நீங்கள் தேடியது "நோட்டீஸ்"

சென்னை:

உயர்கல்வியை நிர்ணயிப்பதில் பிளஸ்-2 பொதுத்தேர்வு மதிப்பெண் முக்கியமானதாக கருதப்படுகிறது.

ஒரு மதிப்பெண்ணால் சிறந்த கல்லூரியையும், படிப்பையும் கூட கைவிட வேண்டிய நிலை ஏற்படுகிறது. மாணவர்களின் தலைவிதியை ஒவ்வொரு மதிப்பெண்களும் நிர்ணயிப்பதால் எதிர்பார்த்த மார்க் கிடைக்காத மாணவர்கள் மறு மதிப்பீடு, மறு கூட்டலுக்கு விண்ணப்பிப்பது வழக்கம்.

ஒவ்வொரு ஆண்டும் பிளஸ்-2, எஸ்.எஸ்.எல்.சி. விடைத்தாள் திருத்துவதில் கவனக்குறைவாக ஆசிரியர்கள் செயல்படுவதால் மாணவர்களின் வாழ்க்கை திசை திரும்பி போய் விடுகிறது. விடைத்தாள் திருத்தி மதிப்பெண் அளித்ததை ஒவ்வொரு பக்கம் வாரியாக கூட்டல் செய்யும்போது தவறு ஏற்படுகிறது.


அதே போல ஒரு பாடத்தில் 81 மார்க் எடுத்த மாணவனுக்கு 57 பெற்றதாக கொடுத்துள்ளனர். இந்த தவறுகள் எல்லாம் மதிப்பெண்களை கூட்டும்போது ஏற்பட்ட பிழையாகும். இதுபோல பல மாணவர்களுக்கு கூட்டல் பிழையுடன் மதிப்பெண் கொடுக்கப்பட்டுள்ளது.

இந்த ஆண்டு 72 மையங்களில் 25 ஆயிரம் ஆசிரியர்கள் விடைத்தாள் திருத்தும் பணியில் ஈடுபட்டனர். சுமார் 60 லட்சம் விடைத்தாள்கள் திருத்தப்பட்டன. 50 ஆயிரம் மாணவர்கள் விடைத்தாள் நகல் கேட்டு விண்ணப்பித்து இருந்தனர். அவர்களுக்கு வழங்கப்பட்ட விடைத்தாள் நகலை பார்த்தபோதுதான் கூட்டலில் பிழை ஏற்பட்டு இருப்பது தெரிய வந்தது.

மேலும் ஒரு சில விடைத்தாள்கள் முறையாக திருத்தப்படாமல் மதிப்பெண் வழங்கப்படாமல் இருந்ததும் தெரிய வந்தது. 4,500 பேர் மறு மதிப்பீடு செய்யுமாறு விண்ணப்பித்து இருந்த நிலையில் ஆசிரியர்களின் தவறுகள் கண்டு பிடிக்கப்பட்டன.

ஒரு விடைத்தாள் திருத்தம் செய்வதற்கு 4 பேர் ஆசிரியர்கள் பொறுப்பாகிறார்கள். தவறு ஏற்படும்போது அவர்கள் அதற்கு பதில் சொல்ல வேண்டும். அந்த அடிப்படையில் எஸ்.எஸ்.எல்.சி., பிளஸ்-2 விடைத்தாள் மறுகூட்டல், மறுமதிப்பீடு செய்யப்பட்டு மதிப்பெண் மீண்டும் வழங்கப்பட்டுள்ளன.

விடைத்தாள் திருத்தம் செய்வதில் ஆசிரியர்கள் எவ்வாறு தவறு செய்திருக்கிறார்கள் என்பதை இணை இயக்குனர்கள் கண்டு பிடித்து அவர்கள் மீது நடவடிக்கை எடுக்க முதல் கட்டமாக நோட்டீஸ் அனுப்பப்பட்டுள்ளது.

500 ஆசிரியர்களுக்கும் மேலாக தவறு குறித்து அவர்களிடம் விளக்கம் கேட்டு நோட்டீஸ் கொடுக்கப்பட்டுள்ளது.

இதுகுறித்து அரசு தேர்வுத்துறை இயக்குனர் வசுந்தராதேவி கூறியதாவது:-

மறு கூட்டல், மறு மதிப்பீடு செய்யும்போது ஆசிரியர்களின் தவறு தெரிய வருகிறது. கடந்த காலங்களை விட படிப்படியாக தவறுகள் குறைந்துள்ளது. கவனக்குறைவாக செயல்பட்ட ஆசிரியர்கள் மீது பள்ளி கல்வித்துறை இயக்குனர் தான் நடவடிக்கை எடுப்பார். நாங்கள் அவர்களின் பட்டியலை கொடுத்து விடுவோம்.

