நீங்கள் தேடியது "பிரதமர்"

சென்னை:

தமிழக பா.ஜனதா தலைவர் தமிழிசை சவுந்தரராஜன் சென்னையில் இன்று நிருபர்களிடம் கூறியதாவது:-

தமிழக பா.ஜனதா பொறுப்பாளராக பியூஸ் கோயல் நியமிக்கப்பட்டுள்ளார். அவருடன் தமிழக மூத்த தலைவர்கள் அமர்ந்து என்னென்ன விதத்தில் தேர்தலை சந்திக்க வேண்டும் என்ற முழு திட்டமிடலை உணர்த்தி வந்திருக்கிறோம்.

பியூஸ் கோயல் தமிழக பா.ஜனதாவோடு முழுமையாக ஒத்துழைத்து எங்களுக்கு வழிகாட்டி எங்களையும் அவரோடு இணைத்து வெற்றிப் பாதைக்கு அழைத்து செல்கிறேன் என்று உறுதிப்பாட்டை சொல்லி இருக்கிறார். மிகுந்த உற்சாகத்தோடு நாங்கள் டெல்லியில் இருந்து வந்திருக்கிறோம்.

பா.ஜனதா மாநில தலைவர்கள், பொதுச்செயலாளர்கள் மூலம் ஒவ்வொரு தொகுதிக்கு என்று முழு நேர ஊழியர்கள் போட்டிருக்கிறோம். அவர்களையும் பியூஸ் கோயல் சந்தித்தார்.

அப்போது தமிழகத்தில் அமித்ஷாவின் கூட்டத்திற்கும், காணொலி காட்சி மூலமாக நடைபெறும் கூட்டத்திற்கும் தமிழகத்தில் நல்ல ஆதரவு பெருகி வருகிறது என்பதற்கும் அவர் எங்களுக்கு பாராட்டை தெரிவித்தார்.

தமிழகத்தில் தேசிய கட்சியாக இருக்கும் பா.ஜனதா மட்டும்தான் பலம் பெற முடியும். இன்றைய கால கட்டத்தில் தமிழகத்தின் அரசியலில் தமிழக பாரதிய ஜனதா கட்சியின் தாக்கம் இருக்கும். எவ்வளவுதான் தாக்கி பேசினாலும் எங்களின் தாக்கம் இருக்கும். வரும் காலத்தில் ஒரு வழிகாட்டும் கட்சியாக பாரதிய ஜனதா கட்சி இருக்கும்.

கவர்னரை மு.க.ஸ்டாலின் இன்று சந்திக்க செல்கிறார். அவர் கவர்னரை கருப்பு கொடியுடன் சென்று சந்திப்பாரா அல்லது கருப்பு கொடி இல்லாமல் சந்திப்பாரா?. ஆளுனர் அரசுக்கு இடையூறு இல்லாமல் மக்களுக்கான திட்டங்களுக்காக மக்களிடம் சென்று மனு வாங்கினால் ஊருக்கு ஊர் கருப்புக்கொடி காண்பித்தார்கள். இன்று ஆளுநர்தான் தலைவர் என்பதை நீங்கள் ஒப்புக் கொள்கிறீர்கள். சட்டப்படி இதை அணுகுவோம் என்று தமிழக அரசும், முதல்- அமைச்சரும் சொல்லி இருக்கிறார்கள். சட்டப்படி அணுகட்டும்.

இதில் நீங்கள் யாரோ தொடுத்த ஒரு குற்றச்சாட்டை வைத்து அரசியல் செய்கிறீர்கள். வழக்கை திசை திருப்ப குற்றவாளிகள் ஏதாவது ஒரு குற்றச்சாட்டை கூறலாம். எதிர்க்கட்சி தலைவர் அதை ஆதாரப்பூர்வமான குற்றச்சாட்டாக எடுத்துக் கொண்டு விவாதம் நடத்திக் கொண்டிருக்கிறார்.

