்.

இதுபோன்று பறிமுதல் செய்யப்பட்ட வாகனங்களின் உரிமையாளர்களிடம் அபராதம் வசூலிக்க முடிவு செய்யப்பட்டுள்ளது. காரின் சொந்தக்காரர்கள் தங்களது காருக்கான உரிய அவணங்களை காட்டி பறிமுதல் செய்யப்பட்ட கார்களை திரும்ப பெற்றுக் கொள்ளலாம் என்று போலீசார் தெரிவித்தனர்.

எனவே நீண்ட நாட்களாக கேட்பாரற்று நிறுத்தி வைக்கப்பட்டுள்ள தங்களது வாகனங்களை பொதுமக்களே அப்புறப்படுத்தி அபராத நடவடிக்கையில் இருந்து தப்பிக்கலாம் என்றும் போலீசார் கேட்டுக் கொண்டுள்ளனர்.