தலைமை கண்காணிப்பாளர், எஸ்.ஒ, வி.ஒ உள்பட 4 பேர் விடைத்தாள் திருத்தம் செய்வதற்கு பொறுப்பாளர்கள். அவர்களை மீறி தவறு நடந்திருக்காது என்றால் அதற்கு அவர்களும் பொறுப்பாவார்கள்.

இவ்வாறு அவர் கூறினார்.

மாணவர்கள் மதிப்பெண் தவறுக்கு காரணமாக உள்ள ஆசிரியர்கள் மீது கடும் நடவடிக்கை எடுக்கப்படும் என்று கல்வித்துறை வட்டாரம் தெரிவிக்கின்றது.

முசாபர்பூர்:

பாராளுமன்ற 5-வது கட்ட தேர்தல் நேற்றுமுன்தினம் நடைபெற்றது. இதில், 51 தொகுதிகளில் வாக்குப்பதிவு நடந்தது. இவற்றில் பீகார் மாநிலம் முசாபர்பூர் தொகுதியும் அடங்கும்.

அங்கு வாக்குப்பதிவு நடந்து கொண்டிருந்தபோது, அந்த தொகுதியின் தேர்தல் அதிகாரிகளில் ஒருவரான கோட்டாட்சியர் அவதேஷ் குமார், முசாபர்பூரில் உள்ள ஒரு ஓட்டலுக்கு ஒரு வாகனத்தில் வந்தார். வாகனத்தில், 6 மின்னணு ஓட்டுப்பதிவு எந்திரங்கள் இருந்தன.

அந்த எந்திரங்கள் அவரது உத்தரவுப்படி, கீழே இறக்கப்பட்டன. ஓட்டலில் உள்ள ஒரு அறைக்குள் அவை வைக்கப்பட்டன.

இதற்கிடையே, ராஷ்டிரீய ஜனதாதளம் தலைமையிலான மகாகூட்டணி பிரமுகர்கள், இந்த காட்சியை தற்செயலாக பார்த்து விட்டனர். ஏதோ முறைகேடு செய்ய திட்டம் நடக்கிறது என்று அவர்கள் சந்தேகம் அடைந்தனர்.

உடனடியாக அந்த கூட்டணியின் உள்ளூர் பிரமுகர்கள் ஆர்ப்பாட்டத்தில் ஈடுபட்டனர். பா.ஜனதா வேட்பாளர் அஜய் நிஷாத்தை வெற்றி பெற வைப்பதற்காக அதிகாரிகள் முறைகேட்டில் ஈடுபடுவதாக அவர்கள் குற்றம் சாட்டினர்.

மின்னணு வாக்குப்பதிவு எந்திரங்களை பாதுகாப்பு பெட்டக அறையிலோ அல்லது வாக்குச்சாவடியிலோ தான் வைக்க வேண்டும். வேறு இடங்களில் வைக்கக்கூடாது என்பது விதிமுறை. எனவே, இந்த விதிமுறையை மீறி, ஓட்டல் அறைக்குள் ஓட்டுப்பதிவு எந்திரங்களை வைத்திருந்ததற்காக, தேர்தல் அதிகாரி அவதேஷ் குமாருக்கு தேர்தல் கமிஷன் நோட்டீஸ் வழங்கியது.

ஓட்டுப்பதிவு எந்திரங்களை கீழே இறக்க உதவிய 5 போலீசார் மீதும் நடவடிக்கை எடுக்கப்பட வாய்ப்புள்ளதாக மாவட்ட தேர்தல் அதிகாரியும், கலெக்டருமான அலோக் ரஞ்சன் கோஷ் தெரிவித்தார்.

இருப்பினும், அந்த 6 ஓட்டுப்பதிவு எந்திரங்களும் வாக்குப்பதிவுக்கு பயன்படுத்தப்படவோ, அவற்றின் ‘சீல்‘ உடைக்கப்படவோ இல்லை என்று கலெக்டர் கோஷ் கூறினார்.

எங்கேனும் ஓட்டுப்பதிவு எந்திரங்கள் கோளாறு அடைந்தால், அவற்றுக்கு பதிலாக பயன்படுத்த இந்த எந்திரங்கள் இருப்பு வைக்கப்பட்டு இருந்ததாகவும் அவர் தெரிவித்தார். எனவே, எந்த முறைகேடும் நடக்கவில்லை என்று அவர் கூறினார்.