அப்படிப் பார்த்தால் 2ஜியில் ஆரம்பித்து எவ்வளவு உயிரிழப்புகள் நடைபெற்றது என்பதை எதிர் விவாதமும் செய்யலாம். சட்டப்படி விசாரணை நடை பெறட்டும். சட்டப்படி யார் குற்றமற்றவர்களோ அது வெளியே தெரியட்டும். ஆனால் குற்றச்சாட்டு வந்த உடனேயே நீங்கள் எம்பி குதிப்பது, ஏதோ குதித்து அரசாங்கத்தில் இருந்து விடலாம் என்ற ஒரு மனப்பால் குடிப்பதாகத்தான் நான் எடுத்துக் கொள்கிறேன்.

தி.மு.க. ஆட்சி செய்யும் போது மு.க.ஸ்டாலின் எல்லாவற்றக்கும் மத்திய அரசிடம் விசாரணைக்கு கொடுத்தாரா? எனவே அவர்கள் நம்பிக்கையோடு சட்ட ரீதியாக அணுக வேண்டும்.

பியூஸ் கோயலுடன் சந்திப்பு என்பது பா.ஜனதாவின் வெற்றிக்கான அச்சாரமாக அமையும். அந்த வெற்றிக்கான அச்சாரத்தில் கூட்டணிக்கான அச்சாரமும் ஒன்று. அது மட்டுமே ஒரு அச்சசரமாக எடுக்க முடியாது.

பியூஸ் கோயல் மிக திறமைசாலி. பல மாநிலங்களுக்கு பொறுப்பாளராக இருந்து வெற்றியை தேடித் தந்தவர். எனவே சவாலான இந்த மாநிலத்துக்கு அந்த சவாலான ஒரு அமைச்சரை அமித்ஷா நியமித்திருக்கிறார். அவருடன் சி.டி.ரவி இணை பொறுப்பாளராக நியமிக்கப்பட்டிருக்கிறார். அவர்கள் இருவரும் நிச்சயமாக தமிழகத்தில் வெற்றியை தேடித்தருவார்கள் என்ற நம்பிக்கை எங்களுக்கு இருக்கிறது.

தி.மு.க.-காங்கிரஸ் கூட்டணியில் இல்லாத நல்லாட்சியை விரும்புகின்ற, மோடியை பிரதமராக ஏற்றுக் கொள்கின்ற, இந்த நாட்டின் வளர்ச்சி திட்டம்தான் தேவை என்று அசராத நம்பிக்கை உள்ள எந்த கட்சியோடு வேண்டுமானாலும் நாங்கள் கூட்டணி பேச்சு வார்த்தை நடத்துவோம்.

கூடா நட்பு கேடாய் முடியும் என்ற தகவல் கொஞ்சம் கொஞ்சமாக இந்தியா முழுவதும் பரவிக் கொண்டிருக்கிறது. ராகுல்காந்தியை பிரதமர் வேட்பாளராக மு.க.ஸ்டாலின் அறிவித்தார். அதை ஒரு கூட்டணி கட்சி கூட ஆமோதிக்கவில்லை.

சென்னை:

சென்னையை சேர்ந்த பிரபல 5 ரூபாய் டாக்டர் எஸ்.ஜெயச்சந்திரன் கடந்த 19-ந்தேதி மரணம் அடைந்தார்.

பிரதமர் நரேந்திர மோடி இன்று உரையாற்றிய மன் கி பாத் நிகழ்ச்சியில் மக்கள் மருத்துவரான மறைந்த ஜெயச்சந்திரனை பாராட்டியுள்ளார். இது தொடர்பாக மோடி தனது உரையில் கூறி இருப்பதாவது:-

டாக்டர் ஜெயச்சந்திரன் சமூக நலனுக்காக அர்ப்பணிப்புடன் பணியாற்றியவர். நோயாளிகளுக்கு சிகிச்சை அளிப்பதில் எப்போதும் ஆர்வத்துடன் இருந்தார்.