புதுடெல்லி:

சுப்ரீம் கோர்ட் தலைமை நீதிபதி ரஞ்சன் கோகாய் (வயது 64) மீது அவரிடம் உதவியாளராக பணியாற்றிய 35 வயது பெண் ஊழியர் பாலியல் புகார் கூறியது பெரும் பரபரப்பை ஏற்படுத்தியது. இதை கடந்த சனிக்கிழமையன்று தாமாக முன்வந்து விசாரித்த சுப்ரீம் கோர்ட், இதில் பெரிய அளவில் சதி இருப்பதாக கருத்து தெரிவித்தது.

இந்த நிலையில், கடந்த திங்கட்கிழமை உத்சவ் சிங் பெயின்ஸ் என்ற வக்கீல் சுப்ரீம் கோர்ட்டில் ஒரு பிரமாண பத்திரம் தாக்கல் செய்தார். அதில் அவர், “தலைமை நீதிபதி மீதான பாலியல் புகார் அதிர்ச்சியைத் தருகிறது. புகார் கூறியவர் தரப்பில் நான் ஆஜராக விரும்பினேன். ஆனால் வழக்கு தொடர்பாக அஜய் என்பவர் என்னிடம் வந்து தெரிவித்த தகவல்கள் நம்பும்படியாக இல்லை. உடனே புகார் கூறியவரை (பெண்ணை) சந்திக்க வேண்டும் என நான் கூறினேன். ஆனால் அதற்கு அஜய் சம்மதிக்கவில்லை. இதனால் தலைமை நீதிபதி மீது வழக்கு போட ரூ.1½ கோடி அளவுக்கு லஞ்சம் தர முன்வந்தார். உடனே நான் அவரை வெளியே அனுப்பிவிட்டேன். தலைமை நீதிபதிக்கு எதிராக பெரிய சதி நடக்கிறது. இது குறித்து விசாரிக்க வேண்டும்” என அந்த பிரமாண பத்திரத்தில் கூறப்பட்டு இருந்தது.
இதை நேற்று முன்தினம் விசாரித்த நீதிபதி அருண் மிஸ்ரா தலைமையிலான அமர்வு, இந்த விவகாரம் தொடர்பாக புதன்கிழமை (நேற்று) கோர்ட்டில் நேரில் ஆஜராகி விளக்கம் அளிக்குமாறு வக்கீல் உத்சவ் சிங் பெயின்சுக்கு நோட்டீஸ் அனுப்ப உத்தரவிட்டனர்.

அதன்படி நேற்று நீதிபதிகள் அருண் மிஸ்ரா, ரோகின்டன் பாலி நாரிமன், தீபக் குப்தா ஆகியோர் அமர்வில் நடைபெற்ற விசாரணையின் போது வக்கீல் உத்சவ் பெயின்ஸ் நேரில் ஆஜரானார். அப்போது அவர், ‘சீல்‘ வைத்த உறை ஒன்றில் சில ஆவணங்கள் மற்றும் ஒரு கண்காணிப்பு கேமரா பதிவுகளையும் (சி.சி.டி.வி. பதிவு) தான் தாக்கல் செய்வதாகவும் அவை பல விஷயங்களை தெளிவுபடுத்தும் வகையில் அமைந்த தடயங்களாகும் என்றும் கூறினார். கண்காணிப்பு கேமராவில் பதிவாகி உள்ள காட்சிகள் சதியில் தொடர்புடைய ஒரு கார்ப்பரேட் நிறுவனம் குறித்த தடயம் ஆகும் என்றும் தெரிவித்தார்.

இதைத்தொடர்ந்து நீதிபதிகள் சி.பி.ஐ. இயக்குனர், தேசிய உளவு முகமை இயக்குனர் மற்றும் டெல்லி போலீஸ் கமிஷனர் ஆகியோர் தங்கள் (நீதிபதிகள்) அறையில் (நேற்று) 12.30 மணிக்கு ஆஜராக வேண்டும் என்று உத்தரவு பிறப்பித்தனர். அதன்படி அவர்கள் ஆஜரானார்கள்.

பின்னர் பிற்பகல் 3 மணிக்கு விசாரணை தொடர்ந்து நடைபெற்றது. அப்போது நீதிபதிகள், தலைமை நீதிபதி மீது கூறப்பட்ட புகார் அவருக்கு எதிரான சதியின் பின்னணியா? என்பதை கண்டறியவேண்டும் என்றும், அந்த சதியின் மூல காரணத்தை கண்டுபிடிக்க முழுஅளவில் விசாரணை நடத்தப்படும் என்றும், இப்படிப்பட்ட புகார்கள் தொடர்ந்தால் அதில் இருந்து யாரும் தப்பிக்க முடியாத நிலை ஏற்படும் என்றும் கூறினார்கள்.

விசாரணையில் அட்டார்னி ஜெனரல் கே.கே.வேணுகோபால் பங்கேற்றார். அவர் வாதாடுகையில், “வக்கீல் உத்சவ் சிங் பெயின்ஸ் தன்னுடைய முகநூலில் அதிருப்தியுற்ற சில நீதிபதிகளும் இந்த சதியில் பங்கேற்று உள்ளனர் என்று எழுதி இருக்கிறார். ஆனால் அவர் தாக்கல் செய்த பிரமாண பத்திரத்தில் அது குறித்து ஏதும் இல்லை. இது முன்னுக்கு பின் முரணாக இருக்கிறது” என்று கூறினார்.

அதற்கு வக்கீல் உத்சவ் பெயின்ஸ், தன் மீது மிகவும் மோசமான குற்றச்சாட்டு சுமத்தப்படுவதாக வருத்தம் தெரிவித்ததோடு, அட்டார்னி ஜெனரல் தனது நோக்கத்தை சந்தேகப்படுவதாகவும் கூறினார்.

உடனே நீதிபதி ரோகின்டன் பாலி நாரிமன், அட்டார்னி ஜெனரல் மிகவும் மரியாதைக்கு உரியவர் என்றும் அவர் மீது சந்தேகப்படுவதற்கு உங்களுக்கு ஏதும் உரிமையில்லை என்றும் அப்படி சந்தேகப்படுவதாக நீங்கள் கூறினால் உங்களை வெளியேற்ற வேண்டியிருக்கும் என்றும் எச்சரிக்கை விடுத்தார்.

அதற்கு உத்சவ் சிங் பெயின்ஸ், “என்னை வெளியேற்ற தேவையில்லை. நானே நடந்து வெளியில் செல்வேன்” என்று கூறினார்,.

அப்போது நீதிபதி அருண் மிஸ்ரா குறுக்கிட்டு, நீங்கள் இளைஞராக இருக்கிறீர்கள். “இதுபோன்று நேரடியாக அர்த்தம் எடுத்துக் கொள்ள வேண்டாம். நீதிபதி தன்னுடைய வருத்தத்தையும் கோபத்தையும் வெளிப்படுத்தி இருக்கிறார்” என்று கூறினார்.

இதைத்தொடர்ந்து நீதிபதிகள் கூறியதாவது:-

தற்போது உத்சவ் சிங் பெயின்ஸ் தாக்கல் செய்துள்ள பிரமாண பத்திரத்தில், அதிருப்தியுற்ற சுப்ரீம் கோர்ட்டு ஊழியர்கள் சிலர் தலைமை நீதிபதிக்கு எதிராக சதி திட்டம் தீட்டி இருப்பதாக கூறி இருக்கிறார். தலைமை நீதிபதி, ஏற்கனவே ஒரு வழக்கில் உத்தரவை தவறாக பதிவு செய்த சில ஊழியர்கள் மீது நடவடிக்கை எடுத்து இருக்கிறார். அவர்களை பதவி நீக்கம் செய்து இருக்கிறார்.

எனவே, உத்சவ் சிங் பெயின்ஸ் தன்னுடைய பிரமாண பத்திரத்தில் குறிப்பிட்டுள்ள பதவி நீக்கம் செய்யப்பட்ட சுப்ரீம் கோர்ட் ஊழியர்கள் பற்றி மற்றொரு பிரமாண பத்திரம் தாக்கல் செய்ய வேண்டும். மேலும் உத்சவ் சிங் பெயின்ஸ் மற்றும் அந்த ஊழியர்களுக்கு இடையே நடைபெற்ற தகவல் தொடர்பில் ஏதேனும் உரிமை மீறல் உள்ளதா என்பதையும் கோர்ட்டு தீர்மானிக்கும்.

ஒரு பொய்யான பிரமாண பத்திரத்தை கோர்ட்டில் தாக்கல் செய்வதன் விளைவுகள் பற்றி உத்சவ் சிங் பெயின்ஸ் கண்டிப்பாக அறிந்து இருப்பார். அவர் இந்த சதி பற்றி கூடுதல் பிரமாண பத்திரம் ஒன்றை நாளை (இன்று) காலை 10.30 மணிக்குள் தாக்கல் செய்ய வேண்டும். அவருக்கு டெல்லி போலீசார் கோர்ட் அடுத்த உத்தரவு பிறப்பிக்கும் வரை உரிய பாதுகாப்பு அளிக்க வேண்டும்.

வழக்கு நாளை (இன்று) காலை 10.30 மணிக்கு மீண்டும் விசாரணைக்கு எடுத்து கொள்ளப்படும்.

இவ்வாறு நீதிபதிகள் உத்தரவு பிறப்பித்தனர்.