இதேபோல 15,000 பெண்களுக்கு பிரசவம் பார்த்த கர்நாடக பெண் நரசம்மாவும் ஏழைகளுக்கு சேவை புரிந்துள்ளார்.

உலகின் உயரமான சர்தார்படேல் சிலையானது இந்தியாவின் ஒற்றுமைக்கான ஆதாரமும் நமது பண்டிகைகள் கலாசாரத்தையும், விவசாயத்தையும் சார்ந்திருக்கும் மக்களுக்கு உணவளிக்கும் விவசாயிகளுக்கு பொங்கல் வாழ்த்துக்களை தெரிவித்துக் கொள்கிறேன். பண்டிகைகளில் எடுக்கப்படும் புகைப் படங்களை மற்றவர்களுடன் பகிர்ந்து கொள்ளுங்கள் புகைப்படங்களை பகிர்வதால் இந்தியாவின் கலாச்சாரம், பன்முகத்தன்மையை அனைவரும் காணமுடியும்.

2018-ம் ஆண்டில் தான் உலகின் மிகப்பெரிய காப்பீடு திட்டம் அமல்படுத்தப்பட்டது. நாட்டில் உள்ள ஒவ்வொரு கிராமத்துக்கும் மின்சார வசதி செய்து கொடுக்கப்பட்டுள்ளது. தூய்மை இந்தியா திட்டத்தின் கீழ் 95 சதவீத கிராமங்கள் தூய்மைப்படுத்தப்பட்டன.

எளிதாக தொழில் தொடங்குவதற்கான பட்டியலில் இந்தியா முன்னேற்றம் அடைந்தது. இந்தியாவின் வளர்ச்சி பயணம் வரும் ஆண்டிலும் தொடரும்.

குடியரசு தின விழா நிகழ்ச்சியில் தென் ஆப்பிரிக்க அதிபர் சிரில் ரமபோசா சிறப்பு விருந்தினராக கலந்து கொள்கிறார்.

இவ்வாறு மோடி தனது மன் கி பாத் உரையில் குறிப்பிட்டுள்ளார்.  #PMModi #MannKiBaat

புதுடெல்லி:

ஆந்திர முதல்-மந்திரியும், தெலுங்கு தேசம் தலைவருமான சந்திரபாபு நாயுடு தனது மாநிலத்துக்கு மத்திய அரசு சிறப்பு அந்தஸ்து வழங்கி கூடுதல் நிதி ஒதுக்கீடு செய்யவில்லை என்று கூறி பா.ஜனதாவுக்கு எதிராக களம் இறங்கி இருக்கிறார்.

தனது பழைய பகையை மறந்து காங்கிரசுடன் கை கோர்த்து எதிர்க் கட்சிகளையும், மாநில கட்சிகளையும் ஒரே அணியில் இணைக்கும் முயற்சியில் ஈடுபட்டுள்ளார். முதல் முறையாக தெலுங்கானா சட்டசபை தேர்தலில் காங்கிரசுடன் தெலுங்கு தேசம் கட்சி கூட்டணி சேர்ந்து போட்டியிட்டது. ஆனால் தேர்தலில் படுதோல்வியை சந்தித்தது.

இந்த நிலையில் சந்திரபாபு நாயுடு ஒரு ஆங்கில பத்திரிக்கைக்கு அளித்த சிறப்பு பேட்டியில் கூறி இருப்பதாவது:-

தெலுங்கானா மாநிலத்தில் காங்கிரஸ் பிரதான எதிர்க்கட்சியாக விளங்குகிறது. தேர்தலில் நாங்கள் கூட்டணி சேர்ந்தோம். பா.ஜனதா மற்றும் தெலுங்கானா கட்சியை எதிர்க்கும் முகமாகவே இந்த கூட்டணி உருவானது.

கூட்டாட்சி தத்துவத்தின் கீழ் பா.ஜனதாவிடம் இருந்து மாநிலங்களின் உரிமையை பாதுகாக்க வேண்டும். பா.ஜனதாவை எதிர்க்க சக்தி வாய்ந்த கட்சிகள் காங்கிரசுடன் கை கோர்க்க வேண்டியது அவசியம். கடந்த 4 வருடங்களாக தெலுங்கானாவில் காங்கிரசால் எதிர்ப்பு அரசியல் நடத்த முடியவில்லை. எனவே நாங்கள் வலுப்படுத்தவே கூட்டணி சேர்ந்தோம்.

ஆனால் உள்ளூர் காங்கிரஸ் தலைவர்களிடையே ஒற்றுமை இல்லை. பண பலம் மற்றும் நலத்திட்டங்களிலும், வழக்குப்பதிவு எந்திரத்தில் தில்லு முல்லு செய்தும் சந்திரசேகர்ராவ் வெற்றி பெற்றார்.

நான் பா.ஜனதா பலமான கட்சியாக இருக்கும் போதே எதிர்த்து வெளியேறினேன். இப்போது பா.ஜனதா நாளுக்கு நாள் பலம் இழந்து வருகிறது.

சமீபத்தில் நடந்த சட்டசபை தேர்தல்கள் பாராளுமன்ற தேர்தலை சந்திப்பதற்கான அரை இறுதிப் போட்டியாகும். தேர்தல் நேர்மையாகவும், நியாயமாகவும் நடந்தால் பா.ஜனதா வெற்றி பெற முடியாது.

மத்தியில் பா.ஜனதா அல்லாத கட்சிகள் கொண்ட கூட்டணிதான் ஆட்சிக்கு வரும். அது காங்கிரஸ் தலைமையிலான கூட்டணியாகவும் இருக்கலாம் அல்லது காங்கிரஸ் ஆதரிக்கும் கூட்டணியாகவும் இருக்கலாம். பா.ஜனதாவால் இனி தனித்து ஆட்சி அமைக்க முடியாது. அதற்கான வாய்ப்பு இல்லை.

எனக்கு பிரதமராக வேண்டும் என்று எந்த குறிக்கோளும் இல்லை. பிரதமராகும் ஆசையும் இல்லை. எனவே பிரதமர் பதவிக்கு போட்டியிட மாட்டேன்.

ராகுல்காந்தியை பிரதமர் வேட்பாளராக தி.மு.க. தலைவர் மு.க.ஸ்டாலின் அறிவித்து இருப்பது அவரது சொந்த வி‌ஷயம். காங்கிரஸ் கட்சியும் தனியாக அவரை பிரதமர் வேட்பாளராக முன் நிறுத்துகிறது. மேலும் பிரதமர் வேட்பாளர் தொடர்பாக விவாதம் நடத்த காங்கிரஸ் விரும்புகிறது. தேர்தலில் கூட்டணி கட்சிகள் பெறும் தொகுதிகளின் அடிப்படையிலேயே பிரதமர் பதவி முடிவு செய்யப்படும்.

இவ்வாறு அவர் கூறினார். #ChandrababuNaidu

நகரி:

ஒருங்கிணைந்த ஆந்திராவை பிரித்து தெலுங்கானா மாநிலம் உதயமானது. இதையடுத்து ஆந்திராவுக்கு மாநில சிறப்பு அந்தஸ்து வழங்கப்படும் என்று தெரிவிக்கப்பட்டது.

ஆனால் இதுவரை மாநில சிறப்பு அந்தஸ்து வழங்கப்படவில்லை. இதற்காக ஆந்திர மக்கள் போராடி வருகிறார்கள்.

இதற்கிடையே மத்தியில் ஆளும் பா.ஜனதா கூட்டணியில் இருந்து தெலுங்கு தேசம் கட்சி விலகியது. அன்று முதல் பிரதமர் மோடியை ஆந்திர முதல்-மந்திரி சந்திரபாபு நாயுடு கடுமையாக விமர்சித்து வருகிறார்.