இதற்கிடையே இந்த விவகாரம் குறித்து உள் அமர்வு விசாரணை நடத்த நீதிபதிகள் எஸ்.ஏ.போப்டே, என்.வி.ரமணா, இந்திரா பானர்ஜி ஆகியோர் அடங்கிய சிறப்பு விசாரணை குழு ஒன்றை சுப்ரீம் கோர்ட்டு நியமித்து உள்ளது.

இந்த குழுவை நியமனம் செய்ததற்கு எதிராக 259 பெண் வக்கீல்கள், அறிஞர்கள், மகளிர் குழுக்கள் மற்றும் தொண்டு நிறுவனங்களைச் சேர்ந்த சிலர் சுப்ரீம் கோர்ட் நீதிபதிகளுக்கு கடிதம் எழுதி உள்ளனர். அந்த கடிதத்தில், நேர்மையான தனி நபர்களை கொண்டு ஒரு சிறப்பு குழு அமைத்து அந்த குழு 90 நாட்களுக்குள் இந்த விவகாரம் தொடர்பாக விசாரணை நடத்தி அறிக்கை தாக்கல் செய்ய வேண்டும் என்றும் அதுவரை தலைமை நீதிபதி சுப்ரீம் கோர்ட்டில் எந்த அலுவலக பணியும் மேற்கொள்ளக் கூடாது என்றும் வலியுறுத்தி உள்ளனர்.   #CJIRanjanGogoi #AllegationsAgainstCJI 

புதுடெல்லி:

ரபேல் ஒப்பந்தத்தில் ஊழல் நடைபெற்றதாக கூறி உச்ச நீதிமன்றத்தில் வழக்கு தொடரப்பட்டது. ஒப்பந்த ஆவணங்களை ஆய்வு செய்த உச்ச நீதிமன்றம், எந்த முறைகேடும் நடந்து இருப்பதாக தெரியவில்லை என்று கூறியது. அதன்பின்னர், ஆங்கில நாளிதழில் வெளியான ரகசிய ஆவணங்களை சுட்டிக்காட்டி, ரபேல் விவகாரம் குறித்து மறு ஆய்வு மனு தாக்கல் செய்யப்பட்டது. இந்த வழக்கை உச்ச நீதிமன்றம் விசாரணைக்கு ஏற்றுக் கொண்டது.
இதற்கிடையே தேர்தல் பிரசார கூட்டத்தில் மோடியை ராகுல்காந்தி தரம் தாழ்ந்த வகையில் பேசினார். ரபேல் ஒப்பந்த விவகாரத்தில் பிரதமர் மோடியை திருடன் என்று உச்ச நீதிமன்ற நீதிபதியே கூறிவிட்டார் என்று அவர் பேசினார். இதற்கு பா.ஜனதா தலைவர்கள் கடும் எதிர்ப்பும், கண்டனமும் தெரிவித்தனர். ராகுல் காந்திக்கு எதிராக, உச்ச நீதிமன்றத்தில் பா.ஜனதா எம்.பி. மீனாட்சி லேகி நீதிமன்ற அவமதிப்பு வழக்கு தொடர்ந்தார். நேற்றைய விசாரணையின்போது, தனது பேச்சுக்கு ராகுல் காந்தி வருத்தம் தெரிவித்து பிரமாண பத்திரம் தாக்கல் செய்தார்.

இந்நிலையில் இன்று மீண்டும் இவ்வழக்கு விசாரணைக்கு வந்தது. அப்போது, மீனாட்சி லேகி தொடர்ந்த நீதிமன்ற அவமதிப்பு வழக்கை முடித்து வைக்கவேண்டும் என ராகுல் தரப்பு வழக்கறிஞர் அபிஷேக் மனு சிங்வி ஒரு மனுவை தாக்கல் செய்தார். ஆனால் மனுவை நீதிபதிகள் நிராகரித்தனர். அத்துடன், ராகுல் காந்தியின் பதிலில் திருப்தி இல்லை என கூறி அவருக்கு நோட்டீஸ் அனுப்ப உத்தரவிட்டனர்.

மேலும், ராகுல் காந்தி மீதான நீதிமன்ற அவமதிப்பு வழக்கு மற்றும் சீராய்வு மனு மீதான விசாரணை ஏப்ரல் 30-ம் தேதி நடைபெறும் எனவும் நீதிபதிகள் அறிவித்தனர். #RahulGandhi #ContemptNotice #Rafale

புதுடெல்லி:

உச்ச நீதிமன்ற தலைமை நீதிபதி ரஞ்சன் கோகாய் மீது, முன்னாள் பெண் ஊழியர் ஒருவர் பாலியல் புகார் கூறியிருப்பது நீதித்துறையில் கடும் அதிர்வலைகளை ஏற்படுத்தி உள்ளது. இது தொடர்பாக உச்ச நீதிமன்ற நீதிபதிகள் அருண் மிஸ்ரா, ரோகிண்டன் நரிமன், தீப்க் மிஸ்ரா ஆகியோர் அடங்கிய அமர்வு விசாரித்து வருகிறது.