இந்த நிலையில் வருகிற 6-ந்தேதி ஆந்திர மாநிலம் குண்டூரில் நடக்கும் பா.ஜனதா பொதுக்கூட்டத்தில் பிரதமர் மோடி பங்கேற்று பேசுகிறார்.

அவரது வருகைக்கு எதிர்ப்பு தெரிவித்து மாநிலம் தழுவிய போராட்டம் நடத்த வேண்டும் என்று சந்திரபாபு நாயுடு அழைப்பு விடுத்துள்ளார்.

இது தொடர்பாக அவர் அனந்தபுரத்தில் நடந்த கட்சி கூட்டத்தில் பேசியதாவது:-

ஆந்திராவுக்கு மாநில சிறப்பு அந்தஸ்து பெற பிரதமர் மோடியை 29 முறை சந்தித்து பேசினேன். ஆனால் சிறப்பு அந்தஸ்து தரவில்லை. குஜராத்தை விட ஆந்திரா முன்னேறி விடக்கூடாது என்று நினைக்கிறார்.

அமெரிக்காவின் முன்னாள் அதிபர் பில் கிளிண்டனை சந்தித்த போது கூட அவரை பெயரை சொல்லி தான் அழைத்தேன். ஆனால் பிரதமர் மோடியை மாநில சிறப்பு அந்தஸ்து கிடைக்க வேண்டும் என்பதற்காக மிக மரியாதையாக சார் என்று அழைத்தேன். ஆனால் அவர் சிறப்பு அந்தஸ்து தராமல் ஏமாற்றி விட்டார்.

பாராளுமன்றத்தில் மத்திய அரசுக்கு எதிராக நான் நம்பிக்கையில்லா தீர்மானம் கொண்டு வந்ததால் தெலுங்கு தேசம் கட்சி எம்.பி.க்கள், எம்.எல்.ஏ.க்கள் பழி வாங்கப்படுகிறார்கள். அவர்கள் மீது வருமான வரித்துறை, அமலாக்கத்துறை, சி.பி.ஐ. போன்ற சோதனைகள் தொடுக்கப்படுகின்றன.

இது எனது கட்சிக்காரர்கள் மீது நடத்தப்படும் தாக்குதல் அல்ல. ஆந்திர மக்கள் மீது மோடி நடத்தும் தாக்குதல்.

ஆந்திராவுக்கு மாநில சிறப்பு அந்தஸ்து தர மறுக்கும் பிரதமர் மோடி எந்த முகத்தை வைத்துக் கொண்டு இங்கு வருகிறார்.

அவரது வருகையை எதிர்த்து மாநிலம் முழுவதும் பொதுமக்களும், தெலுங்கு தேசம் கட்சி தொண்டர்களும் போராட்டம், எதிர்ப்பு பேரணி ஆகியவற்றை நடத்த வேண்டும்.

இவ்வாறு அவர் பேசினார். #ChandrababuNaidu

வேலூர்:

அம்பேத்கரின் 63-வது நினைவு நாள் பொதுக்கூட்டம் நெமிலி பஸ் நிலையத்தில் நடைபெற்றது. இதில் சிறப்பு அழைப்பாளராக விடுதலை சிறுத்தைகள் கட்சியின் தலைவர் தொல்.திருமாவளவன் கலந்து கொண்டு பேசினார்.

கருணாநிதியின் சிலை திறப்பு விழா நிகழ்ச்சியில் தி.மு.க. தலைவர் மு.க.ஸ்டாலின், அகில இந்திய காங்கிரஸ் கட்சியின் தலைவர் ராகுல்காந்தியை பிரதமர் வேட்பாளராக முன்மொழிந்திருப்பது இந்திய அரசியல் அரங்கில் மகத்தான திருப்பத்தையும், பரபரப்பையும் ஏற்படுத்தி உள்ளது.

இந்த முன்மொழிவை விடுதலை சிறுத்தைகள் கட்சி வழி மொழிகிறது. இதனை நாங்கள் வரவேற்கிறோம். ராஜீவ்காந்தி கொலை வழக்கில் கால் நூற்றாண்டுக்கு மேல் சிறையில் உள்ள 7 பேரையும் விடுதலை செய்ய இந்திய அரசியல் சட்டத்தில் இடமிருக்கிறது. கவர்னருக்கு அதிகாரமும் இருக்கிறது. இதனை சுப்ரீம் கோர்ட்டு தெளிவுபடுத்தி உள்ளது. தமிழக முதல் - அமைச்சர் தலைமையில் அமைச்சரவை கூட்டம் கூடி தீர்மானம் நிறைவேற்றி கவர்னருக்கு பரிந்துரை செய்துள்ளது. இந்தநிலையில், கவர்னர் மவுனம் காப்பது அதிர்ச்சி அளிக்கிறது. மத்திய அரசின் தலையீடு இல்லாமல் கவர்னர் அமைதிகாத்திட வாய்ப்பில்லை என நம்ப வேண்டி இருக்கிறது.

எனவே கவர்னர் விரைந்து இதுகுறித்து முடிவு எடுக்க வேண்டும். 7 பேரையும் விடுதலை செய்ய முன் வரவேண்டும் என விடுதலை சிறுத்தைகள் கட்சி வலியுறுத்துகிறது.

இடைத்தேர்தல் இப்போது வருமா? என தெரியவில்லை. ஆனால் திருப்பரங்குன்றம், திருவாரூர் ஆகிய 2 தொகுதிகளுக்கு கட்டாயம் இடைத்தேர்தல் வந்தே தீரும். எந்த முடிவாக இருந்தாலும், தி.மு.க தலைமையிலான கூட்டணியில் இணைந்தே விடுதலை சிறுத்தைகள் கட்சி முடிவெடுக்கும்.

தேசிய பசுமை தீர்ப்பாயம் மீண்டும் ஸ்டெர்லைட் ஆலையை திறக்க உத்தரவிட்டுள்ளது. இது எதிர்பார்த்த ஒன்று தான். ஆனாலும் அதை ஏற்க இயலவில்லை. மிகவும் வேதனை அளிக்க கூடிய தீர்ப்பு. இந்த ஆலை விவகாரம் தொடர்பாக 13 பேர் உயிர் இழந்துள்ளனர். ஆயிரக்கணக்கானோர் பாதிக்கப்பட்டுள்ளனர். மேலும் சுகாதார சீர்கேடு அதிகமாக இருக்கிறது. பலர் நோய்வாய்ப்பட்டு உயிரிழந்துள்ளனர்.

இவ்வாறான சூழ்நிலையில் மாசுக்கட்டுப்பாட்டு வாரியத்தின் ஒரு ஆணையை வைத்து, ஆலையை நிரந்தரமாக மூட தமிழக அரசு ஆணையிட்டது தான், இன்றைக்கு தேசிய பசுமை தீர்ப்பாயம் இந்த தீர்ப்பை வழங்கியதாக சொல்லப்படுகிறது. இதற்கு தமிழக அரசே பொறுப்பு ஏற்க வேண்டும். உடனடியாக அனைத்து கட்சி கூட்டத்தை கூட்ட வேண்டும்.

இவ்வாறு அவர் கூறினார். #MKStalin #RahulGandhi

கொழும்பு:

இலங்கையில் பிரதமரக இருந்த ரணில் விக்ரமசிங் கேவை நீக்கி விட்டு முன்னாள் அதிபர் மகிந்த ராஜபக்சேவை அதிபர் சிறிசேனா கடந்த மாதம் 26-ந்தேதி நியமித்தார். இதனால் இலங்கை அரசியலில் குழப்பம் நிலவி வருகிறது.

ராஜபக்சேவுக்கு பெரும்பான்மை இல்லாததால் அதிபர் சிறிசேனா பாராளுமன்றத்தை கலைத்தார். அதற்கு எதிராக சுப்ரீம்கோர்ட்டில் எதிர்க்கட்சிகள் வழக்கு தொடர்ந்த நிலையில் நீதிமன்றம் இடைக்கால தடை விதித்தது. எனவே கடந்த வாரம் பாராளுமன்றம் கூடிய போது வரலாறு காணாத வகையில் மோதல் ஏற்பட்டது.