இவ்வழக்கு இன்று விசாரணைக்கு வந்தது. அப்போது, வழக்கறிஞர் உத்சவ் பெயின்ஸ் நேரில் ஆஜராகும்படி நீதிபதிகள் நோட்டீஸ் அனுப்பினர்.


எனவே, வழக்கறிஞர் உத்சவ் பெயின்ஸ் நாளை நேரில் ஆஜராகி, இதுபற்றி விளக்கம் அளிக்கும்படி நோட்டீஸ் அனுப்பப்பட்டுள்ளது. வழக்கின் அடுத்தகட்ட விசாரணை நாளை நடைபெறும் என்று நீதிபதிகள் தெரிவித்தனர். #CJIRanjanGogoi #AllegationsAgainstCJI

புதுடெல்லி:

மகாராஷ்டிரா மாநிலத்தில் உள்ள புனே நகரை சேர்ந்த ஒரு இஸ்லாமிய தம்பதியர் இஸ்லாமிய பெண்களும் மசூதிகளுக்குள் சென்று தொழுகை நடத்த அனுமதிக்குமாறு உத்தரவிட வேண்டும் என்று சுப்ரீம் கோர்ட்டில் பொதுநல வழக்கு தொடர்ந்திருந்தனர்.

மத்திய-மாநில அரசின் நிதியுதவி மற்றும் சில சலுகைகளுடன் இயங்கிவரும் மசூதிகளில் பாலின பாகுபாட்டை காரணம் காட்டி பெண்களுக்கு அனுமதி மறுக்கப்படுவது அரசியலமைப்பு சட்டம் அளித்துள்ள சமத்துவத்துக்கு எதிரானது என தங்களது மனுவில் அவர்கள் சுட்டிக்காட்டி இருந்தனர்.

இந்த வழக்கு நீதிபதி எஸ்.ஏ.பாப்டே தலைமையிலான அமர்வின் முன்னர் இன்று விசாரணைக்கு வந்தது. மனுதாரர்களின் சார்பில் ஆஜரான வழக்கறிஞர் மசூதிகளுக்குள் பெண்கள் வழிபாடு செய்ய கூடாது என்று விதிக்கப்பட்டுள்ள தடையால் பெண்களின் சமஉரிமையும், கண்ணியமும் கேள்விக்குள்ளாவதாக குறிப்பிட்டார்.


இதனையடுத்து, மனுதாரர்களின் கோரிக்கை தொடர்பாக மத்திய அரசின் நிலைப்பாடு? என்ன என்று விளக்கம் கேட்டு நோட்டீஸ் அனுப்புமாறு நீதிபதிகள் உத்தரவிட்டனர்.

முன்னர் சபரிமலை தீர்ப்பு விவகாரம்போல் இந்த வழக்கின் தீர்ப்பும் ஆகிவிடாமல் இருப்பதற்காகவே மத்திய அரசிடம் முன்கூட்டியே விளக்கம் கேட்கப்படுவதாகவும் நீதிபதிகள் குறிப்பிட்டுள்ளனர்.

(சபரிமலை ஐயப்பன் கோவிலில் பெண்களும் வழிபாடு செய்ய அனுமதிக்க வேண்டும் என முன்னர் தொடரப்பட்ட வழக்கில் மத்திய அரசின் நிலைப்பாடு என்ன? என்று சுப்ரீம் கோர்ட் தலைமை நீதிபதி தீபக் மிஸ்ரா தலைமையிலான அமர்வு விளக்கம் கேட்டிருந்தது.

அதற்கு பதிலளித்த மத்திய அரசு வழக்கறிஞர் கோர்ட் எடுக்கும் முடிவுக்கு அரசு கட்டுப்படும் என்று குறிப்பிட்டிருந்தார். இவ்வழக்கில் சபரிமலை ஐயப்பன் கோவிலுக்கு பெண்களும் செல்லலாம் என 5 நீதிபதிகளை கொண்ட அமர்வில் 4 நீதிபதிகள் ஆதரவாக தீர்ப்பளித்திருந்தனர். ஒரு நீதிபதி மட்டும் எதிராக கருத்து தெரிவித்திருந்தார்.

ஆனால், பெரும்பான்மையான நீதிபதிகளின் கருத்தின் அடிப்படையில் சபரிமலை ஐயப்பன் கோவிலில் பெண்களும் வழிபாடு செய்யலாம் என்ற வரலாற்று சிறப்புமிக்க தீர்ப்பு வெளியானது.

பின்னர், மத்தியில் ஆளும் பாஜகவை சேர்ந்த பலர் இந்த தீர்ப்பை எதிர்த்து கேரள மாநிலத்தின் பல பகுதிகளில் ஆர்ப்பாட்டம், போராட்டம் போன்றவற்றை நடத்தினர். மேலும், இந்துத்துவா அமைப்புகளை சேர்ந்த பிரமுகர்கள் இருமுடியுடன் வந்த பல பெண்களை மிரட்டி, திருப்பி அனுப்பி விட்டனர் என்பது நினைவிருக்கலாம்.)

இப்படி, சபரிமலை தீர்ப்பு விவகாரத்தில் சுப்ரீம் கோர்ட்டின் தீர்ப்புக்கு மதிப்பில்லாமல் போனதை இன்று சூசகமாக சுட்டிக்காட்டிய நீதிபதிகள், ‘முன்னர் சபரிமலை தீர்ப்பு விவகாரம்போல் இந்த வழக்கின் தீர்ப்பும் ஆகிவிடாமல் இருப்பதற்காகவே மத்திய அரசிடம் முன்கூட்டியே விளக்கம் கேட்கப்படுவதாக’ தெரிவித்துள்ளனர் என்பது குறிப்பிடத்தக்கது. #SCissuesnotice #Muslimwomen #mosqueentry 

புதுடெல்லி:

பிரதமர் நரேந்திரமோடி வாழ்க்கையை மையமாக வைத்து ‘பி.எம்.நரேந்திரமோடி’ என்ற பெயரில் புதிய படம் தயாராகி உள்ளது. இதில் மோடியின் கதாபாத்திரத்தில் நடிகர் விவேக் ஓபராய் நடித்துள்ளார். பிரபல குத்துச்சண்டை வீராங்கனை ‘மேரிகோம்’ வாழ்க்கையை தழுவி எடுக்கப்பட்ட ‘மேரிகோம்’ படத்தை இயக்கிய ஓமங்க் குமார் இந்த படத்தை இயக்கி உள்ளார். மோடியின் இளமை காலத்து வாழ்க்கை முதல் 2014-ம் ஆண்டு பாராளுமன்ற தேர்தலில் வென்று நாட்டின் பிரதமர் ஆனது வரை உள்ள சம்பவங்கள், அவர் ஆட்சியில் நிறைவேற்றிய திட்டங்கள் உள்ளிட்டவை படத்தில் இடம்பெற்றுள்ளன.

மோடி படம் அடுத்த மாதம் (ஏப்ரல்) 12-ந் தேதி திரைக்கு வரும் என்று படக்குழுவினர் அறிவித்து உள்ளனர். இந்த படம் நடைபெற உள்ள தேர்தலில் தாக்கத்தை ஏற்படுத்தி பா.ஜனதாவுக்கு சாதமாக அமையும் என்று கூறப்படுகிறது. எனவே படத்தை தேர்தல் நேரத்தில் வெளியிட அனுமதிக்கக்கூடாது என்று தேர்தல் கமிஷனுக்கு காங்கிரஸ் மற்றும் இந்திய கம்யூனிஸ்டு கட்சிகள் மனு அளித்து உள்ளது.

ஓய்வு பெற்ற 47 ஐ.ஏ.எஸ். அதிகாரிகளும் இந்த படத்தை வெளியிட எதிர்ப்பு தெரிவித்து தேர்தல் கமிஷனுக்கு கடிதம் அனுப்பி உள்ளனர். அதில் “இந்த படத்தை வெளியிட அனுமதிப்பது தேர்தல் விதிமீறல் ஆகும்” என்று கூறியுள்ளனர். இதைத்தொடர்ந்து மோடி படத்தின் தயாரிப்பாளர்களுக்கு தேர்தல் கமிஷன் நோட்டீஸ் அனுப்பி உள்ளது. #ElectionCommission #NarendraModi 

கோவை:

மக்கள் நீதி மய்யம் கட்சி தலைவர் கமல்ஹாசன் கடந்த 24-ந் தேதி கோவையில் பாராளுமன்ற தேர்தல் அறிக்கையை வெளியிட்டு, வேட்பாளர் களை அறிமு கம் செய்து வைத்தார்.

முன்னதாக சிங்காநல்லூரில் உள்ள ஒரு தனியார் பள்ளியில், டாக்டர்களுடன் கலந்துரையாடினார். தகவல் அறிந்து சிங்காநல்லூர் தொகுதி பறக்கும் படை அலுவலர்கள் சம்பவ இடத்துக்கு சென்றனர்.