இந்த களேபரங்களுக்கு மத்தியிலும் கடந்த 14 மற்றும் 16-ந்தேதிகளில் ராஜபக்சே அரசுக்கு எதிராக 2 முறை நம்பிக்கை இல்லா தீர்மானம் கொண்டு வந்து நிறைவேற்றப்பட்டன. எனினும் அதை ஏற்க அதிபர் சிறிசேனா மறுத்து விட்டார். ரணில் விக்ரம் சிங்கேவை மீண்டும் பிரதமராக நியமிக்க மறுத்து வருகிறார்.

3 வாரங்களுக்கும் மேலாக நீடித்து வரும் அரசியல் நெருக்கடிக்கு தீர்வு காண நேற்று அனைத்துக் கட்சி கூட்டத்தை அதிபர் சிறிசேனா கூட்டினார். அதில் ரணில் விக்ரமசிங்கே, ராஜபக்சே மற்றும் அவர்களது கட்சி பிரதிநிதிகள் கலந்து கொண்டனர்.

இந்த கூட்டத்தில் சபாநாயகர் கரு.ஜெயசூர்யா கலந்து கொள்ளவில்லை. பெரும் எதிர்பார்ப்புகளுக்கு மத்தியில் நடந்த இந்த கூட்டம் எவ்வித முடிவும் எட்டப்படாமல் தோல்வியில் முடிந்தது.

எனவே பிரதமர் யார் என்ற பிரச்சினைக்கு தீர்வு காணப்படாமல் அரசியல் குழப்பம் நீடித்து வருகிறது. இந்த நிலையில் இலங்கை பாராளுமன்றம் இன்று மாலை மீண்டும் கூடுகிறது.

அப்போது புதிய பிரதமர் யார்? என்ற பிரச்சினை மீண்டும் எழும் என எதிர்பார்க்கப்படுகிறது. இதனால் சபையில் மீண்டும் மோதல், அடி-தடி ரகளை ஏற்படும் அபாயம் உள்ளது.

இதற்கிடையே பாராளுமன்றத்தில் கடந்த வாரம் போன்று மோதல் தொடர அனுமதித்தால் எம்.பி.க் களில் ஒருவர் அல்லது இருவர் கொல்லப்படலாம் என ஐக்கிய மக்கள் சுதந்திர முன்னணியின் பொதுச் செயலாளர் மகிந்த அமரவீர அச்சம் தெரிவித்துள்ளார்.

ஹம்பாத்தோட்டை மாவட்டத்தில் இலங்கை சுதந்திரா கட்சியின் அமைப்பாளர்ளின் கலந்துரையாடல் கூட்டம் நடந்தது. அதில் பங்கேற்று பேசிய போது இத்தகவலை அவர் கூறினார்.

இதற்கிடையே நேற்று நடந்த அனைத்து கட்சி கூட்டத்துக்கு பிறகு ரணில் விக்ரமசிங்கேவின் ஐக்கிய தேசிய கட்சியை சேர்ந்த லட்சுமன் கிரியெல்ல நிருபர்களுக்கு பேட்டி அளித்தார்.

அப்போது “எங்கள் தரப்புக்கு (ரணில் விக்ரம சிங்கேவுக்கு) பாராளுமன்றத்தில் பெரும்பான்மை உள்ளது. ராஜபக்சேவை பிரதமராக நியமிக்க அதிபருக்கு மக்கள் உத்தரவு வழங்கவில்லை. புதிய பிரதமர் நியமிக்கப்பட்டால் பாராளுமன்றத்தில் பெரும்பான்மையை நிரூபிக்க வேண்டும் என்று குறிப்பிட்டார். #Rajapaksa #SriLankanPolitics