தேர்தல் நடத்தை விதிமுறைகள் அமலில் இருக்கும்போது, உரிய அனுமதி இல்லாமல் இதுபோன்ற கூட்டம் நடத்தக் கூடாது என்று அதிகாரிகள் கூறினர். இதைத் தொடர்ந்து கலந்துரையாடல் கூட்டம் பாதியிலேயே நிறுத்தப்பட்டது. இதனால் அங்கு சிறிதுநேரம் பரபரப்பு நிலவியது.

இந்நிலையில், உரிய அனுமதியின்றி கூட்டம் நடத்த அனுமதி வழங்கியது ஏன்? என விளக்கம் கேட்டு விசாரணை நடத்தி அறிக்கை சமர்ப்பிக்குமாறு கலெக்டர் ராஜாமணி, சிங்கா நல்லூர் தொகுதி தேர்தல் உதவி அலுவலர் பிரபாகரனுக்கு உத்தரவிட்டார். அதன்பேரில் பள்ளிக்கு விளக்கம் கேட்டு உதவி தேர்தல் அலுவலர் பிரபாகரன் நோட்டீசு அனுப்பி உள்ளார்.

அதில், உரிய அனுமதியின்றி கூட்டம் நடத்தியது தொடர்பாக 3 நாட்களுக்குள் விளக்கம் அளிக்க வேண்டும் என கூறப்பட்டுள்ளது. விளக்கத்தில் திருப்தி இல்லை என்றால் சட்டப்படி நடவடிக்கை எடுக்கப்படும் என அதிகாரிகள் தெரிவித்தனர். #LSPolls #KamalHaasan

கோவை:

மக்கள் நீதி மய்யம் கட்சி தலைவர் கமல்ஹாசன் கோவையில் நேற்று பாராளுமன்ற தேர்தல் அறிக்கையை வெளியிட்டு, வேட்பாளர்களை அறிமுகம் செய்து வைத்தார்.

முன்னதாக சிங்காநல்லூரில் உள்ள ஒரு தனியார் பள்ளியில் நேற்று மதியம் டாக்டர்களுடன் கலந்துரையாடினார். இதுகுறித்து தகவல் அறிந்ததும் சம்பவ இடத்துக்கு சிங்காநல்லூர் தொகுதி பறக்கும் படை அலுவலர்கள் சென்றனர்.

உரிய அனுமதி இல்லாமல் கூட்டம் நடத்தக்கூடாது என்று அதிகாரிகள் கூறினர். இதையடுத்து கலந்துரையாடல் கூட்டம் பாதியிலேயே முடித்துக் கொள்ளப்பட்டது. இதனால் அங்கு சிறிதுநேரம் பரபரப்பு நிலவியது.

இந்நிலையில், உரிய அனுமதியின்றி கூட்டம் நடத்த அனுமதி வழங்கியது ஏன்? என விளக்கம் கேட்டு விசாரணை நடத்தி அறிக்கை சமர்ப்பிக்குமாறு கலெக்டர் ராஜாமணி, சிங்காநல்லூர் தொகுதி தேர்தல் உதவி அலுவலருக்கு உத்தரவிட்டுள்ளார். அதன்பேரில் பள்ளிக்கு விளக்கம் கேட்டு தேர்தல் அலுவலர்கள் இன்று நோட்டீசு அனுப்ப உள்ளனர்.

இதுகுறித்து அதிகாரிகள் கூறுகையில், உரிய அனுமதியின்றி கூட்டம் நடத்தியது தொடர்பாக விளக்கம் கேட்டு சம்பந்தப்பட்ட பள்ளிக்கு இன்று நோட்டீசு அனுப்பப்படும். அதன் பேரில் அவர்கள் விளக்கம் அளிப்பார்கள். விளக்கம் திருப்திகரமாக இல்லையென்றால் அடுத்தக்கட்ட நடவடிக்கை எடுக்கப்படும்.

இவ்வாறு அவர்கள் தெரிவித்தனர். #LSPolls #KamalHaasan

சென்னை:


இந்நிலையில், தேர்தல் நடத்தை விதிமுறைகள் அமலில் உள்ளபோது அரசியல் கட்சியின் தலைவரான ராகுல் காந்தியின் கலந்துரையாடல்  நிகழ்ச்சிக்கு அனுமதி அளித்தது ஏன்? என ஸ்டெல்லா மேரிஸ் கல்லூரி நிர்வாகத்துக்கு கல்லூரி கல்வித்துறை நோட்டீஸ் அனுப்பியுள்ளது. #StellaMariscollege #RahulinChennai